ରାଜ୍ୟ ପୋଲିସ ହେଲମେଟ ଚେକିଂ ରେ ବ୍ୟସ୍ତ କିନ୍ତୁ ଅପରାଧୀ ଦମନରେ ବିଫଳ...
ଅର୍ଗସ ବ୍ୟୁରୋ: ଇଣ୍ଡିଆ ଇନ ଚାଇନା ଆଉଟ। ପ୍ରଧାନମନ୍ତ୍ରୀ ମୋଦିଙ୍କ ମାଷ୍ଟର ଷ୍ଟ୍ରୋକ। ଦକ୍ଷିଣ ଏସିଆରେ ଚୀନ୍ର ପ୍ରାଧାନ୍ୟ ମଧ୍ୟରେ ଭାରତ ଏପରି ପଦକ୍ଷେପ ନେଇଛି ଯାହାଦ୍ବାରା ଡ୍ରାଗନର ସମସ୍ତ ପଦକ୍ଷେପ ବର୍ତ୍ତମାନ ରଙ୍ଗହୀନ ହୋଇଯାଇଛି। ବିଗତ କିଛି ବର୍ଷ ଧରି ଦକ୍ଷିଣ ଏସିଆର ଦେଶ ଯେପରିକି ଭାରତର ପଡୋଶୀ ଦେଶମାନଙ୍କରେ ଚୀନ୍ ଦବାବ ସୃଷ୍ଟି କରିଆସୁଛି, ବର୍ତ୍ତମାନ ଭାରତର ଟିକା କୂଟନୀତି ଏହାକୁ ଗୋଟିଏ ଷ୍ଟ୍ରୋକରେ ନଷ୍ଟ କରିଦେଇଛି। ଆସନ୍ତା କିଛି ସପ୍ତାହ ମଧ୍ୟରେ ଭାରତ ଦକ୍ଷିଣ ଏସୀୟ ଦେଶମାନଙ୍କୁ ଲକ୍ଷ ଲକ୍ଷ ଡୋଜ କରୋନା ଟିକା ଦେବ। ନେପାଳ, ବାଂଲାଦେଶ, ମିଆଁମାର, ମରିସସ୍ ସମେତ ଅନେକ ଦେଶକୁ ମାଗଣା ଟିକା ଦେଇ ଭାରତ ଏହି ଦେଶମାନଙ୍କ ଦ୍ୱାରା ପ୍ରଶଂସା ଲାଭ କରିଛି ଓ ପଡୋଶୀ ଧର୍ମକୁ ଖୁବ ଭଲ ଭାବରେ ପାଳନ କରୁଛି। କିନ୍ତୁ ଚୀନ ଏଥିରେ ବହୁତ ପଛରେ ପଡିଯାଇଛି। ବିଶ୍ୱର ସର୍ବବୃହତ ଟିକା ଉତ୍ପାଦନକାରୀ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଅକ୍ସଫୋର୍ଡ-ଆଷ୍ଟ୍ରାଜେନେକା ଟିକା ପଡୋଶୀ ଦେଶକୁ ବିତରଣ ଆରମ୍ଭ କରିଛି। ଭାରତ ନେପାଳ, ବାଂଲାଦେଶ, ଭୁଟାନ, ମାଲଦ୍ୱୀପ ସମେତ ଅନେକ ପଡୋଶୀ ଦେଶକୁ ଟିକା ପ୍ରଦାନ କରିଛି । ଆଜି ଶୁକ୍ରବାର ଦିନ ଭାରତ ମିଆଁମାର, ସେଚେଲ୍ସ ଏବଂ ମରିସସକୁ ଟିକା ପଠାଇଛି। ଏହା ପୁର୍ବରୁ ଭୁଟାନ, ମାଲଦ୍ୱୀପ, ବାଂଲାଦେଶ ଏବଂ ନେପାଳକୁ କୋଭିଶିଲ୍ଡକୁ କରୋନା ଟିକା ପଠାଇସରିଛି।
ନିଜର ବନ୍ଧୁ ଦେଶମାନଙ୍କୁ ଉନ୍ନତ କରିବା ପାଇଁ ଭାରତ ଏହି ପଦକ୍ଷେପ ନେଇଛି। ପ୍ରଧାନମନ୍ତ୍ରୀ ମୋଦି ତାଙ୍କ ପଡ଼ୋଶୀମାନଙ୍କୁ ପ୍ରତିଶୃତି ଦେଇଥିଲେ ଯେ, କରୋନା ଟିକା ଭାରତରେ ବିକଶିତ ହେବା ପରେ ଏହା ପଡୋଶୀ ଦେଶକୁ ମଧ୍ୟ ସାହାଯ୍ୟ କରିବ। କିଛି ସମୟ ପାଇଁ ନେପାଳର କମ୍ୟୁନିଷ୍ଟ ପାର୍ଟି ସରକାର ଚୀନ୍ର କଥାରେ ପଡି ଭାରତ ବିରୋଧ ବୟାନ ଦେବା ଆରମ୍ଭ କରିଥିଲେ ମଧ୍ୟ ସଙ୍କଟ ସମୟରେ ଚୀନ୍ ନୁହେଁ ଭାରତ ନେପାଳକୁ ସମର୍ଥନ କରିଛି। ନେପାଳକୁ ଭାରତ ଏକ ମିଲିୟନ୍ କରୋନା ଭ୍ୟାକସିନ୍ ଡୋଜ ଦେଇଛି, ଏହି ସାହାଯ୍ୟ ପରେ ରାଜନୈତିକ ସଙ୍କଟର ସମ୍ମୁଖୀନ ହେଉଥିବା ନେପାଳର ପ୍ରଧାନମନ୍ତ୍ରୀ କେପି ଅଲି ଭାରତକୁ ବହୁତ ପ୍ରଶଂସା କରିଛନ୍ତି। ଚୀନ ନେପାଳକୁ ଭାରତକୁ ବିରୋଧ କରିବାକୁ ଉସକାଉଥିଲେ ମଧ୍ୟ ନେପାଳ ଚୀନର ଭ୍ୟାକସିନକୁ ଅନୁମୋଦନ ନକରି ଭାରତଠାରୁ ଭ୍ୟାକସିନ ନେଇଛି। ବାଂଲାଦେଶ ଚାଇନାର କମ୍ପାନୀ ସିନୋଭାକ୍ ବାୟୋଟେକ୍ ଠାରୁ କରୋନା ଟିକା ନେବାର ଥିଲା, କିନ୍ତୁ ପରେ ଚୀନ ଭ୍ୟାକସିନର କାର୍ଯ୍ୟକାରିତା ସନ୍ତୋଷଜନକ ନୁହେଁ ବୋଲି ଜାଣିପାରିବା ପରେ ବାଂଲାଦେଶ ମଧ୍ୟ ଚୀନ୍ ବଦଳରେ ଭାରତ ଆଡକୁ ଯିବାକୁ ପଡିଲା। ବର୍ତମାନ ଭାରତରୁ ବାଂଲାଦେଶକୁ 20 ମିଲିୟନ୍ ଡୋଜ୍ କରୋନା ଟିକା ପାଇଛି। ବାଂଲାଦେଶର ଜଣେ ସ୍ୱାସ୍ଥ୍ୟ ଅଧିକାରୀ କହିଛନ୍ତି ଭାରତର ଆଷ୍ଟ୍ରାଜେନେକା ଫଳପ୍ରଦ ହେବା ସହିତ ସାଧାରଣ ଫ୍ରିଜ୍ ତାପମାତ୍ରାରେ ଗଚ୍ଛିତ ହୋଇପାରିବ ଏବଂ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସହଜରେ ପରିବହନ କରାଯାଇପାରିବ।
ତେବେ ଏସବୁ ପରିସ୍ଥିତିରୁ ଜଣାପଡିଲା କିପରି ଚୀନ୍ ଉପରେ ନିର୍ଭରଶୀଳ ହେବାର ପରିଣାମ ବର୍ତ୍ତମାନ ପଡୋଶୀ ଦେଶମାନେ ଦେଖୁଛନ୍ତି। ଏପରିକି ଚୀନର ଖାସ ବନ୍ଧୁ ପାକିସ୍ଥାନ ମଧ୍ୟ ଚୀନର ଭ୍ୟାକସିନକୁ ନେବା ପରେ ମଧ୍ୟ ଭାରତ ଭ୍ୟାକସିନ ବିନା ଅସୁବିଧା ସମ୍ମୁଖୀନ ହେଉଛି । ଭାରତରୁ ଭ୍ୟାକସିନ ପାଇବା ପାଇଁ ପାକିସ୍ଥାନ ବିଭିନ୍ନ ରାସ୍ତା ଖୋଜୁଛି। ଶ୍ରୀଲଙ୍କା, ନେପାଳ ଏବଂ ମାଳଦ୍ୱୀପ ଭଳି ଦେଶରେ ଚୀନ୍ ପୁଞ୍ଜି ବିନିଯୋଗ କରି, ଚୀନ୍ ଏହାର ବେଲ୍ଟ ଏବଂ ରୋଡ୍ ଇନିସିଏଟିଭ୍, ବନ୍ଦର, ସଡ଼କ ଆଦିରେ ନିର୍ମାଣ କାର୍ଯ୍ୟ କରୁଛି । ଦକ୍ଷିଣ ଏସିଆରେ ନିଜର ଦବଦବା ବଜାୟ ରଖିବାକୁ ଚେଷ୍ଟା କରିଅସୁଛିା କିନ୍ତୁ ଆଜି ଏହି ଦେଶଗୁଡିକର ଟିକାକରଣର ଚାହିଦାକୁ ପୂର୍ଣ୍ନ କରିଛି। ଗୋଟିଏ ଥରରେ ପ୍ରଧାନମନ୍ତ୍ରୀ ମୋଦି ଏକ ମାଷ୍ଟର ଷ୍ଟ୍ରୋକ ମାରିଛନ୍ତି।
ଏହା ସହିତ ଦକ୍ଷିଣ ଏସିଆରେ ଭାରତର ପର୍ଯ୍ୟଟନ ଓ ଅର୍ଥନୀତି ପୁନର୍ଜୀବିତ ହେବ ବୋଲି ଜଣାପଡୁଛି। ଏକ ସରକାରୀ ସୂତ୍ର ଅନୁଯାୟୀ, ଭାରତ ଆସନ୍ତା ତିନି ଚାରି ସପ୍ତାହ ମଧ୍ୟରେ ପଡୋଶୀ ଦେଶକୁ 12 ମିଲିୟନ୍ ରୁ 20 ମିଲିୟନ୍ ଡୋଜ ଦେବାକୁ ଚିନ୍ତା କରୁଛି। କେବଳ ଏତିକି ନୁହେଁ, ଟିକାକରଣ ଏବଂ ଭିତ୍ତିଭୂମି ବିକାଶ ପାଇଁ ଭାରତ ଏହି କେତେକ ଦେଶରେ ସ୍ୱାସ୍ଥ୍ୟ କର୍ମୀଙ୍କୁ ମଧ୍ୟ ତାଲିମ ପ୍ରଦାନ କରୁଛି।
