ମୃତ ଗର୍ଭବତୀ ହାତୀକୁ ନ୍ୟାୟ ପାଇଁ 5 ଲକ୍ଷ ଲୋକଙ୍କ ସାହାଯ୍ୟ ଲୋଡିଲେ କପିଲ ଏବଂ ଶ୍ରଦ୍ଧା, ବିଜେପି ସାଂସଦ ମେନେକା ଗାନ୍ଧୀ କହିଲେ ଏହା ଏକ ହତ୍ୟା

ଅର୍ଗସ ବ୍ୟୁରୋ:  ଗତକାଲି ବାଣ ଭର୍ତ୍ତି ସପୁରୀ ଖାଇ ଗର୍ଭବତୀ ହାତୀ ମୃତ ଘଟଣା ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଛି । ମଣିଷମାନଙ୍କର ଏଭଳି ମାନବିକତାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି । ଏହି ଘଟଣାରେ ପଶୁପ୍ରେମୀ, ହାସ୍ୟ ଅଭିନେତା କପିଲ ଶର୍ମା ଏବଂ ଅଭିନେତ୍ରୀ ଶ୍ରଦ୍ଧା କପୁରଙ୍କୁ ମଧ୍ୟ ଗଭୀର ଆଘାତ ଲାଗିଛି । ସେମାନେ ଗର୍ଭବତୀ ହାତୀ ପାଇଁ ନ୍ୟାୟ ଦାବି କରିଛନ୍ତି । କପିଲ ଏବଂ ଶ୍ରଦ୍ଧା ଟ୍ୱିଟରରେ ପାଞ୍ଚ ଲକ୍ଷ ଲୋକଙ୍କୁ ନିବେଦନ କରିଛନ୍ତି । ତେବେ ପ ଉଭୟ ନିଜ ଟ୍ୱିଟରେ ଲେଖିଛନ୍ତି ଯେ, ଏହା ଉପଯୁକ୍ତ ସମୟ, ଏହି  ସମୟରେ ନିରିହ ପ୍ରାଣୀମାନେ ନ୍ୟାୟ ପାଇପାରିବେ। ତେବେ ଦିଆଯାଇଥିବା ପିଟିସନରେ ଲଗାତାର ଲୋକମାନେ ଦସ୍ତଖତ କରିବା ସହ  ଏହି  ଏପର୍ଯ୍ୟନ୍ତ  4.84 ଲକ୍ଷ ଲୋକ ଏହାକୁ ସମର୍ଥନ କରିସାରିଛନ୍ତି ।

Ministry of Law and Justice, : Justice for our Voiceless friends - Sign the Petition! https://t.co/yokoyuRNlg via @ChangeOrg_India

— Shraddha (@ShraddhaKapoor) June 3, 2020

ଅନ୍ୟପକ୍ଷରେ ବଲିଉଡ ଅଭିନେତ୍ରୀ ଡିଆ ମିର୍ଜା ମଧ୍ୟ ସେହି ହାତୀ ପାଇଁ ଅନ୍ୟ ଜଣେ ଆବେଦନକାରୀଙ୍କୁ ଦସ୍ତଖତ କରିବାକୁ ନିବେଦନ କରିଛନ୍ତି । ଏଥିରେ ସେମାନେ ଏହି ଘଟଣା ଘଟାଇଥିବା ଲୋକଙ୍କ ବିରୋଧରେ ଅପରାଧିକ ମାମଲା ଦାବି କରିଛନ୍ତି । ଏଥିରେ ସେ ତିନି ଲକ୍ଷ ଲୋକଙ୍କ ସମର୍ଥନ ଲୋଡିଛନ୍ତି । ଖବର ଲେଖିବା ସମୟରେ 2.43 ଲକ୍ଷ ଲୋକ ମଧ୍ୟ ଏଥିରେ ସମର୍ଥନ ଦେଇଛନ୍ତି ।

ସେପଟେ ବିଜେପି ସାଂସଦ ମେନେକା ଗାନ୍ଧୀ ଏହାକୁ ହତ୍ୟା ବୋଲି କହିଛନ୍ତି । ହାତୀର ମୃତ୍ୟୁ ସମ୍ପର୍କରେ ମନେକା ଗାନ୍ଧୀ କହିଛନ୍ତି, 'ଏହା ହତ୍ୟା, ମଲାପୁରମ୍ ଏଭଳି ଘଟଣା ପାଇଁ କୁଖ୍ୟାତ, ଏହା ଦେଶର ସବୁଠାରୁ ହିଂସାତ୍ମକ ରାଜ୍ୟ । ଉଦାହରଣ ସ୍ୱରୂପ, ଏଠାରେ ଥିବା ଲୋକମାନେ ରାସ୍ତାରେ ବିଷ ଦିଅନ୍ତି, ଯାହା ଫଳରେ 300 ରୁ 400 ପକ୍ଷୀ ଏବଂ କୁକୁର ଏକାସାଙ୍ଗରେ ମରିଯାଆନ୍ତି । 'ତେବେ କେରଳର ସାଇଲେଣ୍ଟ ଭ୍ୟାଲି ଜଙ୍ଗଲରେ ଏକ ଗର୍ଭବତୀ ବଣୁଆ ହାତୀ ମାନବ କ୍ରୁରତାର ଶିକାର ହୋଇଥିଲେ। ଏହା ପରେ 27 ମଇରେ ମାଲାପୁରମ୍ ଜିଲ୍ଲାର ଭେଲିୟର୍ ନଦୀରେ ହାତୀକୁ ହତ୍ୟା କରାଯାଇଥିଲା ।