ପଞ୍ଜାବ ଆକାଶରେ ଉଡ଼ିଲା ପାକିସ୍ତାନ ଡ୍ରୋନ

ପଞ୍ଜାବ ଆକାଶରେ ଉଡ଼ିଲା ପାକିସ୍ତାନ ଡ୍ରୋନ

by Manini Pattanayak

ଅର୍ଗସ ବ୍ୟୁରୋ: ପାକିସ୍ତାନ ତାର ଆତଙ୍କୀ ଚିନ୍ତାଧାରାକୁ କେବେ ବି ଛାଡିପାରିବ ନାହିଁ । ଭାରତ ସହ ତାର ଷଡଯନ୍ତ୍ର କରିବା ପାକ୍‌ ଏକ ପ୍ରକାର ଧର୍ମ ହୋଇସାରିଲାଣି । ପୁଣି ପାକ୍‌ ତାର ଆତଙ୍କୀ ଚିନ୍ତାଧାରାର ପ୍ରମାଣ ଦେଇଛି । ଏତେ କଡା ସୁରକ୍ଷା ସତ୍ୱେ ମଧ୍ୟ ପାକିସ୍ତାନର ଡ୍ରୋନ୍‌ ଭାରତ ସୀମାରେ । ପାକ୍‌ ପୁଣି ଡ୍ରୋନ୍‌ ପଠାଇ ଭାରତର ପଞ୍ଜାବ ଆକାଶରେ ଉଡାଇଛି ।

ପଞ୍ଜାବ ଫିରୋଜପୁରରେ ପୁଣି ଦେଖିବାକୁ ମିଳିଛି ପାକିସ୍ତାନୀ ଡ୍ରୋନ୍ । ପଞ୍ଜାବର ଝୁଂଞ୍ଝାରା ହଜାରା ସିଂହବାଲାର ସୀମାବର୍ତ୍ତୀ ଗାଁରେ ଆଜି ସକାଳେ ଦୁଇଟି ପାକିସ୍ତାନୀ ଡ୍ରୋନ୍ ଦେଖିବାକୁ ମିଳିଛି । ସ୍ଥାନୀୟ ଲୋକଙ୍କ କହିବା ଅନୁସାରେ, ଉଡିବାବେଳେ ଏହି ଡ୍ରୋନ ଦୁର୍ଘଟଣାଗ୍ରସ୍ତ ହୋଇଥିଲା । ବିଏସଏଫ ଓ ପଞ୍ଜାବ ପୋଲିସ ଡ୍ରୋନକୁ ଖୋଜିବାରେ ଲାଗିଛନ୍ତି । ଗତ କିଛି ଦିନ ମଧ୍ୟରେ ପାକିସ୍ତାନ ଡ୍ରୋନ ବାରମ୍ବାର ଭାରତ ସୀମାକୁ ପଶିଆସୁଥିବା ଦେଖାଯାଇଛି ।

ସୋମବାର ରାତିରେ ପଞ୍ଜାବର ହୋସିନବାଲା ସେକ୍ଟରରେ ପାକିସ୍ତାନ ଡ୍ରୋନ ଭାରତ ସୀମାକୁ ପଶିଆସିଥିଲା । ଖବର ଅନୁସାରେ, ଡ୍ରୋନ ସୀମାରେ ପଶିଆସିବାର କିଛି ସମୟ ପରେ ପୁଣି ପାକିସ୍ତାନ ଚାଲିଯାଇଥିଲା । ପୋଲିସର ଦାବି ଅନୁସାରେ, ଡ୍ରୋନ ଭାରତର ସୀମାରେ କିଛି ବସ୍ତୁ ପକାଇବାକୁ ଚାହିଁଥିଲା, କିନ୍ତୁ ଏଥିରେ ସଫଳ ହୋଇନଥିଲା । ମଙ୍ଗଳବାର ବି ଡ୍ରୋନ ଭାରତୀୟ ସୀମାରେ ପ୍ରବେଶ କରିଥିବା ଖବର ବିଏସଏଫ ଦେଇଥିଲା ।

ଗତମାସ ୨୫ ତାରିଖରେ ପଞ୍ଜାବର ତରନତାରନରେ ଏକ ନଷ୍ଟ ହୋଇଥିବା ଡ୍ରୋନକୁ ଜବତ କରିଥିଲା ପୋଲିସ । ଯାଞ୍ଚ ବେଳେ ଜଣାପଡିଥିଲା ଯେ, ଖଲିସ୍ତାନ ଜିନ୍ଦାବାଦ ଫୋର୍ସ ଓ ଖଲିସ୍ତାନ ଲିବରେସନ ଫୋର୍ସ ଏହି ଡ୍ରୋନ ପଠାଇଥିଲା । ଯାହାକି ଏହା ପାକିସ୍ତାନରୁ ଆସିଥିଲା । ପାକିସ୍ତାନରେ ସକ୍ରିୟ ଥିବା ଆତଙ୍କବାଦୀ ସଂଗଠନଗୁଡିକ ଡ୍ରୋନ୍ ମାଧ୍ୟମରେ ନିଶା ଦ୍ରବ୍ୟ ଓ ଅସ୍ତ୍ରଶସ୍ତ୍ର ଭାରତ ଭିତରକୁ ଚାଲାଣ କରୁଥିବା ସୂଚନା ରହିଛି ।

ସେପ୍ଟେମ୍ବର ୨୪ ତାରିଖରେ ଖଲିସ୍ତାନୀ ଜିନ୍ଦାବାଦ ଫୋର୍ସ ଆତଙ୍କବାଦୀ ସଂଗଠନ ଡ୍ରୋନ୍ ମାଧ୍ୟମରେ ଅସ୍ତ୍ର ପଠାଇ ଧରାପଡ଼ିଥିଲା । ଏହି ଘଟଣା ପରେ ପଞ୍ଜାବ ସୀମାରେ ହାଇଆଲର୍ଟ ଜାରି କରାଯାଇଥିଲା । ଡ୍ରୋନ୍ ସଂପର୍କରେ ବିଏସ୍ଏଫ୍ ପକ୍ଷରୁ ଅଧିକ ତଥ୍ୟ ସଂଗ୍ରହ କରାଯାଉଛି ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ପୁଣି ପଦାରେ ପଡ଼ିଲା କଟକ ଏସସିବି ମେଡିକାଲର ଅବ୍ୟବସ୍ଥା

by Jitendra Dash

ଅର୍ଗସ ବ୍ୟୁରୋ : ପୁଣି ପଦାରେ ପଡ଼ିଲା କଟକ ଏସସିବି ମେଡିକାଲର ଅବ୍ୟବସ୍ଥା । ଏସସିବି ବଡ଼ ମେଡିକାଲରେ ଶବ ବ୍ୟବଚ୍ଛେଦ ବନ୍ଦ । ଶବ ବ୍ୟବଚ୍ଛେଦ ଗୃହ ବାହାରେ ଓ ଭିତରେ ଲହଡି ଭାଙ୍ଗୁଛି ନର୍ଦ୍ଦମା ପାଣି । ଫଳରେ ସକାଳ ୯ ଠାରୁ ଆରମ୍ଭ ହେବାକୁ ଥିବା ଶବ ବ୍ୟବଚ୍ଛେଦ ବନ୍ଦ ହୋଇ ରହିଛି। ବାହାରେ ମୃତ ଶରୀରର ଗୁଡ଼ିକ ଶବବୁହା ଟ୍ରଲି ଉପରେ ପଡି ରହିଛି ।

ଅଧିକ ପଢନ୍ତୁ ଓଡ଼ିଶା ଖବର

ଏସସିବିରେ ପ୍ରତିଦିନ ୪୦ ୫୦ ଶବବ୍ୟବଚ୍ଛେଦ କରାଯାଇଥାଏ । ଏସସିବିରେ ଏହି ଅବ୍ୟବସ୍ଥା ଆଜିର ନୁହେଁ, ବାରମ୍ବାର ବାରମ୍ବାର ନର୍ଦ୍ଦମା ପୋଷ୍ଟମର୍ଟମ ଗୃହ ପଶିଥାଏ ବୋଲି ଅଭିଯୋଗ ହୋଇଛି । ଗତକାଲିଠୁ ପୋଷ୍ଟମର୍ଟମ ଗୃହରେ ଏପରି ବ୍ୟବସ୍ଥା ଦେଖାଯାଇଥିବା ସୂଚନା ରହିଛି ।

ଗୋଟିଏ ଦିନ ବଢିଲା କଟକ ଐତିହାସିକ ବାଲିଯାତ୍ରା

by Smruti Parija

ଅର୍ଗସ ବ୍ୟୁରୋ: କଟକ ଐତିହାସିକ ବାଲିଯାତ୍ରା ଆଉ ଗୋଟିଏ ଦିନ ବଢିଲା । ଆଜି ସରିଥାନ୍ତା ବାଲିଯାତ୍ରା । ହେଲେ ବାଲିଯାତ୍ରା ଦିନଟିଏ ବଢାଇବାକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି । ଦୁଇ ଦିନ ବଢାଇବାକୁ ଅନୁରୋଧ କରିଥିଲେ ସିଏମସି ମେୟର । ଜନସାଧାରଣଙ୍କ ଆଗ୍ରହକୁ ଦୃଷ୍ଟିରେ ରଖି ଦିନଟିଏ ବଢାଇବାକୁ ମୁଖ୍ୟମନ୍ତ୍ରୀ ନିଷ୍ପତ୍ତି ନେଇଛନ୍ତି । ଏନେଇ ଆବଶ୍ୟକ ପଦକ୍ଷେପ ନେବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।

କାର୍ତ୍ତିକ ପୂର୍ଣ୍ଣିମାଠୁ ଆରମ୍ଭ ହୋଇଥିବା ବାଲିଯାତ୍ରାର ଆଜି ଶେଷ ଦିନ ଥିଲା । ଗତକାଲି ଛୁଟି ବାର ଥିବାବେଳେ ପ୍ରବଳ ଭିଡ ହୋଇଥିଲା । ପାଖାପାଖି 10 ଲକ୍ଷରୁ ଉର୍ଦ୍ଧ୍ୱ ଲୋକ ବାଲିଯାତ୍ରା ବୁଲିଥିଲେ ।