କୋଭିଡ-19 ସଙ୍କଟ ମଧ୍ୟରେ ଭାରତରେ ଏବେ ଜୁନୋଟିକ୍ ରୋଗ ବ୍ୟାପିବାର ଭୟ

ଅର୍ଗସ ବ୍ୟୁରୋ : ଦେଶରେ ମହାମାରୀ କୋରୋନା ସଂକ୍ରମଣ ସଙ୍କଟ ମଧ୍ୟରେ ହାତୀଙ୍କୁ ଜୁନୋଟିକ୍ ରୋଗ ହେବାର ସମ୍ଭାବନା ରହିଛି। ଏକ ପଶୁ ଅଧିକାରୀ ସଙ୍ଗଠନ କେନ୍ଦ୍ରମନ୍ତ୍ରୀ ଗିରିରାଜ ସିଂହଙ୍କୁ ଏ ନେଇ ସତର୍କ କରାଇଛି। ସଙ୍ଗଠନ ପକ୍ଷରୁ କୁହାଯାଇଛି ଯେ, ହାତୀଙ୍କୁ ବିଭିନ୍ନ ପ୍ରଦର୍ଶନ ପାଇଁ ଦିଆଯାଉଥିବା ଟ୍ରେନିଂ ଉପରେ ପ୍ରତିବନ୍ଧକ ଲଗାଯାଉ। କାରଣ ହାତୀମାନଙ୍କ ଦେହରେ ଯକ୍ଷ୍ମାର ପ୍ରସାର ଅଧିକ ହେଉଛି, ଯାହାକି ସାର୍ବଜନିକ ସ୍ଵାସ୍ଥ୍ୟ ପାଇଁ ଚିନ୍ତାଜନକ ବିଷୟ।

ଏ ନେଇ ପେଟା ମଧ୍ୟ କେନ୍ଦ୍ରିୟ ମତ୍ସ୍ୟ ପାଳନ, ପଶୁପାଳନ ଏବଂ ଡାଏରୀ ମନ୍ତ୍ରୀଙ୍କୁ ମଧ୍ୟ ସତର୍କ କରାଇଛି। ସଂସ୍ଥା ଦ୍ଵାରା ଗିରିରାଜ ସିଂହଙ୍କୁ କୁହାଯାଇଛି ଯେ, ଜୁନୋଟିକ ରୋଗ ଏକ ଏଭଳି ରୋଗ ଯାହା ହାତୀଙ୍କ ଠାରୁ ମନୁଷ୍ୟ ଶରୀରକୁ ଖୁବ୍ ସହଜରେ ସଂକ୍ରମଣ ହୋଇଥାଏ।

ସୂଚନାନୁଯାୟୀ, ଦେଶର ବହୁ ହାତୀ ଯକ୍ଷ୍ମା ରୋଗରେ ପୀଡିତ। ପେଟାର କହିବା ଅନୁଯାୟୀ, ଯକ୍ଷ୍ମାରେ ପୀଡିତ ହାତୀଙ୍କୁ ଜୟପୁର ନିକଟରେ ଆମେର କିଲ୍ଲାରେ ସବାରି ପାଇଁ ବ୍ୟବହାର କରାଯାଉଛି। କିଛି ଲୋକ ସର୍କସ, ଉତ୍ସବ, ପରେଡରେ ନିୟୋଜିତ କରାଯାଉଛି। କୋଭିଡ-19 ଏହା ଶିକ୍ଷା ଦେଉଛି କି, ଜୁନୋଟିକ୍ ରୋଗ ଗୁଡ଼ିକୁ ଗମ୍ଭୀରତାର ସହ ନେବା ଉଚିତ୍। ବନ୍ଦୀ ଥିବା ହାତୀ ଗୁଡ଼ିକୁ ପ୍ରକୃତି ସହ ବଞ୍ଚିବାକୁ ଦେବାର ସମୟ ଆସିଛି। ସର୍କସ, ଟି.ଭି ଏବଂ ଅନ୍ୟ ପ୍ରଦର୍ଶନରେ ହାତୀଙ୍କ ବ୍ୟବହାର ଉପରେ ପ୍ରତିବନ୍ଧକ ଲଗାଯିବା ଉଚିତ୍।

ବିଶ୍ଵ ସ୍ଵାସ୍ଥ୍ୟ ସଙ୍ଗଠନ ଜୁନୋଟିକ୍ ରୋଗ ଗୁଡ଼ିକୁ ସଂକ୍ରାମକ ରୋଗ ତାଲିକାଭୁକ୍ତ କରିଛି। ଏହା ଏଭଳି ଏକ ରୋଗ ଯାହା ପଶୁ ଶରୀରରୁ ମନୁଷ୍ୟ ଶରୀରକୁ ବ୍ୟାପିବାର ସମ୍ଭାବନା ରହିଛି।