ସାବଧାନ୍‌ ! ଅତ୍ୟଧିକ ମାତ୍ରାରେ AC ବ୍ୟବହାର କରୁଛନ୍ତି କି, ହୋଇପାରେ କୋରୋନା...

ନୂଆଦିଲ୍ଲୀ:  ସାରା ବିଶ୍ୱରେ କୋରୋନା ସମ୍ପର୍କିତ ମାମଲା  ଏକ ଲକ୍ଷ ପାର୍ ହୋଇଛି । ସେହିପରି ଏଥିରେ ମୃତ୍ୟୁ ବରଣ କରିଥିବା ଲୋକଙ୍କ ସଂଖ୍ୟା 3300କୁ ବୃଦ୍ଧି ପାଇଛି । ଭାରତରେ କୋରୋନା ରୋଗୀଙ୍କ ସଂଖ୍ୟା 31ରେ ପହଞ୍ଚିଥିବାବେଳେ ଏଥିରେ 3 ରୋଗୀଙ୍କ ସଫଳ  ଚିକିତ୍ସା ହୋଇ ସେମାନେ ଘରକୁ ଫେରିଛନ୍ତି । ତେବେ ଏପର୍ଯ୍ୟନ୍ତ କୋଭିଡ-19 ବ୍ୟାପିବାର ପ୍ରକୃତ କାରଣ ସାମ୍ନାକୁ ଆସ ନାହିଁ ।

କୋରୋନାରୁ ରକ୍ଷା ପାଇବା ପାଇଁ କୋରୋନା ସଂକ୍ରମିତଙ୍କ ଠାରୁ ଦୂରେଇ ରହିବା ସହ  ସଫାସୁତୁରା ରହିବାରେ ବିଶେଷ ଧ୍ୟାନ ଦେବାକୁ ପଡିବ । କାରଣ ଭାଇରସ୍‌  ଜଣଙ୍କଠୁ ଅନ୍ୟଜଣଙ୍କ ନିକଟକୁ ଦ୍ରୁତ ଗତିରେ ବ୍ୟାପିଥାଏ ।  ଏହା ମଧ୍ୟ ଦାବି କରାଯାଉଛି ଯେ,  ଉଷ୍ଣ ପାଣିପାଗରେ ଏହି ଭାଇରସ୍‌  ନଷ୍ଟ ହୋଇଯାଇଥାଏ । ଅର୍ଥାତ୍‌ ଯେତେ ଅଧିକ ବାୟୁମଣ୍ଡଳ ଗରମ ବା ଉଷ୍ଣ ରହିବ କୋରୋନା ଭାଇରସ୍‌ ତାର ଶକ୍ତି ହରାଇ ବସିବ । ଅନ୍ୟ ଅର୍ଥରେ କହିବାକୁ ଗଲେ  ଅଧିକ ତାମାତ୍ରାରେ ଏହି ଭୁତାଣୁ ଦୂର୍ବଳ ହୋଇଯାଇଥାଏ । 

ଏସିର ମାହୋଲରେ ଏହି ଭାଇରସ  ତାର କାୟା ବିସ୍ତାର କରିଥାଏ । ଇଣ୍ଡିଆନ୍‌ କାଉନ୍ସିଲ ଅଫ ମେଡିକାଲ ରିସର୍ଚର ବୈଜ୍ଞାନିକଙ୍କ କହିବାନୁଯାୟୀ, 38 ଡିଗ୍ରୀ ସେଲସିୟସ ଓ 95 ପ୍ରତିଶତ ଆର୍ଦ୍ରତା ହେବା ଫଳରେ  କୋରୋନା ଭାଇରସ୍‌ର କ୍ଷମତା ଶେଷ ହେବାରେ ଲାଗିଥାଏ ।  ଘର ଭିତର ବନ୍ଦ ଥିବା ତାପମାତ୍ରାରେ ଏହି ଭାଇରସ୍‌ର ବିପଦ ଅଧିକ ହୋଇଥାଏ ।  ତେଣୁ କୋଠରି ଆବଦ୍ଧ କରି ରୁହନ୍ତୁ ନାହିଁ । ଏହା କୋରୋନା ବ୍ୟାପିବାରେ ବହୁତ ଆଶଙ୍କା ରହିଥାଏ । 

କୋରୋନା ଭାଇରସ୍‌ କମ୍‌ ତାପମାତ୍ରା ଭଳି ସ୍ଥାନ ମାନଙ୍କରେ ଅଧିକ ତିବ୍ରତାର ସହ ବ୍ୟାପିଥାଏ । ଅଧିକ ଥିବା ତାପମାତ୍ରା ସ୍ଥାନମାନଙ୍କରେ ଏହି ଭାଇରସ୍‌  ତାର କ୍ଷମତା ହରାଇ ବସିଥାଏ ।  ଯେପରି କି ମଲେଶିୟା, ଇଣ୍ଡୋନେସିଆ ଓ ଥାଇଲାଣ୍ଡ ଯେପରି ଦେଶମାନଙ୍କରେ ଏହି ଭାଇରସ୍‌ର ଏପର୍ଯ୍ୟନ୍ତ କମ୍‌ ମାମଲା ସାମ୍ନାକୁ ଆସିଛି ।  କିନ୍ତୁ ଏହି ଭାଇରସ୍‌ ଉପରେ  ବିଶ୍ୱର ସମସ୍ତ ବୈଜ୍ଞାନିକଙ୍କ ମତ ଏପର୍ଯ୍ୟନ୍ତ ଭିନ୍ନ ଭିନ୍ନ ରହିଛି ।