କୋଲକାତା ସ୍ଥିତ ଦକ୍ଷିଣ ପୂର୍ବ ସର୍କଲ ରେଳ ସୁରକ୍ଷା ଆୟୁକ୍ତ (ସିଆରଏସ) 23 ମାର୍ଚ୍ଚ, 2022 ରେ ଖୋର୍ଦ୍ଧା ରୋଡ-ବାଲାଙ୍ଗୀର ରେଳ ଲାଇନ ପ୍ରକଳ୍ପର ମହୀପୁର ଠାରୁ ନୂଆଗାଁ ପର୍ଯ୍ୟନ୍ତ 13.250 କିଲୋମିଟର ଦୈର୍ଘ୍ୟ ରେଳ ଲାଇନର ସୁରକ୍ଷା କାର୍ଯ୍ୟ ଯାଞ୍ଚ କରିବେ। ସେହିଭଳି 24 ମାର୍ଚ୍ଚ 2022 ରେ ରେଳ ସୁରକ୍ଷା ଆୟୁକ୍ତଙ୍କ ଦ୍ୱାରା ଖୋର୍ଦ୍ଧା ରୋଡ଼ ଠାରେ ବାଇପାସ୍ ଲାଇନର ସୁରକ୍ଷା କାର୍ଯ୍ୟ ମଧ୍ୟ ଯାଞ୍ଚ କରାଯିବ। ନୂତନ ରେଳ ଲାଇନରେ ଥିବା ସମସ୍ତ ସୁରକ୍ଷା ସମ୍ବନ୍ଧୀୟ କାର୍ଯ୍ୟଗୁଡ଼ିକ ପୁଙ୍ଖାନୁପୁଙ୍ଖ ଭାବେ ଯାଞ୍ଚ କରାଯିବାପରେ ଏହି ଲାଇନରେ ଟ୍ରେନ ଚଳାଚଳକୁ ଅନୁମତି ପ୍ରଦାନ କରାଯିବ।
ଉପରୋକ୍ତ ବିଷୟକୁ ଦୃଷ୍ଟିରେ ରଖି ଏହି ରେଳ ମାର୍ଗରେ ବିଭିନ୍ନ ଯନ୍ତ୍ରପାତି ଏବଂ ଯାଞ୍ଚ ଟ୍ରେନ୍ ଚଳାଚଳ ପାଇଁ ତା' 23.03.2022 ରିଖ (ବୁଧବାର) ଦିନ 18424 ନୟାଗଡ଼ ଟାଉନ୍-ଭୁବନେଶ୍ୱର ଏକ୍ସପ୍ରେସକୁ ବାତିଲ କରିବାକୁ ନିଷ୍ପତ୍ତି ନିଆଯାଇଛି।
