ଅର୍ଗସ ବ୍ୟୁରୋ : ଭୋଜପୁର ଅଭିନେତ୍ରୀ ଆକାଂକ୍ଷା ଦୁବେଙ୍କ ଆତ୍ମହତ୍ୟା । ବାରଣାସୀ ସାରନାଥ ଥାନା ସୋମେନ୍ଦ୍ର ହୋଟେଲରେ ତାଙ୍କର ମୃତଦେହ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଥିଲା । ମୃତଦେହ ମିଳିବା ପରେ ପୋଲିସ ସଙ୍ଗେସଙ୍ଗେ ତାଙ୍କ ପରିବାରକୁ ଖବର ଦେଇଥିଲେ।ସୂଚନା ମୁତାବକ ଏହି ଅଭିନେତ୍ରୀ ଜଣକ ସୁଟିଂ ପାଇଁ ବାରଣାସୀରେ ରହିଥିଲେ ।
ଅଧିକ ପଢନ୍ତୁ: ହୋଟେଲ ରୁମରୁ ମିଳିଲା ଯୁବକଙ୍କ ମୃତଦେହ
ଆକାଂକ୍ଷା ଭୋଜପୁରୀର ଜଣେ ଲୋକପ୍ରିୟ ଅଭିନେତ୍ରୀ ଥିଲେ । ଛୋଟବେଳୁ ତାଙ୍କର ନୃତ୍ୟ ଗୀତ ପ୍ରତି ରୁଚି ରହିଥିଲା । ଟିକଟକ ଭିଡିଓରୁ ହିଁ ସେ ନିଜର ଆକ୍ଟିଂ କ୍ୟାରିଅର ଆରମ୍ଭ କରିଥିଲେ । ତେବେ ସବୁଠାରୁ ବଡକଥା ହେଉଛି , ଆକାଂକ୍ଷାଙ୍କର ଆଜି ହିଁ ଭୋଜପୁରୀ ସୁପରଷ୍ଟାର ପବନ ସିଂଙ୍କ ସହ ଏକ ନୂଆ ଗୀତ ରିଲିଜ ହୋଇଛି । ଏହି ଗୀତର ନାଁ ରହିଛି ‘ଆରା କଭି ହାରା ନେହିଁ” । ହେଲେ ଦୁଃଖର ବିଷୟ ଏହି ଅଭିନେତ୍ରୀ ଜଣକ ଆଉ ଦୁନିଆଁରେ ନାହାନ୍ତି । ତେବେ ମୃତ୍ୟୁର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।
ଭାରତ ଖବର ଆହୁରି ପଢ଼ନ୍ତୁ
ବାଲେଶ୍ୱର: ଭଙ୍ଗା ଯାଉଛି ବାହାନଗା ହାଇସ୍କୁଲର ଘର । ମୃତଦେହ ରଖାଯାଇଥିବା ସ୍କୁଲ ଘର ଭଙ୍ଗାଚାଲିଛି । ସ୍କୁଲ ପରିଚାଳନା କମିଟିର ଉପସ୍ଥିତିରେ ସ୍କୁଲ ଘର ଭଙ୍ଗାଯାଉଛି । ଗତକାଲି ଜିଲ୍ଲାପାଳଙ୍କ ସମେତ ଅନ୍ୟ ବରିଷ୍ଠ ଅଧିକାରୀ ସ୍କୁଲ ପରିଦର୍ଶନ କରି ଅଭିଭାବକ ଓ ପରିଚାଳନା କମିଟି ସହ ଆଲୋଚନା କରିଥିଲେ ।
ପରିଚାଳନା କମିଟି ଚାହିଁଲେ ସ୍କୁଲଘର ଭଙ୍ଗାଯିବ ବୋଲି କହିଥିଲେ ବାଲେଶ୍ବର ଜିଲ୍ଲାପାଳ । ଟ୍ରେନ୍ ଦୁର୍ଘଟଣାରେ ମୃତଦେହ ଗୁଡ଼ିକ ସ୍କୁଲ ଘରେ ଥିବାରୁ ସ୍କୁଲ ଆସିବାକୁ ମନା କରିଥିଲେ ଛାତ୍ରଛାତ୍ରୀ । ସ୍କୁଲ ଯିବାକୁ ପିଲା ଭୟ କରୁଥିବାରୁ ଘରକୁ ଭଙ୍ଗା ଯାଉଛି ।
ଅଧିକ ପଢନ୍ତୁ ଓଡ଼ିଶା ଖବର
ଜଗତସିଂହପୁର: ଜଗତସିଂହପୁରରେ କାଳବୈଶାଖିର ତାଣ୍ଡବ। ବଜ୍ରାଘାତରେ ଚାଲିଗଲା ଦୁଇ ଜୀବନ। ଗତକାଲି ଅପରାହ୍ନରେ କାଳ ବୈଶାଖି ତାଣ୍ଡବ ରଚିଥିଲା।
ଜଗତସିଂହପୁର ନାଲିବର ସାମଲ ସାହିର ନାରାୟଣ ଦାସ ବିଲକୁ ଛେଳି ଗାଈ ଚରାଇବାକୁ ଯାଇଥିବା ବେଳେ ବଜ୍ରାଘାତର ଶିକାର ହୋଇଥିଲେ। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ସେପଟେ ତଇଦୁଲ ପାଇକ ନାମକ ଯୁବକ ଗଛମୂଳରେ ଛିଡା ହୋଇଥିବା ବେଳେ ବଜ୍ରାଘାତରେ ପ୍ରାଣ ହରାଇଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର
ଢେଙ୍କାନାଳ : ଢେଙ୍କାନାଳ ଜିଲ୍ଲା କାମାକ୍ଷାନଗର ଅଂଚଳରେ କାଳବୈଶାଖୀର ମହତାଣ୍ଡବ ଦେଖିବାକୁ ମିଳିଛି । ଭାଙ୍ଗି ଦେଇଛି ଅନେକ ଘର ସହିତ ଲକ୍ଷାଧିକ ଟଙ୍କାର ଫାର୍ମ ହାଉସ । ଏଥିସହିତ ଗୋଟିଏ ନିରୀହ ଜୀବନ ମଧ୍ୟ ଅକାଳରେ ଚାଲି ଯାଇଛି । ମୃତକ ଜଣଙ୍କ କାମାକ୍ଷାନଗର ଥାନା ବାଲିଗୋରଡ଼ ପଂଚାୟତ ଅନ୍ତର୍ଗତ ନୂଆପାଣି ଗାଁର ଅଚ୍ୟୁତ ଦିଆଣି । ଅଚ୍ୟୁତ ବଜ୍ରାଘାତର ଶିକାର ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ସେହିପରି ନୂଆପାଣି ଗାଁର ପ୍ରକାଶ ସାମଲଙ୍କର ଫାର୍ମ ହାଉସଟି ଭାଙ୍ଗି ସମ୍ପୂର୍ଣ୍ଣ ଚୁନମାର ହୋଇଯାଇଛି ।
ଫଳରେ ଲକ୍ଷ ଲକ୍ଷ ଟଙ୍କାର କ୍ଷୟକ୍ଷତି ହୋଇଛି । ସେହିପରି ମହାବିରୋଡ଼ ଥାନା ଡୋଲିଆ -ସମାକୁଦ ରାସ୍ତାରେ ଏକ ବଡ଼ ଗଛ ଇଲେକ୍ଟ୍ରିକ ଖୁଣ୍ଟି ଉପରେ ଖସି ପଡିବା ଯୋଗୁଁ କଙ୍କଡାହାଡ଼-କେଉଁଝର ଯାତାୟାତ ଠପ ହୋଇଯାଇଛି । ଏଥିସହିତ ପ୍ରାୟ ୬ ଘଣ୍ଟା ଧରି ବିଦ୍ୟୁତ ସରବରାହ ବନ୍ଦ ରହିବା ସହ ପ୍ରାୟ ୨ ଘଣ୍ଟା ଧରି ଯାତ୍ରୀବାହୀ ବସ୍ ଅଟକି ରହିଥିଲା । ସେପଟେ ବଜ୍ରାଘାତରେ ଜଣେ ଚାଷୀଙ୍କର ମୃତ୍ୟୁକୁ ନେଇ ନୂଆପାଣି ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି । ଘଟଣା ସ୍ଥଳରେ କାମାକ୍ଷାନଗର ପୋଲିସ ଓ ରାଜସ୍ୱ ନିରୀକ୍ଷକ ପହଞ୍ଚି ତଦନ୍ତ ଜାରି ରଖିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
