ନବ ନିର୍ବାଚିତ ଲୋକସଭା ସ୍ପିକର ଓମ୍‌ ବିର୍ଲା କିଏ ? ଧୁମ୍‌ ପ୍ରଶଂସା କଲେ ମୋଦି

ନୂଆଦିଲ୍ଲୀ: ଓମ୍‌ ବିର୍ଲା, ଏହା କେବଳ ଜଣେ ସାଂସଦଙ୍କ ନାଁ ହୋଇ ରହିନାହିଁ । ଓମ୍‌ ବିର୍ଲା ହେଲେ ଲୋକସଭାର ବାଚସ୍ପତି । ସବୁ ଚର୍ଚ୍ଚାରେ ବିରାମ ଟାଣି ମୋଦି ପ୍ରସ୍ତାବ ଦେଲେ ରାଜସ୍ଥାନ କୋଟାର ସାଂସଦ ଓମ୍‌ ବିର୍ଲାଙ୍କ ନାଁ । ସର୍ବସମ୍ମତି କ୍ରମେ ଲୋକସଭା ସ୍ପିକର ଭାବେ ନିର୍ବାଚିତ ହେଲେ ଓମ୍‌ ।

ତେବେ ଓମ୍‌ ବିର୍ଲା କିଏ ? କେତେକଙ୍କ ପାଇଁ ଏହି ନାଁ ଜଣାଶୁଣା ଲାଗୁ ନଥିଲେ ସୁଦ୍ଧା ଓମ୍‌ଙ୍କ ଖ୍ୟାତି ସୁଦୂର ବ୍ୟାପିଛି । ଓମ ବିର୍ଲା ରାଜସ୍ଥାନ କୋଟାରେ ଦ୍ୱିତୀୟ ଥର ପାଇଁ ଲୋକସଭାକୁ ନିର୍ବାଚିତ ହୋଇଛନ୍ତି । ଏହା ପୂର୍ବରୁ ରାଜସ୍ଥାନ ସରକାରରେ ଓମ୍‌ ସଂସଦୀୟ ସଚିବ ଥିଲେ । 2014ରେ ବହୁ ସଂସଦୀୟ ସମିତିରେ କାର୍ଯ୍ୟ କରିଥିଲେ ଓମ୍‌ । ଲୋକସମ୍ପର୍କ ପାଖରୁ ଆରମ୍ଭ କରି ବଡ଼ ବଡ଼ ନେତାଙ୍କ ସହିତ ଉତ୍ତମ ସମ୍ପର୍କ ସ୍ଥାପନ କରିପାରିଛନ୍ତି ଓମ୍‌ ବିର୍ଲା । ଯଦିଓ ରାଜସ୍ଥାନର ତତ୍କାଳୀନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ସହ ଓମ୍‌ଙ୍କର ପଡ଼ୁନଥିଲା କିନ୍ତୁ ମୋଦି-ଶାହଙ୍କ ପ୍ରିୟଭାଜନ ହୋଇପାରିଥିଲେ ଓମ୍‌ ।

ଲୋକସଭା ସ୍ପିକର ଭାବେ ନିର୍ବାଚିତ ହେବା ପରେ ଓମ୍‌ଙ୍କୁ ନିର୍ଧୁମ ପ୍ରଶଂସା କରିଛନ୍ତି ମୋଦି । ମୋଦି କହିଛନ୍ତି, ‘ରାଜସ୍ଥାନର କ୍ୟାରିୟର ହବ୍‌ ବନିଛି କୋଟା । ପ୍ରତ୍ୟେକ ପିଲାଙ୍କ ଇଚ୍ଛା ଏବେ କୋଟାରେ ପଢିବେ । କୋଟାକୁ ମିନି ଭାରତ କହିପାରିବା । ଏହିସବୁ ପାଇଁ ବିର୍ଲାଙ୍କ ଅବଦାନ ଅନେକ । ଗରିବଙ୍କୁ ଖାଦ୍ୟ ଦେବା କାର୍ଯ୍ୟ ଆରମ୍ଭ କରିଥିଲେ ଓମ୍‌ । ପ୍ରସାଦମ୍‌ ଯୋଜନା ମାଧ୍ୟମରେ ଗରିବଙ୍କୁ ଖାଦ୍ୟ ଦେବା ସହ କୋଟାବାସୀ ଭୋକରେ ନରହିବା ପାଇଁ ପଦକ୍ଷେପ ନେଇଥିଲେ ଓମ୍‌ ।’

ओम बिरला जी ने राजनीति का केंद्र बिंदु जन आंदोलन से ज्यादा जनसेवा को बनाया। ऐसा संवेदनशील व्यक्तित्व आज जब स्पीकर पद पर आया है, तो वो हमें अनुशासित भी करेंगे और अनुप्रेरित भी करेंगे। उनके कार्यकाल में सदन देश के लिए उत्तम से उत्तम तरीके से काम कर सकेगा: पीएम मोदी

— BJP (@BJP4India) June 19, 2019

बिरला जी ने एक व्रत लिया था कि कोटा में कोई भूखा नहीं सोएगा और वे एक प्रसादम नाम की योजना चलाते हैं जो आज भी चल रही है: पीएम मोदी

— BJP (@BJP4India) June 19, 2019

जब केदारनाथ का हादसा हुआ तो बिरला जी अपनी टोली के साथ उत्तराखंड में समाज सेवा के लिए लग गए और अपने कोटा में भी अगर किसी के पास ठंड के सीजन में कंबल नहीं है तो रातभर कोटा की गलियों में निकलकर जन भागीदारी से लोगों को कंबल पहुंचाते हैं: पीएम मोदी

— BJP (@BJP4India) June 19, 2019

जब गुजरात में भयंकर भूकंप आया, तब बहुत लंबे समय तक वे कच्छ में रहे, अपने इलाके के युवा साथियों को लेकर आए और पीड़ितों की सेवा का काम किया: पीएम मोदी pic.twitter.com/7M5T0DcfkL

— BJP (@BJP4India) June 19, 2019

ଯଦି ଓମ୍‌ଙ୍କ ରାଜନୈତିକ କ୍ୟାରିୟର କଥା କହିବା ତେବେ ଓମ୍‌, 2014ରେ 16ତମ ଲୋକସଭା ନିର୍ବାଚନରେ କୋଟାରୁ ସାଂସଦ ହେଲେ । ପୁଣି 2019ରେ ପୁଣିଥରେ ସେହି କୋଟାରୁ ସାଂସଦ ହୋଇଛନ୍ତି ଓମ୍‌ ବିର୍ଲା । ଏହା ପୂର୍ବରୁ 2003, 2008 ଏବଂ 2013ରେ କୋଟା ବିଧାନସଭା ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ ବିର୍ଲା । ଏହିଭଳି ଭାବେ ସେ ଫୁଲଟର୍ମ ଭାବେ 3 ଥର ବିଧାୟକ ଏବଂ ଦୁଇ ଥର ସାଂସଦ ହୋଇଛନ୍ତି ।