କାହିଁକି କାଷ୍ଟ କରୁ ନାହାନ୍ତି ବଡ଼ ଡାଇରେକ୍ଟର, ଗୁମର ଖୋଲିଲେ ଅକ୍ଷୟ...

ଅର୍ଗସ ବ୍ୟୁରୋ: ବଡ଼ ବ୍ୟାନର ଡାଇରେକ୍ଟରଙ୍କ ସହ କାମ କରୁ ନାହାନ୍ତି ବଲିଉଡ୍‌ର ସୁପରଷ୍ଟାର ତଥା ଖିଲାଡ଼ି ଅକ୍ଷୟ କୁମାର । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଅକ୍ଷୟ ଏଭଳି ବିସ୍ଫୋରକ ବୟାନ ଦେଇଛନ୍ତି । ସେ ଗତ କିଛି ବର୍ଷ ହେବ ବଡ଼ ବ୍ୟାନରର ଡାଇରେକ୍ଟରଙ୍କ ସହ କାମ କରୁ ନାହାନ୍ତି । ଅକ୍ଷୟ କୁମାରଙ୍କ ସବୁ ଫିଲ୍ମରେ ପ୍ରାୟତଃ ନୂଆ ନୂଆ ଡାଇରେକ୍ଟର ଡାଇରେକ୍ସନ ଦେଉଛନ୍ତି । ତେବେ ଏହାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହେବେ । ଅକ୍ଷୟଙ୍କ କହିବାନୁଯାୟୀ ବଡ଼ ବ୍ୟାନରର ଡାଇରେକ୍ଟର କିମ୍ବା ବଡ଼ ଡାଇରେକ୍ଟରମାନେ ତାଙ୍କୁ କାଷ୍ଟ କରୁନଥିବାରୁ ସେ ବାଧ୍ୟ ହୋଇ ନୂଆ ଡାଇରେକ୍ଟରଙ୍କ କାମ କରୁଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଗୁଡ୍‌ ନ୍ୟୁଜ୍‌ର ଡାଇରେକ୍ଟର ରାଜ୍‌ ମେହେତା ହେଉଛନ୍ତି ତାଙ୍କର 21ତମ ନୂଆ ଡାଇରେକ୍ଟର ।

ଖାଲି ସେତିକି ନୁହେଁ ଅକ୍ଷୟ କହିଛନ୍ତି ଯେ, ସେ ତାଙ୍କ କ୍ୟାରିୟର ମଧ୍ୟରେ ଅନେକ ନୂଆ ନୂଆ ହିରୋଇନ୍‌ଙ୍କ ସହ ମଧ୍ୟ କାମ କରି ସାରିଛନ୍ତି । ବଡ଼ ବଡ଼ ନିର୍ଦ୍ଦେଶକମାନେ କେବଳ ଅକ୍ଷୟଙ୍କ ଫିଲ୍ମକୁ ପ୍ରଜୋଜନା କରୁଛନ୍ତି କିନ୍ତୁ ଡାଇରେକ୍ସନ ଦେଉ ନାହାନ୍ତି । ଏହାର କାରଣ ଜାଣିବାକୁ ହେଲେ, କରଣ ଜୋହର କିମ୍ବା ଆଦିତ୍ୟ ଚୋପଡ଼ାଙ୍କୁ ପଚାରିବାକୁ ପଡ଼ିବ । ସେମାନଙ୍କ ଭଳି ଏତେ ବଡ଼ ଡାଇରେକ୍ଟର ଅକ୍ଷୟଙ୍କ ଫିଲ୍ମରେ କାହିଁକି ଡାଇରେକ୍ସନ ଦେଉ ନାହାନ୍ତି କେବଳ ପ୍ରଜୋଜନା କରୁଛନ୍ତି, ତାହା କେବଳ ସେମାନେ ହିଁ କହିପାରିବେ । ଏହା ସହ ଅକ୍ଷୟଙ୍କ କାମ କରିବାର ତରିକା ମଧ୍ୟ କିଛି ଭିନ୍ନ ରହିଛି, ଯାହା ଫଳରେ ଅନେକ ଡାଇରେକ୍ଟରଙ୍କ ଲିଷ୍ଟରେ ମଧ୍ୟ ଅକ୍ଷୟ ନାହାନ୍ତି ।

ସଫଳତାର ଭୋକିଲା ନୂଆ ଡାଇରେକ୍ଟର ଅକ୍ଷୟଙ୍କ କହିବାନୁଯାୟୀ ନୂଆ ଡାଇରେକ୍ଟରଙ୍କ ସହ ତାଙ୍କୁ କାମ କରିବାକୁ ଭଲ ଲାଗେ । କାରଣ ସେମାନେ ଅଧିକ ଉତ୍ସାହିତ ରହିଥାନ୍ତି ଏବଂ ତାଙ୍କ ମଧ୍ୟରେ ସଫଳ ହେବାର ଏକ ପ୍ରକାର ଭୋକ ରହିଥାଏ । ନୂଆ ନୂଆ ଡାଇରେକ୍ସନ ଦେଉଥିବା ଡାଇରେକ୍ଟର ମାନଙ୍କ ପାଇଁ କାର ବା ମର ସ୍ଥିତି ରହିଥାଏ । ତେଣୁ ସେମାନେ ଯଥା ସମ୍ଭବ ଭଲ କରିବାକୁ ଚେଷ୍ଟା କରିଥାନ୍ତି ।

ତେବେ ଏହି ଇଣ୍ଟରଭ୍ୟୁରେ ଅକ୍ଷୟ ରାଷ୍ଟ୍ରବାଦ୍‌କୁ ନେଇ ମଧ୍ୟ ନିଜର ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ ସରକାର ଯାହାର ବି ଥାଉ, ଦେଶ ଆମକୁ କ’ଣ ଦେଲା ଯେତିକି ଜରୁରୀ ନୁହେଁ ତା’ଠାରୁ ଅଧିକ ଜରୁରୀ ହେଉଛି ଆମେ ଦେଶକୁ କ’ଣ ଦେଉଛେ ।