ଲଗାଣ ବର୍ଷା ଯୋଗୁଁ ଭୁଶୁଡିଲା ଛାତ,  ପରିବାରର ୪ ସଦସ୍ୟ ମୃତ

ଅର୍ଗସ ବ୍ୟୁରୋ:  ପଞ୍ଜାବରେ  ପ୍ରବଳ ବର୍ଷା ଯୋଗୁଁ ଛାତ ଭୁଶୁଡିବାରୁ ଗୋଟିଏ  ପରିବାରର4 ସଦସ୍ୟଙ୍କ ମୃତ୍ୟୁ ଘଟିଛି । ଏହି ଘଟଣା  ଗାଁର ମୁଲେଚକରେ ଗୁରୁବାର ରାତି ପାଖାପାଖି 2 ଟାରେ ଘଟିଛି । ପରିବାର ଲୋକେ ନିଦରେ ଶୋଇଥିବା ଅବସ୍ଥାରେ ଭୁଶୁଡିଥିଲା କାନ୍ଥ ।

ଘଟଣା ସୂଚନା ପଡୋଶିମାନେ  ପୋଲିସ୍‌କୁ ଦେଇଥିଲେ । ଘଟଣାରେ ସାତ ବର୍ଷର  ନୈନା ଗମ୍ଭୀର ଭାବେ ଗୁରୁତର ହୋଇଛନ୍ତି । ତାଙ୍କୁ   ହସ୍ପିଟାଲରେ ଭର୍ତ୍ତି  କରାଯାଇଛି । ମୃତକଙ୍କ ମଧ୍ୟରେ  ଅଜୟ(38), ତାଙ୍କ ସ୍ତ୍ରୀ ଏବଂ ଦୁଇଜଣ ଜାଆଁଳା ପୁତ୍ର (6 ମାସ) ସାମିଲ ଅଛନ୍ତି ।  କୁହାଯାଉଛି ଯେ ଅଜୟ ଯେଉଁ ଘରେ ରହୁଥିଲେ ସେ ଘରର ଛାତ କଞ୍ଚା ଥିଲା ।

ସୂଚନାମୁତାବକ ଗୁରୁବାର ରାତିରେ ଅତିରୁ ଅତି ପ୍ରବଳ ବର୍ଷା ହୋଇଥିଲା । ହଠାତ୍‌ ଏକ ବଡ ଧରଣର ଶଦ୍ଧ ହେବାସହ ଅଜୟଙ୍କ ଘରର କାନ୍ଥ ଓ ଘରର ଛାତ ମଧ୍ୟ ଗଳି ପଡିଥିଲା  । ଏହି ଦୁର୍ଘଟଣାରେ  ଅଜୟର ପରିବାର ଚାପି ହୋଇ ମୃତ୍ୟୁବରଣ କରିଥିଲେ । ଆଖପାଖ ଲୋକ ଅଜୟ ଏବଂ ଅନ୍ୟ ସଦସ୍ୟଙ୍କୁ ବାହାରକୁ ବାହାର କରିଥିଲେ । କିନ୍ତୁ ସେତେବେଳକୁ  4 ଜଣଙ୍କର ମୃତ୍ୟୁ ହୋଇସାରିଥିଲା ।