ଦ୍ୱିତୀୟ ପର୍ଯ୍ୟାୟରେ ମତଦାନରେ ପଶ୍ଚିମବଙ୍ଗର ସବୁଠାରୁ ଚର୍ଚ୍ଚିତ ଆସନ ନନ୍ଦିଗ୍ରାମ ଉପରେ ସମଗ୍ର ଦେଶର ନଜର ରହିଛି। ଟିଏମସି ସୁପ୍ରିମୋ ମମତା ବାନାର୍ଜୀ ଏବଂ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ଲଢେଇ ହେଉଛି।
ବେଙ୍ଗଲର 30 ବିଧାନସଭା ଆସନରେ 171 ଜଣ ପ୍ରାର୍ଥୀ ମୈଦାନରେ ଅଛନ୍ତି । ଆଜି 4ଟି ଜିଲ୍ଲାର 30ଟି ଆସନରେ ମତଦାନ ଚାଲିଛି । ଯେଉଁଥିରେ ପୂର୍ବ ମେଦିନାପୁର, ପଶ୍ଚିମ ମେଦିନାପୁରର 9 ଲେଖାଏଁ, ବାଙ୍କୁରାର 8, ଏବଂ 24 ପରଗଣାର 4ଟି ଆସନରେ ଭୋଟିଂ ହେଉଛି।
ସେପଟେ ଆସାମରେ 39ଟି ଆସନରେ 345 ଜଣ ପ୍ରାର୍ଥୀଙ୍କ ଭାଗ୍ୟ ଭୋଟର ନିର୍ଦ୍ଧାରଣ କରୁଛନ୍ତି। ବୁଥ ମାନଙ୍କରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
