ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନା : ଆସନ୍ତାମାସରେ ୪.୭୪ କୋଟି ଚାଷୀଙ୍କୁ ମିଳିବ ୨ହଜାର ଟଙ୍କା

ନୂଆଦିଲ୍ଲୀ: ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି ଯୋଜନା ଅନ୍ତର୍ଗତରେ ପ୍ରାୟ 4 କୋଟି 74 ଲକ୍ଷ କ୍ଷୁଦ୍ର ଓ ନାମ ମାତ୍ର ଚାଷୀଙ୍କୁ ଆସନ୍ତା ମାସରେ 2 ହଜାର ଟଙ୍କାର କିସ୍ତି ମିଳିବ  । ଦ୍ୱିତୀୟ କିସ୍ତି କେବଳ ସେହି ଚାଷୀଙ୍କୁ ମିଳିବ ଯେଉଁମାନଙ୍କ ନାମ ନିର୍ବାଚନୀ ଆଚର ସଂହିତା ଲାଗୁ ହେବା ପୂର୍ବରୁ ପଂଜିକୃତ ହୋଇଥିଲା  । 10 ମାର୍ଚ୍ଚ ପରେ ଯେଉଁମାନଙ୍କ ନାମ ପଂଜିକରଣ ହୋଇଥିବ ସେମାନଙ୍କୁ ଦ୍ୱିତୀୟ କିସ୍ତି ମିଳିବ ନାହିଁ  । ଏପ୍ରିଲ 1 ତାରିଖରୁ ଦ୍ୱିତୀୟ କିସ୍ତି ମିଳିବା ଆରମ୍ଭ ହେବ ।

ଆଗରୁ 4 କୋଟି 74 ଲକ୍ଷ ଚାଷୀଙ୍କ ମଧ୍ୟରୁ  2 କୋଟି 74 ଲକ୍ଷ ଚାଷୀଙ୍କୁ ପ୍ରଥମ କିସ୍ତି ମିଳି ସାରିଛି  । ବାକିଙ୍କୁ ଏହି ମାମ ଶେଷ ସୁଦ୍ଧା ପ୍ରଥମ କିସ୍ତି ମିଳିବ  । ବଜେଟରେ କେନ୍ଦ୍ର ସରକାର ଏହି ଯୋଜନା ଅନ୍ତର୍ଗତରେ ଚାଷୀଙ୍କୁ ମାର୍ଚ୍ଚ ମାସ ଶେଷ ସୁଦ୍ଧା 2 ହଜାର ଟଙ୍କାର ପ୍ରଥମ କିସ୍ତି ଦେବା ପାଇଁ 20 ହଜାର କୋଟି ଟଙ୍କା ଆବଣ୍ଟନ କରିଥିଲେ  ।

24 ଫେବୃଆରୀ 2019ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକ ସମ୍ମାନ ନିଧି ଯୋଜନାର ଆରମ୍ଭ କରିଥିଲେ  । ଉତ୍ତର ପ୍ରଦେଶର ଗୋରଖପୁରରୁ ଏହାର ଆରମ୍ଭ ହୋଇଥିଲା  । ଏହି ଯୋଜନା ଅନ୍ତର୍ଗତରେ ଏପର୍ଯ୍ୟନ୍ତ ଉତ୍ତର ପ୍ରଦେଶର 1 କୋଟି ଚାଷୀଙ୍କୁ ପ୍ରଥମ କିସ୍ତି ମିଳି ସାରିଛି  ।