Boston University claims to have developed a lethal COVID strain with 80% kill rate

ମିଳିଥିବା ସୂଚନା ଅନୁସାରେ, ଗଭୀର ସମୁଦ୍ର ଭିତରେ ଅବପାତ ଘଂଟାପ୍ରତି ୧୮ କି.ମି ବେଗରେ ପଶ୍ଚିମ-ଉତ୍ତରପଶ୍ଚିମ ଦିଗରେ ଗତି କରୁଛି । ଅବପାତ ଆଗାମୀ ୨୪ଘଣ୍ଟା ମଧ୍ୟରେ ଆହୁରି ଘନୀଭୂତ ହୋଇ ବାତ୍ୟାରେ ପରିଣତ ହେବାର ସମ୍ଭାବନା ରହିଛି ।  ବାତ୍ୟା ରୂପ ନେବା ପରେ ସୋମବାର ଦକ୍ଷିଣ ଆନ୍ଧ୍ର ଓ ଉତ୍ତର ତାମିଲନାଡୁ ଉପକୂଳ ନିକଟରେ କେନ୍ଦ୍ରୀଭୂତ ହେବ ।
ତେବେ ବାତ୍ୟାକୁ ନେଇ ବିଶେଷ କରି ଉପକୂଳ ଲୋକ ଛାନିଆ ହେଲେଣି । ବାତ୍ୟାକୁ ନେଇ ପାଣିପାଗ ବିଭାଗ ଦେଇଥିବା ଅପଡେଟ୍‌ ରିପୋର୍ଟ ଅନୁସାରେ, ୪ ତାରିଖ ସନ୍ଧ୍ୟାଠୁ  ଓଡିଶା ଉପକୂଳ ଓ ଏହାର ଆଖପାଖ ଅଞ୍ଚଳରେ ପବନର ବେଗ ୩୫ କି.ମି ପର୍ଯ୍ୟନ୍ତ ରହିବ । ବେଳେ ପବନର ବେଗ ୬୦ କି.ମି ହୋଇପାରେ । ତେବେ ଏବେ ଗଭୀର ଅବପାତ ପୁଡୁଚେରୀଠାରୁ ୪୪୦, ଚେନ୍ନାଇଠାରୁ ୪୫୦ କିମି ଦୂରରେ କେନ୍ଦ୍ରୀଭୂତ ରହିଛି । ଗୁରୁତ୍ଵପୂର୍ଣ୍ଣ କଥା ହେଲା ବାତ୍ୟା ସ୍ଥଳଭାଗ ଛୁଇଁବା ବେଳେ ସର୍ବାଧିକ୧୦୦ କି.ମି ବେଗରେ ପବନ ବୋହିନା ନେଇ ଆକଳନ ହୋଇଛି । 
ଅଧିକ ଦେଖନ୍ତୁ :   

ଭୁବନେଶ୍ୱର: ଗତ ବିଧାନସଭା ଅଧିବେସନରେ ଜବାବ୍ ରଖି ରାଜ୍ୟ ସରକାର ଦାଦନ ଶ୍ରମିକଙ୍କ ତାଲିକା ଘୋଷଣା କରିଥିଲେ । ରାଜ୍ୟ ସରକାରଙ୍କ ଏହି ମିଛ ତାଲିକାର ଅସଲ ମୁଖା ଗତ କାଲି ପର୍ଦ୍ଦାଫାଶ ହୋଇଛି ଓ ଓଡିଆ ଦାଦନ ଶ୍ରମିକଙ୍କ ଅବସ୍ଥାର ଲଜ୍ଜ୍ୟାଜନକ ସ୍ଥିତିକୁ ସାମ୍ନାକୁ ଆଣିଛି । ଭଦ୍ରକ ଜିଲ୍ଲାରୁ ଜଣେ ହେଲେ ପ୍ରବାସୀ ଶ୍ରମିକ ଅନ୍ୟ ରାଜ୍ୟକୁ ଯାଇନଥିବା ରାଜ୍ୟ ସରକାର ବିଧାନସଭାରେ କହିଥିଲାବେଳେ ଓଡ଼ିଶାକୁ ଏବେ ସୁଦ୍ଧା ଉତରାଖଣ୍ଡରୁ ଫେରିନଥିବା ଜଣେ ଶ୍ରମିକଙ୍କ ଘର ଭଦ୍ରକ ଜିଲ୍ଲା ବାସୁଦେବପୁର ଅଂଚଳର ବୋଲି ଜଣାପଡିଛି । ଏକଥା ଯଦି ସତ ତେବେ ସରକାରଙ୍କର ବିଧାନସଭାରେ ଦେଇଥିବା ଉତର କଣ ମିଛ ବୋଲି ରାଜ୍ୟ ମୁଖପାତ୍ର ଶ୍ରୀ ତେଜେଶ୍ୱର ପରିଡା ପ୍ରଶ୍ନ କରିଛନ୍ତି ।
ଶ୍ରୀ ପରିଡା କହିଛନ୍ତି ଯେ, ଗତକାଲି ମୟୂରଭଞ୍ଜ ଜିଲ୍ଲାର ୩ଜଣ ଶ୍ରମିକ ରାଜୁ ନାୟକ, ଧୀରେନ ନାୟକ ଓ ବିଶେଶ୍ୱର ନାୟକ ଓଡ଼ିଶା ଫେରି ମୁଖ୍ୟମନ୍ତ୍ରୀଙ୍କୁ ଭେଟିଥିବାବେଳେ ବିଧାନସଭାରେ ରାଜ୍ୟ ସରକାର ଉତର ରଖିଥିଲେ ଯେ, ମୟୂରଭଞ୍ଜ ଜିଲ୍ଲାରୁ ମାତ୍ର ୧୦ଜଣ ପ୍ରବାସୀ ଶ୍ରମିକ ଓଡ଼ିଶା ବାହାରକୁ ଯାଇଛନ୍ତି ।

ମୁଖ୍ୟମନ୍ତ୍ରୀଙ୍କୁ ଭେଟିଥିବା ୩ଜଣ ଶ୍ରମିକଙ୍କ ନାମ ବିଧାନସଭା ଉତରରେ ଥିବା ୧୦ଜଣ ତାଲିକାରେ ଅଛି ତ? ସେହିପରି ଗତକାଲି ଓଡ଼ିଶା ଫେରି ନବୀନ ନିବାସ ଯାଇଥିବା ନବରଙ୍ଗପୁର ଜିଲ୍ଲାର ଭଗବାନ ବାତ୍ରାଙ୍କର ନାମ ସରକାରଙ୍କ ବିଧାନସଭା ଉତରର ସେହି ଜିଲ୍ଲାର ୪୦୩ଜଣ ତାଲିକା ମଧ୍ୟରେ ଅଛି ତ? ଖୋଦ୍ ଶ୍ରମମନ୍ତ୍ରୀ ସାରଦା ନାୟକଙ୍କ ନିଜ ଜିଲ୍ଲା ସୁନ୍ଦରଗଡରୁ କେହି ହେଲେ ଜଣେ ବି ଶ୍ରମିକ ଅନ୍ୟ ରାଜ୍ୟକୁ କାମ କରିବାକୁ ଯାଇନଥିବା ବିଧାନସଭାରେ ସରକାର ଉତର ରଖିଲେ । ମାତ୍ର ସୁନ୍ଦରଗଡ ଜିଲ୍ଲା ବଡଗାଁ ବ୍ଲକର ବାମଡେରା ଗାଁର ମିଶ୍ର ମାଝୀ ନାମକ ଦାଦନ ଶ୍ରମିକ ଓ ସେହି ବ୍ଲକର ଅନ୍ୟ ଜଣେ ଶ୍ରମିକଙ୍କ ମୃତଦେହ ଗତକିଛିମାସ ମଧ୍ୟରେ ରାଜ୍ୟକୁ ଫେରିଛି । ମିଶ୍ର ମାଝୀଙ୍କର ମୃତ୍ୟୁ ପ୍ରମାଣପତ୍ର ଓ ମୃତଦେହ ଆସିଥିବା “ଇଣ୍ଡଗୋ ବିମାନ” ଟିକେଟ୍‌ର କପି ଆମକୁ ହସ୍ତଗତ ହୋଇଛି । ସେହି ଜିଲ୍ଲାର ସବଡେଗା ବ୍ଲକର ଅନ୍ୟ ଜଣେ ଦାଦନ ଶ୍ରମିକଙ୍କ ମୃତ୍ୟୁ କିଛି ଦିନ ପୂର୍ବରୁ ବାହାର ରାଜ୍ୟରେ ହୋଇଛି । ଏସମସ୍ତ ଉଦାହରଣ ସୁନ୍ଦରଗଡ ଜିଲ୍ଲାରୁ ‘ଶୂନପ୍ରବାସୀ ଶ୍ରମିକ’ ବିଧାନସଭାରେ ଘୋଷଣାକୁ ମିଛ ପ୍ରମାଣିତ କରିଛି । ସେହିଭଳି ବଲାଙ୍ଗିର ଜିଲ୍ଲା ଲୁଇସିଙ୍ଗା ବ୍ଲକ ଫଟାବାହଲ, ପୁଇଁତଳା ବ୍ଲକର ବିଲେଇସଡା ଓ ଆଗଲପୁର ବ୍ଲକର ଖଲିଆପାଲିରୁ ଜଣେ ଲେଖାଏ ଦାଦନଶ୍ରମିକଙ୍କ ମୃତ୍ୟୁ ଅନ୍ୟ ରାଜ୍ୟରେ କିଛିମାସ ମଧ୍ୟରେ ହୋଇଛି । କିଛିମାସ ପୂର୍ବରୁ କୋରାପୁଟ ଜିଲ୍ଲାର କିଛି ଦାଦନ ଶ୍ରମିକ ଆନ୍ଧ୍ରପ୍ରଦେଶର ଭାଇଜାଗ୍‌ରୁ ଚାଲି ଚାଲି କୋରାପୁଟ ଫେରୁଥିବାର ଚିତ୍ର ଗଣମାଧ୍ୟମମାନେ ସାମ୍ନାକୁ ଆଣିଥିଲେ । ସମ୍ବଲପୁର ଜିଲ୍ଲା ଧନକଉଡା ବ୍ଲକର ପୂର୍ବତନ ଅଧ୍ୟକ୍ଷା ଶ୍ରୀମତୀ କାନ୍ତୀ କୁମ୍ଭାର ଯିଏ ୧୯୯୭ ରୁ ୨୦୦୧ ପର୍ଯ୍ୟନ୍ତ ବ୍ଲକ ଅଧ୍ୟକ୍ଷା ଥିଲେ ସେ ଏବେ ତାମିଲନାଡୁରେ ନିଜ ପୁଅ ସହ ଦାଦନ ଶ୍ରମିକଭାବେ କାର୍ଯ୍ୟ କରୁଥିବା ଖବର ଆମ ସମସ୍ତଙ୍କୁ ବ୍ୟଥିତ କରିଛି ବୋଲି ଶ୍ରୀ ପରିଡା କହିଛନ୍ତି ।

ଆଜି ରାଜ୍ୟ ସରକାରଙ୍କର ଦୁମୁହାଁ ନୀତି ପଦାରେ ପଡିଯାଇଛି । ଦାଦନ ଶ୍ରମିକମାନଙ୍କର ଦୁଃଖର କାହାଣୀ ଲୁଚାଇବା ପାଇଁ ସେମାନଙ୍କର ଭାବାବେଗ ଓ ଦୁର୍ବଳତାର ଫାଇଦା ନେଇ ରାଜ୍ୟ ସରକାର ଡ୍ରାମାବାଜି କରୁଛନ୍ତି, ଯାହା ରାଜ୍ୟର ବିକାଶର ମିଛ ଚିତ୍ରକୁ ପଦାରେ ପକାଇଛି । ମୃତ୍ୟୁ ମୁହଁରୁ ଜୀବନ ବଂଚାଇ ଓଡିଶା ଫେରିଥିବା ଦାଦନ ଶ୍ରମିକମାନେ ଓଡ଼ିଶାରେ ନିଯୁକ୍ତି ସୁଯୋଗ ନଥିବାରୁ ପୁଣି ଥରେ ଅନ୍ୟ ରାଜ୍ୟକୁ କାମ ପାଇଁ ଯିବାକୁ କହିବାଠୁ ଅଧିକ କରୁଣ ପରିସ୍ଥିତି ଆମ କିଛି ନହୋଇପାରେ । ଗତକାଲି ଏକ ଦୁର୍ଭାଗ୍ୟଜନକ ଚିତ୍ର ସାମ୍ନାକୁ ଆସିଲା ଯେଉଁଠି ଉତରାଖଣ୍ଡ ଟନେଲରୁ ଉଦ୍ଧାର ହୋଇଥିବା ୫ଜଣ ଶ୍ରମିକଙ୍କ ମଧ୍ୟରୁ ୪ଜଣ ଓଡିଶା ଫେରିବା ପରେ ସେମାନଙ୍କର ଦୁଃଖ ବଖାଣିଲେ । “ଓଡ଼ିଶାରେ ଚାକିରି ନାହିଁ ତେଣୁ ପୁଣି ଥରେ ଅନ୍ୟ ରାଜ୍ୟକୁ କାମ କରିବା ପାଇଁ ସେହି ଟନେଲ ଭିତରକୁ ଫେରିଯିବୁ” ଏଭଳି ଦୁର୍ଭାଗ୍ୟଜନକ ମନ୍ତବ୍ୟ ଗତକାଲି ନବୀନ ପଟ୍ଟନାୟକଙ୍କୁ ଭେଟିଥିବା ଶ୍ରମିକଙ୍କ ମୁହଁରୁ ଶୁଣିବାକୁ ମିଳିଲା । ବାସ୍ତବରେ ରାଜ୍ୟରେ ଯୁବକମାନଙ୍କ ପାଇଁ ରୋଜଗାର ସୃଷ୍ଟି କରିବାରେ ବିଫଳ ହୋଇଥିବାରୁ ଦାଦନ ସମସ୍ୟା ଦିନକୁ ଦିନ ଉତ୍କଟ ହେବାରେ ଲାଗିଛି ଏବଂ ରାଜ୍ୟ ସରକାର ନିଜ ଦୋଷକୁ ଲୁଚାଇବା ପାଇଁ ବିଧାନସଭାରେ ମଧ୍ୟ ମିଛ କହିବାକୁ ପଛାଉନାହାନ୍ତି ବୋଲି ଶ୍ରୀ ପରିଡା କହିଛନ୍ତି । ଗତ କାଲି ଘଟଣାରୁ ଏହା ସ୍ପଷ୍ଟ ହେଉଛି ଯେ, ରାଜ୍ୟ ସରକାର ଦାଦନ ଶ୍ରମିକ ସୃଷ୍ଟିରେ ରେକର୍ଡ କରିଥିବା କାରଣରୁ ମୁଖ୍ୟମନ୍ତ୍ରୀ ନିଜକୁ ନିଜେ ସାବାସୀ ଦେଉଛନ୍ତି । ଗତକାଲି ରାଜ୍ୟ ସରକାର ଓ ଶ୍ରମମନ୍ତ୍ରୀ ଭୁବନେଶ୍ୱରରେ ଉତରାଖଣ୍ଡରୁ ଫେରିଥିବା ଶ୍ରମିକ ଭାଇମାନଙ୍କୁ ଲୋକଦେଖାଣିଆ ଡ୍ରାମା କରି ସ୍ୱାଗତ ଓ ସମ୍ବର୍ଦ୍ଧନା ଜଣାଇଲେ । କରୋନା ସମୟରେ ପ୍ରାୟ ୧୦ଲକ୍ଷରୁ ଊର୍ଦ୍ଧ୍ୱ ପ୍ରବାସୀ ଶ୍ରମିକ ରାଜ୍ୟକୁ ଫେରିଥିଲେ । କିନ୍ତୁ ଓଡ଼ିଶା ସରକାର ସେମାନଙ୍କର ସ୍କିଲ୍ ମ୍ୟାପିଙ୍ଗ, ରିସ୍କିଲିଂ ଓ ଅପସ୍କିଲିଙ୍ଗ ନକରି ଓଡ଼ିଶାରେ ନିଯୁକ୍ତି ପ୍ରଦାନରେ ସମ୍ପୂର୍ଣ୍ଣ ବିଫଳ ହେଲେ ଓ ମାତ୍ର ୪ଟି ଜିଲ୍ଲାରେ ୪,୮୪୩ଜଣଙ୍କୁ ଛୋଟ କାମ ଦେଇ ନିଜର ଦାୟିତ୍ୱ ଶେଷ କରିଦେଲେ । ପ୍ରତି ଜିଲ୍ଲାରୁ ହଜାର ଜହାର ପ୍ରବାସୀ ଶ୍ରମିକ ଦାଦନ ଘଟିବା ପାଇଁ ଅନ୍ୟ ରାଜ୍ୟକୁ ପଳାୟନ କରୁଥିବା ବେଳେ ବଦନାମିରୁ ବଂଚିବା ପାଇଁ ଜିଲ୍ଲା ଶ୍ରମ କାର୍ଯ୍ୟାଳୟ ଗୁଡିକରେ କୌଣସି ପଞ୍ଜୀକରଣ ନକରାଯାଇ ସମସ୍ତ ସାମାଜିକ ସୁରକ୍ଷାରୁ ଦାଦନ ଶ୍ରମିକମାନଙ୍କୁ କାହିଁକି ବଂଚିତ କରାଯାଉଛି ବୋଲି ଶ୍ରୀ ପରିଡା ପ୍ରଶ୍ନ କରିଛନ୍ତି । 

ଜନ୍ମମାଟିରେ ପହଞ୍ଚିଲେ ଉତ୍ତରକାଶି ସୁଡ଼ଙ୍ଗ ଶ୍ରମବୀର
ଭୁବନେଶ୍ବରରୁ ଯାଇ ପହଞ୍ଚିବା ପରେ ଗାଁରେ ଭାବବିହ୍ବଳ ପରିବେଶ
ଶ୍ରମିକଙ୍କୁ ନେଇ କ୍ଷଣିକ ଖୁସି, କିନ୍ତୁ ଦାଦନ ସମସ୍ୟା ପାଇଁ ଚିରସ୍ଥାୟୀ ଦୁଃଖ
ଅପାର ସମ୍ଭାବନା ସତ୍ତ୍ବେ ରାଜ୍ୟରେ ରୋଜଗାର ସୃଷ୍ଟିରେ ବିଫଳ ବିଜେଡି ସରକାର
ପେଟ ପାଇଁ ପୁଣି ବିଦେଶ ଯିବାକୁ ବାଧ୍ୟ ଓଡ଼ିଆ ଶ୍ରମିକ 

ଉତ୍ତରାଖଣ୍ଡ ସୁଡ଼ଙ୍ଗରୁ ଉଦ୍ଧାର ଶ୍ରମିକଙ୍କ ସହ ଶୁକ୍ରବାର ଭୁବନେଶ୍ବର ବିମାନ ବନ୍ଦରରେ ପହଞ୍ଚିବା ପରେ ଇଏ ଥିଲା ରାଜ୍ୟ ଶ୍ରମମନ୍ତ୍ରୀଙ୍କ ଅଧିକୃତ ବୟାନ। ଶାରଦା ନାୟକଙ୍କ ଅନୁସାରେ କେତେ ଦାଦନ ଓଡ଼ିଶା ବାହାରେ ସଂଘର୍ଷ କରୁଛନ୍ତି ସେଥିନେଇ ସରକାରଙ୍କର କିଛି ପରବାୟ ନାହିଁ । ପେଟ ପାଇଁ ବାଧ୍ୟରେ ବାହାର ରାଜ୍ୟକୁ ଯାଉଥିବା ଶ୍ରମିକଙ୍କୁ ରାଜ୍ୟରେ ନିଯୁକ୍ତି ଦେବା ବିଜେଡି ସରକାର ପାଇଁ ପ୍ରସଙ୍ଗ ହିଁ ନୁହେଁ । ଅର୍ଥାତ୍ ଦାଦନଙ୍କୁ ନେଇ କିଛି କରିବ ନାହିଁ ବିଜେଡି । ଏମାନେ ପୁଣି ଦାଦନ ଖଟିବାକୁ ଯିବେ । ଗୋଟିଏ ପଟେ ଶ୍ରମମନ୍ତ୍ରୀଙ୍କ ଏ ବୟାନରେ ଲୁଚିଛି ପ୍ରଚାରରେ ମାତିଥିବା 24 ବର୍ଷର ସରକାରର ଚରମ ଅପାରଗତା ଅନ୍ୟପଟେ ରାଜ୍ୟର ଦାଦନ ସମସ୍ୟା ପ୍ରସଙ୍ଗରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବାରମ୍ବାର ପ୍ରକଟ କରିଛନ୍ତି  ଚିନ୍ତା। 
 ରାଜ୍ୟରେ କାମ ମିଳୁଥିଲେ ବିଦେଶ ଯାଉ ନ ଥାନ୍ତେ ଓଡ଼ିଆ । କେତେବେଳେ ଜୀବନ ଧରି ଫେରିବେ ତ ଆଉ କେତେବେଳେ ଶବ ହୋଇ। ଆଉ ଏମାନଙ୍କ ଅବସ୍ଥାକୁ ନେଇ ଏମିତି ଆଶଙ୍କାରେ ରହିବେ ପରିଜନ। ଏମିତି ହେବେ ବିକଳ। 

ସେପଟେ ଦାଦନ ସମସ୍ୟା ନେଇ ରାଜ୍ୟ ସରକାରଙ୍କ ଉପରେ ଜୋରଦାର ବର୍ଷିଛି ବିଜେପି। ତେଜେଶ୍ବର ପରିଡ଼ା କହିଛନ୍ତି ଶ୍ରମିକଙ୍କ ଅସହାୟତାର ଫାଇଦା ନେଉଛନ୍ତି ରାଜ୍ୟ ସରକାର। ଉତ୍ତରାଖଣ୍ଡରୁ ଫେରିଥିବା ଓଡ଼ିଆ ଶ୍ରମିକ କାମ ନାହିଁ ବୋଲି ପୁଣି ସୁଡ଼ଙ୍ଗକୁ ଫେରିବେ କହିବା ବିଜେଡି ପାଇଁ ଲଜ୍ଜାଜନକ। ଗୋଟିଏ ପଟେ ଓଡ଼ିଆଙ୍କୁ କାମ ଯୋଗାଇବାରେ ବିଫଳ ରାଜ୍ୟ ସରକାର। ଅନ୍ୟପଟେ ବିଧାନସଭାରେ ମିଛ କହୁଛନ୍ତି ଶ୍ରମମନ୍ତ୍ରୀ। ଯଦି ଉତ୍ତରାଖଣ୍ଡରେ ଫସିଥିବା 41 ଶ୍ରମିକଙ୍କ ମଧ୍ୟରେ 5 ଜଣ ଓଡ଼ିଆ, ତେବେ ସାରା ଦେଶରେ କେତେ ଓଡ଼ିଆ ଦାଦନ ଅଛନ୍ତି ସ୍ପଷ୍ଟ ଅନୁମେୟ। 

 24 ବର୍ଷର ଶାସନରେ ପୁରୁଷାର୍ଥ ଅଭାବରୁ ପରିଶ୍ରମୀ ଓଡ଼ିଆ ସାଜିଛି ବେକାର। ଯଦି 24 ବର୍ଷ ଭିତରେ ଓଡ଼ିଶାରେ ଭରି ରହିଥିବା ପ୍ରାକୃତିକ ସଂଶାଧନର ସୁବିନିଯୋଗ କରାଯାଇଥାନ୍ତା ଆଜି କଣ ଲକ୍ଷ ଲକ୍ଷ ଓଡ଼ିଆଙ୍କୁ ଦାଦନ ଖଟିବା ପାଇଁ ବାହାର ରାଜ୍ୟକୁ ଯିବାକୁ ପଡ଼ୁଥାନ୍ତା ? ଉତ୍ତରାଖଣ୍ଡରୁ ଫେରିଥିବା 5 ଶ୍ରମିକଙ୍କ ଉପରେ ଫୋକସ୍ କରୁଛନ୍ତି ରାଜ୍ୟ ସରକାର। କିନ୍ତୁ ପ୍ରଶ୍ନ ହେଲା ଦାଦନ ଖଟିବାକୁ ଯାଉଥିବା ଲକ୍ଷ ଲକ୍ଷ ଓଡ଼ିଆ କେତେଦିନ ରୋଜଗାର ପାଇଁ ଅନ୍ୟ ରାଜ୍ୟ ଉପରେ ନିର୍ଭର କରିବେ ? ଅପାର ସମ୍ଭାବନା ସତ୍ତ୍ବେ କାହିଁକି ରାଜ୍ୟରେ ରୋଜଗାର ସୃଷ୍ଟିରେ ବିଫଳ ବିଜେଡି ସରକାର ?  

ଅଧିକ ପଢନ୍ତୁ  ଓଡ଼ିଶା ଖବର