a big oppertunity for retailers

ଉଠା ଦୋକାନୀଙ୍କ ପାଇଁ ସହାୟତାର ହାତ ବଢାଇଲେ କେନ୍ଦ୍ର ସରକାର

by Swayangprajna Mishra

ଅନୁଗୁଳ : କରୋନା କାଳରେ ଉଠା ଦୋକାନୀଙ୍କ ମେରୁଦଣ୍ଡ ଭାଙ୍ଗି ଯାଇଥିବା ବେଳେ ସେମାନଙ୍କୁ ଆର୍ଥିକ ଦୃଷ୍ଟି କୋଣରୁ ସୁଦୃଢ କରିବା ପାଇଁ ଆରମ୍ଭ ହୋଇଛି ଯୋଜନା । କେନ୍ଦ୍ର ସରକାରଙ୍କ ଦକ୍ଷତା ବିକାଶ ମନ୍ତ୍ରାଳୟ ପକ୍ଷରୁ ଏନେଇ ଆରମ୍ଭ ହୋଇଛି ପାଇଲଟ ପ୍ରୋଜେକ୍ଟ । ପିଏମ ସ୍ବନିଧି ଯୋଜନାରେ କିଭଳି ଉଠା ଦୋକାନୀ ହୋଇ ପାରିବେ ଆତ୍ମନିର୍ଭରଶୀଳ ସେନେଇ ସେମାନଙ୍କୁ ଦିଆଯାଇଛି ପ୍ରଶିକ୍ଷଣ ।

କେନ୍ଦ୍ର ସରକାରଙ୍କ ପରିକଳ୍ପନା । ଉଠା ଦୋକାନୀଙ୍କୁ ସହଯୋଗର ହାତ ବଢ଼ାଇଲେ ଦେଶର ଜସ୍ବଶ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ କେନ୍ଦ୍ର ଶିକ୍ଷା , ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ବିଶେଷ ଉଦ୍ୟମ କ୍ରମେ ଉଠା ଦୋକାନୀଙ୍କ ଦକ୍ଷତା ବିକାଶ ସହ ଆର୍ଥିକ ଅନଗ୍ରସର ଉଠା ଦୋକାନୀଙ୍କ ଆର୍ଥିକ ମେରୁଦଣ୍ଡକୁ ସୁଦୃଢ କରିବା ପାଇଁ ଆରମ୍ଭ ହୋଇଛି ପ୍ରୋଜେକ୍ଟ ।
ଏଥିପାଇଁ କାର୍ଯ୍ୟକାରୀ ହୋଇଛି ପିଏମ ଷ୍ଟ୍ରିଟ ଭେଣ୍ଡର ଆତ୍ମନିର୍ଭର ନିଧି ବା ପିଏମ ସ୍ବନିଧି ଯୋଜନା ।
ବିଶେଷଭାବେ ଡିଜିଟାଲ ଫାଇନାନ୍ସ ତଥା ଆର୍ଥିକ ସଶକ୍ତିକରଣ ଦ୍ବାରା ଉଠା ଦୋକାନୀ ଅଧିକ ଋଣ ପାଇ ପାରିବେ ସେନେଇ ସେମାନଙ୍କର କରାଯାଇଛି ଦକ୍ଷତା ବିକାଶ ।
ଏହି କ୍ରମରେ କେନ୍ଦ୍ର ଦକ୍ଷତା ବିକାଶ ମନ୍ତ୍ରାଳୟ , ସମେତ ଏନଏସଡିସି , ଏସଡିଆଇ ଭୁବନେଶ୍ବର , ଏସଡିଆରସି ,ଓ ଅନୁଗୁଳ ପୌରପାଳିକା ର ମିଳିତ ଆନୁକୂଲ୍ୟରେ ଅନୁଗୁଳ ସହର ର ମଦନମୋହନ ପଡା ଠାରେ ଥିବା ଟାଉନ ହଲ ଠାରେ ସ୍ଥାନୀୟ ଉଠା ଦୋକାନୀ ମାନଙ୍କୁ ନେଇ ଆରମ୍ଭ ହୋଇଛି ଦୁଇ ଦିନିଆ ପ୍ରଶିକ୍ଷଣ ଶିବିର ।
ଡିଜିଟାଲ ଫାଇନାନ୍ସ, ଆର୍ଥିକ ସଶକ୍ତି କରଣ ସହ ଉଠା ଦୋକାନୀ ମାନଙ୍କର କରାଯାଇଛି ଦକ୍ଷତା ବିକାଶ । ମୋଟ ଦୁଇ ଦିନ ବ୍ୟାପି ହୋଇଥିବା ଏହି ପ୍ରଶିକ୍ଷଣ ଶିବିରର ପ୍ରଥମ ଦିନ ରେ ୧୪୦ ଓ ଦ୍ଵିତୀୟ ଦିନ ର ପ୍ରଶିକ୍ଷଣ ଶିବିରରେ ୨୬୦ ଜଣ ଉଠା ଦୋକାନି ଅଂଶ ଗ୍ରହଣ କରିଥିବା ଏଭଳି କାର୍ଯ୍ୟକ୍ରମ ଦ୍ୱାରା ସେମାନେ ବେଶ ଲାଭନ୍ବିତ ହେବେ ବୋଲି କରିଛନ୍ତି ମତ ପ୍ରକାଶ ।
କେବେଳ ପଞ୍ଜିକୃତ ନୁହେଁ ବରଂ ଅଣ ପଞ୍ଜିକୃତ ଉଠା ଦୋକାନୀଙ୍କୁ ଏଲଓ ଆର ଡ୍ରାଇଭ ମାଧ୍ୟମରେ ଯୋଜନାରେ ଅନ୍ତର୍ଭୁକ୍ତ କରାଯାଇପାରିବ ସେନେଇ ଅନୁଗୁଳ ରେ ଏହାର ଦାଇତ୍ବ ବହନ କରିଛି ଅନୁଗୁଳ ପୌରପାଳିକା ।
ସେପଟେ ଏହିଭଳି କାର୍ଯ୍ୟକ୍ରମ ଦ୍ୱାରା ଉଠା ଦୋକାନୀ ମାନେ ଲାଭନ୍ବିତ ହୋଇ ପାରୁଥିବାରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଭୂୟସୀ ପ୍ରଶଂସା କରିଛନ୍ତି ଅଞ୍ଚଳବାସୀ ।

୪ ଘଣ୍ଟା ପରେ ଆୟତ୍ତ ହେଲା ଲୁଗା ଦୋକାନରେ ଲାଗିଥିବା ନିଆଁ

by Jitendra Dash

Major fire erupts at garment showroom in Cuttack’s Choudhury Bazar

ଅର୍ଗସ ବ୍ୟୁରୋ : କଟକ ଚୌଧୁରୀ ବଜାରରେ ଥିବା ଏକ ଶାଢ଼ୀ ଦୋକାନରେ ଲାଗିଥିଲା ଭୀଷଣ ନିଆଁ । ଦୀର୍ଘ ଚାରି ଘଣ୍ଟା ପରେ ଚୌଧୁରୀ ବଜାରର ଲୁଗା ଦୋକାନରେ ଲାଗିଥିବା ନିଆଁକୁ ଆୟତ୍ତ କରାଯାଇପାରିଛି । ଏବେ ବିପଦ ସଂପୂର୍ଣ୍ଣ ଟଳିଯାଇଛି । ଏନେଇ ଅଗ୍ନିଶମ ଅଧିକାରୀ ସୂଚନା ଦେଇଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ଏବେ ବି ଘଟଣାସ୍ଥଳରେ ଅଗ୍ନିଶମ ବାହିନୀର ୧୦ଟି ଟିମ୍ ନିଆଁ ଲିଭାଇବା ଲାଗି ଅକ୍ଳାନ୍ତ ପ୍ରଚେଷ୍ଟା ଜାରି ରଖିଛନ୍ତି । ଏଯାଏ ବହୁ ଲୁଗା ଓ ଅନ୍ୟାନ୍ୟ ଆସବାବପତ୍ର ଜଳିପୋଡ଼ି ଯାଇଥିବା ଜଣାଯାଇଛି । ନିଆଁ ଲାଗିଥିବା ଦୋକାନର ପାଖାପାଖି ଅନ୍ୟ କୌଣସି ଦୋକାନକୁ ନିଆଁ ବ୍ୟାପିନାହିଁ ।

ପୁଣି ଏକ କଲରାପତରିଆ ବାଘଛାଲ ଜବତ

by Smruti Parija

Another Kalaparatria tiger skin seized from Shimilipal sanctuary

ମୟୂରଭଞ୍ଜ: ଶିମିଳିପାଳ ଅଭୟାରଣ୍ୟରୁ ପୁଣି ଏକ କଲରାପତରିଆ ବାଘଛାଲ ଜବତ କରିବା ସହ ଜଣକୁ ଗିରଫ କରିଛି ବନବିଭାଗ । ଶିମିଳିପାଳ ୱାଇଲ୍ଡ ଲାଇଫ ଇଣ୍ଟେଲିଜେନ୍ସ ନେଟୱାର୍କ (S-WIN) ସୂତ୍ର ପକ୍ଷରୁ ଖବର ପାଇ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର ଦକ୍ଷିଣ ଡିଭିଜନର ଟିମ୍ ଆଜି ଏକ ସ୍ଥାନରେ ଚଢ଼ାଉ କରି ଏକ କଲରାପତରିଆ ବାଘଛାଲ ଜବତ କରିଛି ।

ଏହି ଘଟଣାରେ ବଡସାହି ଥାନା ଯଦୁନାଥପୁର ବନ୍ଧସାହି ଅଞ୍ଚଳର ଭୁବନ ସିଂ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଥିବା ନେଇ ସୂଚନା ଦେଇଛନ୍ତି ଶିମିଳିପାଳ ବ୍ୟାଘ୍ରସଂରକ୍ଷଣ ପ୍ରକଳ୍ପ ଦକ୍ଷିଣ ଡିଭିଜନର ଡେପୁଟି ଡାଇରେକ୍ଟର ସମ୍ରାଟ ଗୌଡା ।

ତେବେ ଘଟଣା ସମ୍ପର୍କରେ ବିସ୍ତୃତ ଅନୁସନ୍ଧାନ ଚାଲିଥିବା କାରଣରୁ ଆସନ୍ତାକାଲି ଦିନ ୧୧ଟା ସମୟରେ ବାରିପଦା ସ୍ଥିତ ଫିଲ୍ଡ ଡାଇରେକ୍ଟର-କମ-ଆରସିସିଏଫ, କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସମସ୍ତ ତଥ୍ୟ ପ୍ରଦାନ କରାଯିବା ନେଇ ସୂଚନା ପ୍ରଦାନ କରାଯାଇଛି ।

ଆହୁରି ପଢନ୍ତୁ ଓଡିଶା ଖବର...

ନାରୀଶକ୍ତି ବନ୍ଦନ ଅଧିନିୟମକୁ ରାଷ୍ଟ୍ରପତିଙ୍କ ମଞ୍ଜୁରି

by Smruti Parija

Government of India issues a gazette notification for the Women's Reservation Bill after it received the assent of President Droupadi Murmu.

ଅର୍ଗସ ବ୍ୟୁରୋ: ନାରୀଶକ୍ତି ବନ୍ଦନ ଅଧିନିୟମକୁ ରାଷ୍ଟ୍ରପତିଙ୍କ ମଞ୍ଜୁରି । ନାରୀଶକ୍ତି ବନ୍ଦନ ଅଧିନିୟମକୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମଞ୍ଜୁରି । ରାଷ୍ଟ୍ରପତିଙ୍କ ମଞ୍ଜୁରି ପରେ ଆଇନରେ ପରିଣତ ହେଲା ବିଲ୍ । ମହିଳା ସଂରକ୍ଷଣ ବିଲ୍ ଏବେ ଆଇନରେ ପରିଣତ ହୋଇଛି । ସଂସଦର ଉଭୟ ଗୃହରେ ପାରିତ ହୋଇ ଇତିହାସ ରଚିଛି ଏହି ବିଲ୍ ।

ନାରୀଶକ୍ତି ବନ୍ଦନ ବିଧେୟକ କାର୍ଯ୍ୟକାରୀ ହେଲେ ଲୋକସଭା ସମେତ ସବୁ ରାଜ୍ୟ ବିଧାନସଭାରେ ମହିଳାଙ୍କ ପାଇଁ 33 ପ୍ରତିଶତ ଆସନ ସଂରକ୍ଷିତ ରହିବ । ଅର୍ଥାତ ଲୋକସଭାରେ 543 ଆସନ ଆସନ ମଧ୍ୟରୁ 181ଟି ଆସନ ମହିଳାଙ୍କ ପାଇଁ ସଂରକ୍ଷିତ ରହିବ । ସେହିପରି ଓଡ଼ିଶା ବିଧାନସଭାର 147 ଆସନ ମଧ୍ୟରୁ 49ଟି ଆସନ ରିଜର୍ଭ ରହିବ ମହିଳାଙ୍କ ପାଇଁ ।

ଏହା ବ୍ୟତିତ ଅନୁସୂଚୀତ ଜାତି ଓ ଜନଜାତିଙ୍କ ଲାଗି ଧାର୍ଯ୍ୟ ସିଟ୍‌ରୁ ୩୩ ପ୍ରତିଶତ ସଂରକ୍ଷଣ ସେମାନଙ୍କ ସମାଜର ମହିଳାଙ୍କ ଲାଗି ହେବ । ଏହି ସଂରକ୍ଷଣ ରୋଟେସନ ଆଧାରରେ ଦିଆଯିବ । ବିଲ୍‌ରେ ଓବିସି ବର୍ଗଙ୍କ ଲାଗି ଅଲଗା କୌଣସି ପ୍ରାବଧାନ ରଖାଯାଇନାହିଁ । ଏପରି ସ୍‌ଥିତିରେ ଏହା ଦେଖିବାକୁ ବାକି ରହିଲା କି ଆରଜେଡି, ସମାଜବାଦୀ ପାର୍ଟି ଓ ଜେଡିୟୁ ପରି ରାଜନୈତିକ ଦଳଙ୍‌କର ପ୍ରତିକ୍ରିୟା କ’ଣ ରହୁଛି । ଏହି ସଂରକ୍ଷଣ ନିୟମ ୧୫ ବର୍ଷ ପର୍ଯ୍ୟନ୍ତ ଜାରି ରହିବ । ଏହାପରେ ପୁଣି ସଂସଦରେ ପ୍ରସ୍ତାବ ପାରିତ କରାଯାଇ ସଂରକ୍ଷଣ ବଢାଯାଇପାରିବ । ଏହି ସଂରକ୍ଷଣ ରାଜ୍ୟସଭା ଓ ବିଧାନ ପରିଷଦରେ ଲାଗୁ ହେବ ନାହିଁ ।

ଆହୁରି ପଢନ୍ତୁ ଭାରତ ଖବର...

Download Argus News App

a big oppertunity for retailers

Download Mobile App