ଏହି ଅଧିକାରୀମାନେ ୟୁଏପିଏ ଅଧିନିୟମ ଅନୁଯାୟୀ ପଞ୍ଜୀକୃତ ଅଭିଯୁକ୍ତଙ୍କ ସମ୍ପତ୍ତି ଉପରେ ନଜର ରଖିବେ । ଏଥିସହ ଏହି ଟିମ ସେମାନଙ୍କ ସମ୍ପତ୍ତି ଜବତ କରିବା ସହ ବ୍ୟାଙ୍କ ଆକାଉଣ୍ଟକୁ ମଧ୍ୟ ଫ୍ରିଜ୍ କରିବେ ।
ସୂଚନା ଅନୁସାରେ ଏହି ଦଳ ଭାରତରେ ଆତଙ୍କବାଦ ସହ ଜଡିତ ଥିବା କିମ୍ବା ଆତଙ୍କବାଦୀଙ୍କୁ ସହଯୋଗ କରୁଥିବା ସମସ୍ତ ବ୍ୟକ୍ତିଙ୍କ ସମ୍ପତ୍ତି ଉପରେ ନଜର ରଖିବ । ଏହି ଦଳରେ ଇଣ୍ଟେଲିଜେନ୍ସ ବ୍ୟୁରୋ (ଆଇବି), ଆର୍ଥିକ ଇଣ୍ଟେଲିଜେନ୍ସ (ଏଫୟୁୟୁ), ଆରବିଆଇ, ଗୃହ ମନ୍ତ୍ରଣାଳୟ, ସେବି, ଏଟିଏସ୍ ଅଫ୍ ଷ୍ଟେଟ୍ସ, ରାଜ୍ୟ ସିଆଇଡି ଏବଂ ଅନ୍ୟାନ୍ୟ ବିଭାଗ ସାମିଲ ହେବେ ।
ଏହି 44 ଅଧିକାରୀ ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଜାତିସଂଘ ଦ୍ୱାରା ଆତଙ୍କବାଦୀ ଘୋଷିତ ହୋଇଥିବା ଲୋକଙ୍କ ତାଲିକା ପ୍ରଦାନ କରିବେ, ଯାହା ଗୃହ ମନ୍ତ୍ରଣାଳୟ ରାଜ୍ୟ ମାନଙ୍କ ସହ ବାଣ୍ଟିବେ । ଏହା ବ୍ୟତୀତ ଗୃହ ମନ୍ତ୍ରଣାଳୟ ଆତଙ୍କବାଦୀଙ୍କ ସମ୍ପତ୍ତି ମଧ୍ୟ ଜବତ କରିବ ଯାହାର ତାଲିକା ନୂତନ ୟୁଏପିଏ ଅଧିନିୟମ ଅନୁଯାୟୀ ଘୋଷଣା କରାଯାଇଛି ।
ୟୁଏପିଏ ଅଧିନିୟମ ଅନୁଯାୟୀ ଦାଉଦ ଇବ୍ରାହିମ, ମାସୁଦ ଅଜହର, ଜାକିର-ଉର-ରେହମାନ ଲାଖଭି ଏବଂ ହାଫିଜ ସଇଦଙ୍କୁ ଆତଙ୍କବାଦୀ ବୋଲି ଘୋଷଣା କରିଛି । ଆହୁରି ମଧ୍ୟ 9 ଜଣ ଖାଲିସ୍ତାନୀ ସମର୍ଥକଙ୍କୁ ଆତଙ୍କବାଦୀ ଭାବେ ଘୋଷଣା କରାଯାଇଛି ।
