ଏବେ ଦୁଇ ଡୋଜ ଟିକା ନେବାର ବ୍ୟବଧାନ 4 ରୁ 8 ସପ୍ତାହ ରହିଛି । ସେପଟେ ସରକାରୀ ପ୍ୟାନେଲ ଏହାର ବ୍ୟବଧାନ ବଢାଇ 12 ରୁ 16 ସପ୍ତାହ କରିବାକୁ ପରାମର୍ଶ ଦେଇଛି । ସେହିପରି (NTAGI) ବା ଜାତୀୟ ବୈଷୟିକ ପରାମର୍ଶଦାତା ଏହା କହିଛି ଯେ ଯେଉଁ ବ୍ୟକ୍ତିମାନେ କୋରୋନାରୁ ସୁସ୍ଥ ହେଉଛନ୍ତି ସେମାନେ ଅତି କମ୍ ରେ 6 ମାସ ଅପେକ୍ଷା କରିବା ଉଚିତ୍ ।
ସରକାରୀ ପ୍ୟାନେଲ ଏହା ମଧ୍ୟ ପରାମର୍ଶ ଦେଇଛି ଯେ ଗର୍ଭବତୀ ମହିଳା ପ୍ରସବ ପରେ ଯେ କୌଣସି ମୁହୂର୍ତ୍ତରେ ଟିକା ନେଇ ପାରିବେ । ଅନ୍ୟପଟେ ଭାରତ ବାୟୋଟେକ୍ ର କୋଭାକ୍ସିନ ପାଇଁ ଡୋଜ ବ୍ୟବଧାନରେ କୌଣସି ପରାମର୍ଶ ଦିଆଯାଇନାହିଁ । ତେବେ NTAGI ର ଏହି ସୁପାରିଶ ଜାତୀୟ ବିଶେଷକଜ୍ଞ ଗୋଷ୍ଠୀକୁ ପଠାଯିବ । ଏହା ପରେ ନିଷ୍ପତ୍ତି ନିଆଯିବ ବୋଲି ବିଶେଷ ସୁତ୍ରରୁ ସୂଚନା ମିଳିଛି ।
