ଦ୍ୱିତୀୟ ପର୍ଯ୍ୟାୟ ମତଦାନରେ 4ଟି ଜିଲ୍ଲାର 30 ଟି ଆସନରେ ମତଦାନ ହେବ । ଯେଉଁଥିରେ ପୂର୍ବ ମେଦିନାପୁର, ପଶ୍ଚିମ ମେଦିନାପୁରର 9 ଲେଖାଏଁ, ବାଙ୍କୁରାର 8, ଏବଂ 24 ପ୍ରଗଣାର 4 ଟି ଆସନରେ ମତଦାନ ହେବ । ସକାଳୁ ସକାଳୁ ଭୋଟରମାନେ ମଧ୍ୟ ମତଦାନ କେନ୍ଦ୍ର ଲମ୍ବା ଧାଡିରେ ଠିଆ ହୋଇଥିବା ଦେଖିବାକୁ ମିଳିଛି । ଶୃଙ୍ଖଳିତ ଭାବରେ ଚାଲିଛି ଭୋଟିଂ ପ୍ରକ୍ରିୟା ।
ସେପଟେ ଆସାମରେ ବି ଆଜି ଦ୍ୱିତୀୟ ପର୍ଯ୍ୟାୟ ଭୋଟିଂ । 39 ଟି ଆସନରେ 345 ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ଭୋଟର । ବହୁ ଦୁରଦୁରାନ୍ତରୁ ଲୋକେ ଭୋଟ ଦେବାକୁ ଆଗ୍ରହ ପ୍ରକାଶ କରିଥିବା ସହ ନିଜ ମତ ସାବ୍ୟସ୍ତ କରିବାକୁ ଆସିଥିବା ଦେଖିବାକୁ ମିଳିଛି । ପ୍ରଥମ ପର୍ଯ୍ୟାୟ ମତଦାନରେ ଉଭୟ ରାଜ୍ୟରେ 70 ପ୍ରତିଶତରୁ ଅଧିକ ମତଦାନ ହୋଇଥିଲା ।
