ୟୁଏଇରୁ ଉଡ଼ାଣ ଭରିଥିବା 5 ରାଫେଲ ବିମାନ ଭାରତରେ ପହଞ୍ଚିଥିବା ନେଇ ସୂଚନା ମିଳିଛି । ଅମ୍ବାଲା ଏୟାରବେସ୍ରେ ଅବତରଣ କରିଛି ରାଫେଲ ଜେଟ୍ । ଫ୍ରାନ୍ସରୁ ଆସିଥିବା ପ୍ରଥମ କିସ୍ତିର 5 ଫାଇଟର ଜେଟ୍ ରାଫେଲ ଭାରତରେ ପହଞ୍ଚିଛି ।
ଅମ୍ବାଲା ଏୟାରବେସ୍ରେ ଭାରତୀୟ ବାୟୁସେନା ମୁଖ୍ୟଙ୍କ ସମେତ ବହୁ ବରିଷ୍ଠ ଅଧିକାରୀ ରାଫେଲକୁ ସ୍ୱାଗତ କରିଛନ୍ତି । ତେବେ 5 ରାଫେଲ ବିମାନ ଭାରତରେ ପହଞ୍ଚିଥିବା ବେଳେ ବାୟୁସେନାର ଶକ୍ତି ବୃଦ୍ଧି ହେବା ନେଇ ବଢ଼ିଛି ଆଶା । ରାଫେଲ ଶକ୍ତି ଆଗରେ ଧୂଳି ଚାଟିବେ ଶକ୍ତିପକ୍ଷର ଲଢ଼ୁଆ ବିମାନ ।
ଭାରତୀୟ ଆକାଶରେ ରାଫେଲ ପହଞ୍ଚିବା ଦୃଶ୍ୟ ଥିଲା ନିଆରା । 5 ରାଫେଲ ବିମାନକୁ ଏସକର୍ଟ କରୁଥିଲେ ଦୁଇଟି ସୁଖୋଇ ବିମାନ । ଏଭଳି ଏକ ଭିଡିଓ ଏବେ ଦେଖିବାକୁ ମିଳିଥିଲା । ତେବେ ଏବେ ଅମ୍ବାଲା ଏୟାରବେସ୍ରେ ଲ୍ୟାଣ୍ଡ କରିଛି ରାଫେଲ ।
