ଅର୍ଗସ ବ୍ୟୁରୋ: ଗତ ସପ୍ତାହରେ ଲଞ୍ଚ ହୋଇଥିବା ଚୀନର ବୃହତ୍ତମ ରକେଟ୍ ‘ ଲଙ୍ଗ ମାର୍ଚ୍ଚ 5 ବି’ ର ଏକ ବଡ ଅଂଶବିଶେଷ ଭାରତ ମହାସାଗରରେ ଖସି ପଡିଛି । ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ପରେ ଏହା ଭାରତ ମହାସାଗରରେ ପଡିଛି । କିନ୍ତୁ ଏହା ବାୟୁମଣ୍ଡଳରେ ପ୍ରବେଶ କରିବା ପୂର୍ବରୁ ହିଁ ଏହାର ଅନେକ ଉପକରଣ ବାୟୁମଣ୍ଡଳରେ ଘର୍ଷଣ ଫଳରେ ପୋଡି ହୋଇ ନଷ୍ଟ ହୋଇଥିବା ସୂଚନା ଦେଇଛି ଚୀନ ବୈଦେଶିକ ମନ୍ତ୍ରଣାଳୟ । ଏହି ରକେଟୟର ଓଜନ 18 ଟନ୍ ବୋଲି ଜଣାପଡିଛି ।
ଗତ କିଛିଦିନ ପୂର୍ବରୁ ଏହି ରକେଟରୁ ନିୟନ୍ତ୍ରଣ ହରାଇ ସାରିଥିଲା ଚୀନ । ଫଳରେ ଏକ ବଡ ବିପଦ ଟଳି ଯାଇଥିବା କୁହାଯାଉଛି । ଏହି ରକଟେ୍ ର ଅଧିକାଂଶ ଉପକରଣ ପୃଥିବୀର ବାୟୁମଣ୍ଡଳରେ ଘର୍ଷଣ ଯୋଗୁଁ ପୋଡି ହୋଇଯାଇଥିବା ସୂଚନା ଦେଇଛି ଚାଇନା ମ୍ୟାନଡ୍ ସ୍ପେସ୍ ଇଞ୍ଜିନିୟରିଂ ଅଫିସ । ମାଳଦ୍ୱୀପପୁଞ୍ଜର ପଶ୍ଚିମ ପାଖ ସମୁଦ୍ରରେ ଏହା ଖସି ପଡିଥିଲା । ଯାହାର ଅନୁଭୂତ ମଧ୍ୟ ହୋଇଥିଲା । ।
