ବିବାହ ମଣ୍ଡପରେ ପହଞ୍ଚି ପ୍ରେମିକାକୁ ଚଟକଣି ମାରିଲେ ପ୍ରେମିକ

by Manini Pattanayak

ଅର୍ଗସ ବ୍ୟୁରୋ: ବିବାହ ମଣ୍ଡପରେ ପହଞ୍ଚି ପ୍ରେମିକାକୁ ଚଟକଣି ଲଗାଇଲେ ପ୍ରେମିକ । ଏହିପରି ଏକ ଘଟଣା ଘଟିଛି ହରିଦ୍ୱାରରେ । ଏଠାରେ ଜଣେ ପ୍ରେମିକ ବିବାହର ଷ୍ଟେଜ୍‌ ଉପରେ ଚଢି ପ୍ରେମିକାଙ୍କୁ ଚଟକଣି ଲଗାଇବା ଘଟଣା ଚର୍ଚ୍ଚାର ବିଷୟ ପାଲଟିଛି । ଏହି ଘଟଣାର ପୁରା ଭିଡିଓ ଇଣ୍ଟରନେଟ୍‌ରେ ଭାଇରାଲ ହେବାରେ ଲାଗିଛି । ଘଟଣାଟି ଘଟିଛି ହରିଦ୍ୱାରର ଲଣ୍ଡେରା ଅଞ୍ଚଳରେ । ଲଣ୍ଡେରା ଅଞ୍ଚଳରେ ଥିବା ଏକ ଗାଁରେ ବିବାହ ଉତ୍ସବ ଚାଲିଥିଲା । ନବବିବାହିତ ଦମ୍ପତ୍ତିଙ୍କୁ ଆସିଥିବା ଲୋକେ ଆର୍ଶିବାଦ ସହ ଉପହାର ପ୍ରଦାନ କରୁଥିଲେ । ଠିକ୍‌ ସେହି ସମୟରେ ଦମ୍ପତିଙ୍କୁ ଉପହାର ଦେବା ବାହାନାରେ ଷ୍ଟେଜ୍‌ ଉପରେ ଚଢିଯାଇଥିଲେ ଯୁବକ । ଏବଂ କିଛି ସମୟ ପର୍ଯ୍ୟନ୍ତ ନବବଧୁକଙ୍କୁ ଦେଖିଥିଲେ ।

ଏହାପରେ ନବବଧୂ ଙ୍କୁ ଜୋରରେ ଚଟକଣି ମାରିଥିଲେ । ଏହି ଘଟଣାକୁ ଦେଖି ସେଠାରେ ଉପସ୍ଥିତ ଥିବା ଲେକମାନେ ହୋ ହଲ୍ଲା କରିଥିଲେ । ପରେ ଷ୍ଟେଜ୍‌ ଉପରେ ଚଢିଥିବା ଯୁବକଙ୍କୁ ଟାଣି ଟାଣି ଷ୍ଟେଜ୍‌ର ତଳକୁ ଆଣିଥିଲେ । ଉଭୟ ପକ୍ଷ (ପୁଅ-ଝିଅ ଘର ଲୋକ) ପ୍ରେମୀଙ୍କୁ ଧରିକି ନିର୍ଦ୍ଧୁମୁ ଛେଚିଛନ୍ତି । ଛେଚା ଖାଇବାପରେ ଯୁବକଟି ନବବଧୂର ପ୍ରେମୀ ବୋଲି କହିଥିଲା ।

ବିନା କାରଣରେ ଆକ୍ରମଣର ଶିକାର ହୋଇଥିଲେ ଡ୍ରାଇଭର

by Swayangprajna Mishra

1 lakh 20 thousand fined for beating the driver

କଟକ : ଡ୍ରାଇଭର ଙ୍କୁ ମାଡ଼ ମାରି ୧ଲକ୍ଷ ୨୦ ହଜାର ଜରିମାନା ଗଣିଲେ ବାଲିଘାଟ ମାଲିକ। ସୋମବାର ଦିନ ନୂଆପାଟଣା ଗ୍ରାମର ଡ଼୍ରାଇଭର ପିତାମ୍ବର ନାୟକଙ୍କୁ ବିନା କାରଣ ରେ ବ୍ରହ୍ମପୁରା ବାଲିଘାଟ ନିକଟରେ ମାଡ଼ ହୋଇଥିଲା। ଡ୍ରାଇଭର ବ୍ରହ୍ମପୁରା ବାଲିଘାଟକୁ ବାଲି ଆଣିବା ପାଇଁ ଯାଇଥିବା ବେଳେ ଆକ୍ରମଣର ଶିକାର ହୋଇଥିଲେ। ଏହାର ପ୍ରତିବାଦରେ ମଙ୍ଗଳବାର ବ୍ରହ୍ମପୁରା ବାଲିଘାଟ ନିକଟରେ ନରସିଂହପୁର ଡ୍ରାଇଭର ମହାସଂଘ ପକ୍ଷରୁ ଶହେରୁ ଉର୍ଦ୍ଧ୍ବ ଡ୍ରାଇଭର ବାଲିଘାଟ କୁ ବନ୍ଦ କରି ରଖିଥିଲେ।

ଅଧିକ ପଢନ୍ତୁ ଓଡିଶା ଖବର

ଆଜି ନିଜିଗଡ଼ ସ୍ଥିତ ଡ୍ରାଇଭର ସଙ୍ଘ ମୁଖ୍ୟ କାର୍ଯ୍ୟାଳୟରେ ବାଲିଘାଟ ପରିଚାଳକ, ମାଲିକ ଓ ଆହତ ଡ୍ରାଇଭରଙ୍କ ସହ ନରସିଂହପୁର ଡ୍ରାଇଭର ମହାସଙ୍ଘ ର ସଭାପତି, ଉପସଭାପତି ଙ୍କ ସମେତ ପଚାଶରୁ ଉର୍ଦ୍ଧ୍ବ ଡ୍ରାଇଭର ଏକଜୁଟ ହୋଇ ବାଲିଘାଟ ଉପରେ ୧ଲକ୍ଷ ୨୦ ହଜାର ଟଙ୍କାର ଜୋରିମାନା ଆଦାୟ ସହ ଭବିଷ୍ୟତରେ କୌଣସି ଡ୍ରାଇଭରଙ୍କୁ ଆକ୍ରମଣ ନ କରିବାକୁ ଉପଦେଶ ଦେଇଛନ୍ତି।

ଘର ଭାଙ୍ଗି ସମ୍ପତ୍ତି ଲୁଟିନେଲେ ଭଣ୍ଡ ବାବା ଓ ମାତା

by Smruti Parija

fake-baba-and-mata-looted-in-a-house-at-bhubaneswar

ଭୁବନେଶ୍ୱର: ଭଣ୍ଡ ତ୍ରିକାଳ ଦର୍ଷୀ ବାବା ଓ ମାତାଙ୍କ କଳା କାରନାମା । ଘର ଭାଙ୍ଗିଲେ ସମ୍ପତ୍ତି ଲୁଟିନେଲେ । ମହିଳାଙ୍କ ଅଭିଯୋଗ ପରେ କାର୍ଯ୍ୟାନୁଷ୍ଠାନ ନେଲା ପୋଲିସ । ପୂର୍ବରୁ ସ୍ୱାମୀକୁ ଗିରଫ କରିଥିଲା ଏବେ ସ୍ତ୍ରୀକୁ ଗିରଫ କରି କୋର୍ଟ ଚାଲାଣ କଲା ପୋଲିସ ।

ଅଭିଯୋଗ ଅନୁସାରେ ଘରର ସମସ୍ୟା ଦୂର ପାଇଁ ନିଜକୁ ମାତା ବୋଲାଉଥିବା ରିନି ନାମକ ଜଣେ ମହିଳାଙ୍କୁ ଭେଟିଥିଲେ ଅଭିଯୋଗକାରୀ । ବିଭିନ୍ନ କଥା କହି ଅଭିଯୋଗକାରୀ ମହିଳାଙ୍କ ମନରେ ବିଶ୍ୱାସ ଜନ୍ମାଇଥିଲେ ମାତା ରିନି । ଏପରିକି ପୂଜା କଲେ ସମସ୍ୟାର ସମାଧାନ ହେବ ତାହାର ବାଟ ବତାଇ 5 ଲକ୍ଷ ଟଙ୍କା ନେଇ ଯାଇଥିଲେ ।

ପରେ ମହିଳାଙ୍କୁ କିଛି ସୁଫଳ ନମିଳିବାରୁ ଠକେଇ ନେଇ ବଡଗଡ ଥାନାରେ ଅଭିଯୋଗ କରିଥିଲେ । ପୋଲିସ ରିନି ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏବେ ଖୋଜା ଚାଲିଛି ପବନରେ ହୁକୁମ ଦେଉଥିବା ବାବା କେଉଁଠି ।

ଆହୁରି ପଢନ୍ତୁ ଅପରାଧ ଖବର...

ବାଇକ ସହିତ ନିଆଁରେ ଜଳିଗଲା ଦୁଇ ବଖରା ଘର

by Swayangprajna Mishra

ଭଦ୍ରକ : ଚାନ୍ଦବାଲି ବ୍ଲକ ଜଳଧରପୁର ଗ୍ରାମରେ ନିଆଁ ଲାଗି ଏକ ବାଇକ,ଦୁଇ ବଖରା ଘର ସହିତ ଲକ୍ଷାଧିକ ଟଙ୍କାର ଆସବାପତ୍ର ପୋଡି ଯାଇଥିବା ଦେଖିବାକୁ ମିଳିଛି। ତେବେ ସୂଚନା ଅନୁଯାୟୀ ଗତକାଲି ସନ୍ଧ୍ୟା ସମୟରେ ଜଳଧରପୁର ଗ୍ରାମର ଜଗନ୍ନାଥ ନାୟକଙ୍କ ଘରେ ଇଲେଟ୍ରିକ ସଟ୍ ସର୍କିଟ୍ କାରଣରୁ ନିଆଁ ଲାଗିଯାଇଥିଲା । ପରେ ନିଆଁ ଅଧିକ ବ୍ୟାପିବା କାରଣରୁ ଘରେ ଥିବା ଏକ ଗ୍ଲାମର ବାଇକରେ ମଧ୍ୟ ନିଆଁ ଲାଗିଯାଇଥିଲ ।

ଅଧିକ ପଢନ୍ତୁ : ୨ ଗୁରୁତରଙ୍କୁ କଟକ ଏସସିବିକୁ ସ୍ଥାନାନ୍ତର,୩ ଆହତ

ଯାହା ଫଳରେ ବାଇକ ଟାଙ୍କି ଫାଟିବାରୁ ନିଆଁଟି ସଙ୍ଗେ ସଙ୍ଗେ ଚାରିଆଡକୁ ବ୍ୟାପିଯାଇଥିଲା । ଯାହା ଫଳରେ ଘରେ ଥିବା ସୁନା ଅଳଙ୍କାର ଓ ଟଙ୍କା ପଇସା ସହିତ ଅତି ଆବଶ୍ୟକ କାଗଜପତ୍ର ପୋଡି ପାଉଁଶ ହୋଇଯାଇଥିବା ଅଭିଯୋଗ ହୋଇଛି। ତେବେ ଖବର ପାଇ ଚାନ୍ଦବାଲି ଦମକଳ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି।

Download Argus News App

ବିବାହ ମଣ୍ଡପରେ ପହଞ୍ଚି ପ୍ରେମିକାକୁ ଚଟକଣି ମାରିଲେ ପ୍ରେମିକ

Download Mobile App