ଛୋଟପିଲା ଭାଙ୍ଗୁଛନ୍ତି କୁମ୍ଫି, କିଏ ଦେଉଛି ଦରମା: ସହିଦଙ୍କ ପରିବାର ସହ ସମଗ୍ର ଦେଶବାସୀ

ନୂଆଦିଲ୍ଲୀ: ପୁଲଓ୍ୱାମା ଆତଙ୍କି ହମଲାରେ ସହିଦ ହୋଇଥିବା ଯବାନଙ୍କ ପରିବାର ପାଇଁ ଲକ୍ଷଲକ୍ଷ ଲୋକ ସାହାଯ୍ୟର ହାତ ବଢାଇଛନ୍ତି । ଛୋଟ ପିଲା ନିଜ କୁମ୍ଫି ଭାଙ୍ଗି ସାହାଯ୍ୟ କରିବାକୁ ଆଗେଇ ଆସୁଥିବା ବେଳେ ବୟକ୍ସମାନେ ନିଜର ଗୋଟିଏ ଦିନର ରୋଜଗାର ଦେବା ପାଇଁ ପ୍ରସ୍ତୁତ । ବିଭିନ୍ନ ଉପାୟରେ ଲୋକ ଏହି ସହୟତା ରାଶି ଏକାଠି କରୁଥିବା ବେଳେ ଏହାର ଏକ ସରଳ ମାଧ୍ୟମ ଉପଲବ୍ଧ ହୋଇଛି ।

#Pulwama is something we cannot & will not forget.We’re all angry & it’s time to act. So act now,donate to the martyrs of Pulwama on https://t.co/5j0vxsSt7f There’s no better way to pay homage to them & show your support.This is the only official site,pls don’t fall prey to fakes pic.twitter.com/sYruUtzgKY

— Akshay Kumar (@akshaykumar) February 16, 2019

‘ଭାରତ କେ ବୀର’ ଓ୍ଵେବସାଇଟ୍ ମାଧ୍ୟମରେ ଆପଣମାନେ ମଧ୍ୟ ଯବାନମାନଙ୍କ ଆକାଉଣ୍ଟକୁ ସିଧାସଳଖ ସହାୟତା ରାଶି ପ୍ରଦାନ କରିପାରିବେ । ଏପର୍ଯ୍ୟନ୍ତ ସମଗ୍ର ଦେଶର ଲୋକେ ୬ କୋଟି ଟଙ୍କା ‘ଭାରତ କେ ବୀର’ ଓ୍ଵେବସାଇଟ୍ ଜରିଆରେ ଦାନ କରିସାରିଛନ୍ତି । ଓ୍ୱେବସାଇଟ୍‌ରେ ଅଜସ୍ର କ୍ଲିକ୍‌ ହେଉଥିବା ଯୋଗୁଁ ଏହା ଅନେକ ଥର କ୍ରାସ୍‌ ମଧ୍ୟ ହେଉଛି ।

ଆବାଳବୃଦ୍ଧବନିତା ଏହି ଘଡ଼ିସନ୍ଧି ମୁହୂର୍ତ୍ତରେ ସରକାର ଏବଂ ସହିଦଙ୍କ ପରିବାର ସହ ଛିଡ଼ା ହୋଇଥିବା ସ୍ପଷ୍ଟ ବାରି ହୋଇପଡ଼ୁଛି । ଛୋଟପିଲା ନିଜର ସଞ୍ଚିତ ଅର୍ଥକୁ ଛୋଟ କୁମ୍ଫିରେ ରଖିଥିଲେ ବହୁ ଶ୍ରଦ୍ଧାରେ । ଏବେ ସେହି ଶ୍ରଦ୍ଧାରେ ସାଇତା ହୋଇଥିବା ଟଙ୍କା ସହିଦଙ୍କ ପରିବାରକୁ ଦେବାକୁ ପୁରା ପ୍ରସ୍ତୁତ । କେବଳ ଏତିକି ନୁହେଁ ଅନେକ ଲୋକ ଏବଂ ସଂଗଠନ ଗୋଟିଏ ଦିନର ଦରମା ଦେବାକୁ ମଧ୍ୟ କହିଛନ୍ତି ।

ଯଦି ଆପଣମାନେ କିଛି ସହାୟତା ଦେବାକୁ ଚାହୁଁଛନ୍ତି  ତେବେ ‘ଭାରତ କେ ବୀର’ ଓ୍ଵେବସାଇଟ୍‌’କୁ ଯାଇ ସିଧାସଳଖ ଯେଉଁ ସହିଦଙ୍କ ପରିବାରକୁ ଟଙ୍କା ଦେବାକୁ ଚାହୁଁଛନ୍ତି ଦେଇପାରିବେ । ଯେଉଁ ସହିଦଙ୍କ ପରିବାରକୁ ୧୫ ଲକ୍ଷ ଟଙ୍କାର ସହାୟତା ରାଶି ମିଳିଯାଉଛି ତାପରେ ତାଙ୍କ ନାମ ଏହି ପୋର୍ଟାଲରୁ ଇରେଜ୍‌ ହେଉଛି ।

ଯଦିଓ ଏତେସଂଖ୍ୟାରେ କ୍ଲିକ୍‌ ହେଉଥିବା ଯୋଗୁ ଓ୍ୱେବ୍‌ସାଇଟ୍ କ୍ରାସ ହେଉଛି ତଥାପି ଲୋକମାନେ ନକଲି ସାଇଟ୍‌ ପ୍ରତି ସଚେତନ ରହିବାକୁ ବିଭାଗ ପକ୍ଷରୁ କୁହାଯାଇଛି ।