ଗୁଜୁରାଟରୁ ଦିଲ୍ଲୀ ଯାଏଁ ତିଆରି ହେବ ‘ଗ୍ରୀନ୍ ଓ୍ୱାଲ୍ ଅଫ୍ ଇଣ୍ଡିଆ’

ନୂଆଦିଲ୍ଲୀ: କେନ୍ଦ୍ର ସରକାର ଦେଶରେ ପରିବେଶ ସଂରକ୍ଷଣ ଓ ବୃକ୍ଷରୋପଣ କରିବା ଦିଗରେ ଅଧିକ ଗୁରୁତ୍ୱ ଦେଉଛନ୍ତି । ଏଥିପାଇଁ ୧୪୦୦ କିଲୋମିଟର ବିସ୍ତୃତ ଲମ୍ବ ‘ଗ୍ରୀନ ୱାଲ’ କରିବାକୁ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଆଫ୍ରିକାରେ ସେନେଗଲରୁ ଯିବୁତି ଯାଏଁ ତିଆରି ହୋଇଥିବା ସବୁଜ ପଟି ଭଳି ଗୁଜୁରାଟରୁ ଆରମ୍ଭ କରି ଦିଲ୍ଲୀ-ହରିୟାଣା ସୀମା ପର୍ଯ୍ୟନ୍ତ ‘ଗ୍ରୀନ୍ ଓ୍ୱାଲ୍ ଅଫ୍ ଇଣ୍ଡିଆ’କୁ ବିକସିତ କରାଯିବ । ଏହାର ଲମ୍ବ ୧୪୦୦ କିଲୋମିଟର ଓ ପ୍ରସ୍ଥ ୫ କିଲୋମିଟର ରହିବ । ପାଣିପାଗ ପରିବର୍ତ୍ତନରୁ ନିସ୍ତାର ପାଇବା ପାଇଁ ଏହି ଜଙ୍ଗଲ ସୃଷ୍ଟି କରାଯାଇଛି । ଏହାକୁ ‘ଗ୍ରେଟ ୱାଲ ଅଫ ସାହାରା’ କୁହାଯାଏ ।

ଏହି ପ୍ରକଳ୍ପକୁ ନେଇ କିଛି ମନ୍ତ୍ରାଳୟ ଉତ୍ସାହିତ ମଧ୍ୟ ଅଛନ୍ତି । ଯଦି ଏହି ପ୍ରକଳ୍ପକୁ ମଞ୍ଜୁରୀ ମିଳେ ତେବେ ଏହା ଭାରତରେ ବଢୁଥିବା ପ୍ରଦୂଷଣ ନିୟନ୍ତ୍ରଣ କରିବାକୁ ଏକ ଉଦାହରଣ ହେବ । ପୋରବନ୍ଦରଠୁ ଆରମ୍ଭ କରି ପାନିପଥ ଯାଏଁ ନିର୍ମାଣ କରାଯିବାକୁ ଥିବା ଏହି ଜଙ୍ଗଲ ବିକଶିତ ହେଲେ ପରିବେଶ ପାଇଁ ବେଶ ଲାଭଦାୟକ ହେବ । ଏହା ବ୍ୟତୀତ ଗୁଜୁରାଟ, ରାଜସ୍ଥାନ, ହରିୟାଣା ଠାରୁ ଦିଲ୍ଲୀ ଯାଏଁ ବିସ୍ତୃତ ଥିବା ଆରାବଳି ପାହାଡରୁ ଶେଷ ହେଉଥିବା ସବୁଜକୁ ନିୟନ୍ତ୍ରିତ କରାଯାଇପାରିବ ।