ଭୁବନେଶ୍ୱର: ବେଲଜିୟମ୍ରେ ଶୁଭିଲା 'ବନ୍ଦେ ଉତ୍କଳ ଜନନୀ' । ଧୁମଧାମରେ ପ୍ରବାସୀ ଓଡ଼ିଆ ପାଳିଲେ ଦୀପାବଳୀ । ବେଲଜିୟମର ରାଜଧାନୀ ବ୍ରୁସଲେସ୍ରେ ପ୍ରବାସୀ ଓଡ଼ିଆ ପାଳନ କରିଛନ୍ତି ଦୀପାବଳୀ। ବିଦେଶରେ ଏକତା ବୃଦ୍ଧିକୁ ନଜରରେ ରଖି ଓଡ଼ିଆ ସମ୍ପଦ୍ରାୟ ପକ୍ଷରୁ ଦୀପାବଳୀ ପାଳନ ହୋଇଛି। ଆୟୋଜିତ ହୋଇଥିବା କାର୍ଯ୍ୟକ୍ରମରେ 'ବନ୍ଦେ ଉତ୍କଳ ଜନନୀ' ଗୀତରେ ସମସ୍ତେ ଝୁମିଥିଲେ।।
ଏହି କାର୍ଯ୍ୟକ୍ରମରେ ଶାସ୍ତ୍ରୀୟ ସଙ୍ଗୀନ ପ୍ରଦର୍ଶନ ହୋଇଥିବା ବେଳେ ଛୋଟ ପିଲାମାନେ ନୃତ୍ୟ ଏବଂ ଗୀତ ପ୍ରତିଭା ପ୍ରଦର୍ଶନ କରିଥିଲେ। କାର୍ଯ୍ୟକ୍ରମର ଓଡ଼ିଶାର ସଂସ୍କୃତି, ଐତିହ୍ୟ, କଳା ସ୍ଥାପତ୍ୟର ଝଲକ ଦେଖିବାକୁ ମିଳିଥିଲା। ସମସ୍ତେ ଓଡ଼ିଆ ଓ ସମ୍ବଲପୁରୀ ଗୀତରେ ତାଳେ ତାଳେ ନାଚି ଉଠିଥିଲେ। ପୁର୍ଣ୍ଣିମା ମିଶ୍ର, ପ୍ରଣବ କର, ସୁଚିଶ୍ମିତା ହୋତା ପ୍ରମୁଖ ଏହାକୁ ଆୟୋଜିତ କରିଥିଲେ ।
ଅଧିକ ପଢନ୍ତୁ ଓଡ଼ିଶା ଖବର
ପୁରୀ: ରତ୍ନଭଣ୍ଡାର ଯାଞ୍ଚ ପାଇଁ ବନ୍ଦ ରହିବ ଶ୍ରୀଜୀଉଙ୍କ ଦର୍ଶନ । ଆସନ୍ତା 18 ତାରିଖରେ ଶ୍ରୀମନ୍ଦିର ରତ୍ନଭଣ୍ଡାର ଯାଞ୍ଚ ହେବ । ASI ଅତିରିକ୍ତ ମହାନିର୍ଦ୍ଦେଶକଙ୍କ ନେତୃତ୍ବରେ ରତ୍ନଭଣ୍ଡାର ଯାଞ୍ଚ କରାଯିବ । ଏଥିପାଇଁ ଦିନ ଗୋଟାଏ ରୁ ସର୍ବସାଧାରଣ ଦର୍ଶନ ବନ୍ଦ ରହିବ । ଯାଞ୍ଚ ପ୍ରକ୍ରିୟା ଶେଷ ପର୍ଯ୍ୟନ୍ତ ଦର୍ଶନ ବନ୍ଦ ରହିବ । ଦ୍ବିତୀୟ ଭୋଗ ମଣ୍ଡପ ପରଠାରୁ ଦର୍ଶନ ବନ୍ଦ ରହିବ । ସେହି ଦିନ ପାଇଁ ଶ୍ରୀମନ୍ଦିର ପ୍ରଶାସନ ତରଫରୁ ସ୍ବତନ୍ତ୍ର ନୀତି ନିର୍ଘଣ୍ଟ କରାଯାଇଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ଆରଜି କର ହସ୍ପିଟାଲର ଦୁଷ୍କର୍ମ ଓ ହତ୍ୟା ମାମଲାରେ ଦିନକୁ ଦିନ ନୂଆ ନୂଆ ଖୁଲାସା ହେଉଛି। ସିବିଆଇ ରିପୋର୍ଟନୁସାରେ ସଞ୍ଜୟ ରୟ ହିଁ ବଳାତ୍କାର ମାମଲାର ମୁଖ୍ୟ ଦୋଷୀ ହୋଇଥିବା ଜଣାପଡିଛି। ତେବେ ଏହି ମାମଲାରେ ଆଉ ଏକ ପ୍ରମାଣର ପର୍ଦ୍ଦାଫାଶ ହୋଇଛି। ସୂଚନାନୁସାରେ, ସିବିଆଇକୁ ମୃତ ଡାକ୍ତରଙ୍କ ଶରୀରରେ କାମୁଡିବା ଚିହ୍ନ ମିଳିଛି। ଏହି ଚିହ୍ନ ସଞ୍ଜୟ ରୟର ବୋଲି ଜଣାପଡିଛି।
ସିବିଆଇ ସଞ୍ଜୟଙ୍କ ଦାନ୍ତର ଚିହ୍ନ ପ୍ରମାଣ ହିସାବରେ ନେଇଛି। ଏହାପରେ ଏହି ଦାନ୍ତର ନମୁନାକୁ ସିଏଫଏସଏଲକୁ ପଠାଯିବ। ସୂଚନାନୁସାରେ, ମୃତ ଡାକ୍ତରଙ୍କ ଶରୀର ସାରା କାମୁଡିବାର ବହୁତ ଚିହ୍ନ ଦେଖିବାକୁ ମିଳିଥିଲା। ଏବେ ଫରେନ୍ସିକ ଯାଞ୍ଚରେ ଏହି ଦାନ୍ତର ନମୁନାକୁ ତୁଳନା କରାଯିବ। ଯାହାଦ୍ୱାରା ସ୍ପଷ୍ଟ ହୋଇପାରିବ କି, ସଞ୍ଜୟ ଏହି ମାମଲାରେ ସିଧାସଳଖ ସାମିଲ୍ ଅଛନ୍ତି କି ନାହିଁ।
ଅଧିକ ପଢ଼ନ୍ତୁ ଭାରତ ଖବର
