Declaring open the 44th Chess Olympiad by PM Narendra Modi

ଚେନ୍ନାଇରେ ଅନୁଷ୍ଠିତ ହେଉଛି ୪୪ତମ ଚେସ୍ ଅଲମ୍ପିଆଡ୍

by Banajyotshna Ray

Declaring open the 44th Chess Olympiad by PM Narendra Modi

ଅର୍ଗସ ବ୍ୟୁରୋ: ବିଶ୍ୱ ପ୍ରସିଦ୍ଧ ଖେଳ ଚେସ୍ ର ଜନ୍ମ ଭାରତରେ । ଭାରତରୁ ଏହା ବିଶ୍ବର ଅନ୍ୟ ଦେଶକୁ ଯାଇଛି । ଏବେ ଚେନ୍ନାଇରେ ଅନୁଷ୍ଠିତ ହେଉଛି ୪୪ତମ ଚେସ୍ ଅଲମ୍ପିଆଡ୍ । ଇଣ୍ଟରନ୍ୟାସନାଲ ଚେସ୍ ଅଲମ୍ପିଆଡ୍ ହେଉଛି ବିଶ୍ବର ସର୍ବବୃହତ ଚେସ୍ ପ୍ରତିଯୋଗିତା । ଚେନ୍ନାଇର ଜେ.ଏଲ.ଏନ୍ ଇନଡୋର ଷ୍ଟାଡିୟମରେ ୪୪ ତମ ଚେସ୍ ଅଲିମ୍ପିଆଡର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ତାମିଲନାଡୁର ରାଜ୍ୟପାଳ ଆର.ଏନ. ରବି, ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ, କେନ୍ଦ୍ରମନ୍ତ୍ରୀ ଅନୁରାଗ ସିଂହ ଠାକୁର, ଆର ମୁରୁଗନ ଏବଂ ଆନ୍ତର୍ଜାତୀୟ ଚେସ ମହାସଂଘର ସଭାପତି ଉପସ୍ଥିତ ଥିଲେ ।

ରଙ୍ଗାରଙ୍ଗ କାର୍ଯ୍ୟକ୍ରମରେ ଝଲସିଥିଲା ପୁରା ଷ୍ଟାଡିଅମ । ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ନୃତ୍ୟ ଗୀତ ପରିବେଶଣ ହୋଇଥିଲା । ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ସମଗ୍ର ଭାରତ ଏବଂ ବିଶ୍ବରୁ ଆସିଥିବା ସମସ୍ତ ଖେଳାଳି ଏବଂ ଚେସ ପ୍ରେମୀଙ୍କୁ ସ୍ୱାଗତ କରିଥିଲେ । "ଆଜାଦୀ କା ଅମୃତ ମହୋତ୍ସବ” ସମୟରେ ଚେସରେ ସବୁଠାରୁ ସମ୍ମାନଜନକ ଟୁର୍ନାମେଣ୍ଟ, ‘ଚେସର ଘର ଭାରତ’କୁ ଆସିଛି ବୋଲି ସେ କହିଛନ୍ତି । ଚେସ ସହିତ ତାମିଲନାଡୁର ଦୃଢ ଐତିହାସିକ ସମ୍ପର୍କ ରହିଛି । ଏହି କାରଣରୁ ଏହା ଭାରତ ପାଇଁ ଏକ ଚେସ୍ ପାୱାରହାଉସ୍ । କ୍ରୀଡ଼ାରେ ପରାଜୟ ନାହିଁ । ସେଠାରେ ବିଜେତା ଅଛନ୍ତି ଏବଂ ଭବିଷ୍ୟତର ବିଜେତା ମଧ୍ୟ ଅଛନ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ ।