ରେଲୱେର ହୋଲି ଉପହାର : ଗୋରଖପୁର, କାନପୁର ଓ ଲକ୍ଷ୍ନୌକୁ ଗଡ଼ିବ ସ୍ପେଶାଲ୍ ଟ୍ରେନ୍

ନୂଆଦିଲ୍ଲୀ : ହୋଲି ଉତ୍ସବ ଅବସରରେ ରେଳ ଯାତ୍ରୀଙ୍କ ପାଇଁ ଭାରତୀୟ ରେଲୱେ ଖୁସୀ ଖବର ନେଇ ଆସିଛି। ହୋଲି ଅବସରରେ ମୁମ୍ବାଇରୁ ଗୋରଖପୁର ରୁଟରେ 4ଟି ସ୍ପେଶାଲ ଟ୍ରେନ୍ ଚାଲିବ ବୋଲି ରେଲୱେ ଘୋଷଣା କରିଛି। ସେଣ୍ଟ୍ରାଲ ରେଲୱେ ତରଫରୁ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ଏହି ଟ୍ରେନ୍ ମାର୍ଚ୍ଚ 6, 7, 13 ଓ 14ରେ ରେଳଯାତ୍ରୀଙ୍କୁ ତାଙ୍କ ଗନ୍ତବ୍ୟ ସ୍ଥଳକୁ ନେଇ ଯିବ।

ଆଜି ପ୍ରଥମ ଟ୍ରେନ୍ (02597) ଗୋରଖପୁରରୁ ସକାଳ 8ଟାରେ ଛତ୍ରପତି ଶିବାଜୀ ମହାରାଜ ଟର୍ମିନାଲ ପାଇଁ ବାହାରି ଗୋଣ୍ଡା, ବସ୍ତୀ, ଲକ୍ଷ୍ନୌ, କାନପୁର ଓ ଝାନ୍ସୀ ଦେଇ ଆସନ୍ତା କାଲି 12 ଟା 20ରେ ମୁମ୍ବାଇରେ ପହଁଚିବ। ସହିପରି ଟ୍ରେନ୍ ନମ୍ବର (02598) ଛତ୍ରପତି ଶିବାଜୀ ଟର୍ମିନସ୍ ରୁ ମାର୍ଚ୍ଚ 7ରେ ଦ୍ଵିପ୍ରହର 2ଟା 10ରେ ବାହାରି ଦାଦର, କଲ୍ୟାଣ, ନାସିକ, ଇଟାରସି, ଭୋପାଳ, ବିଦିଶା, କାନପୁର, ଲକ୍ଷ୍ନୌ ଓ ଖଲିଦାବାଦ ରାସ୍ତା ଦେଇ ଗୋରଖପୁରରେ ପହଁଚିବ। ଏହି ଟ୍ରେନ୍ ମାର୍ଚ୍ଚ 7ରେ ବାହାରି ମାର୍ଚ୍ଚ 8ରେ ଗୋରଖପୁରରେ ପହଁଚିବ। ସେହିପରି ଦ୍ଵିତୀୟ ଥର ପାଇଁ ମାର୍ଚ୍ଚ 14ରେ ମୁମ୍ଵାଇରୁ ଗୋରଖପୁର ଯିବ ବୋଲି ସୂଚନା ମିଳିଛି।