ହୋଲି ଉତ୍ସବରେ ହାର୍ଦ୍ଦିକ ହେଲେ ହଟହଟା, କଣ ପାଇଁ ସଭା ଛାଡି ପଳାଇଲେ ପଟିଦାର ନେତା ହାର୍ଦ୍ଦିକ ପଟେଲ ?

ଜାମନଗର: ପଟିଦାର ନେତା ତଥା ନିକଟରେ କଂଗ୍ରେସରେ ସାମିଲ ହୋଇଥିବା ହାର୍ଦିକ ପଟେଲଙ୍କ ପାଇଁ ହୋଲି ରଙ୍ଗ ଫିକା ପଡିଯାଇଛି  । କାରଣ ହେଲା ଜାମନଗରରେ ଗୋଟିଏ ହୋଲି କାର୍ଯ୍ୟକ୍ରମରେ ସାମିଲ ହେବାକୁ ଯାଇଥିବା ବେଳେ ହାର୍ଦ୍ଦିକ ପଟେଲଙ୍କୁ ହୁଟିଂର ସମ୍ମୁଖୀନ ହେବାକୁ ପଡିଥିଲା  । ହୋଲି ସେଲିବ୍ରେସନରେ ସାମିଲ ଥିବା ଲୋକ ହାର୍ଦ୍ଦିକଙ୍କୁ ମୋଦି ମୋଦି ନାରା ଦେଇ ସ୍ୱାଗତ କରିଥିଲେ   । ହାର୍ଦ୍ଦିକ କିଛି ସମୟ ପର୍ଯ୍ୟନ୍ତ ମାଇକ୍ ଧରି ନିଜ କଥା କହିବାକୁ ଚେଷ୍ଟା କରିଥିଲ କିନ୍ତୁ ଲୋକ କିଛି ମଧ୍ୟ ଶୁଣିନଥିଲେ  । ଶେଷରେ ହାର୍ଦ୍ଦିକ ନିରାଶ ହୋଇ ସେଠାରୁ ଚାଲି ଯାଇଥିଲେ  ।

କ୍ରିକେଟର ରବିନ୍ଦ୍ର ଜାଡେଜାଙ୍କ ପତ୍ନୀ ମଧ୍ୟ କହିଲେ ମୋଦି ମୋଦି

ହାର୍ଦ୍ଦିକଙ୍କ ହୋଲି ସଭାରେ କ୍ରିକେଟର ହାର୍ଦ୍ଦିକ ପଟେଲଙ୍କ ପତ୍ନୀ  ରିବାବ ମଧ୍ୟ ସାମିଲ ହୋଇଥିଲେ  । ନିକଟରେ ରିବାବ୍ ବିଜେପିରେ ସାମିଲ ହୋଇଛନ୍ତି  । ଲୋକ ତାଙ୍କୁ ସ୍ୱାଗତ କରି ମୋଦି ମୋଦି ନାରା ଦେଇଥିଲେ  । ଉତ୍ତରରେ ରିବାବ ମଧ୍ୟ ମୋଦି ମୋଦି ନାରା ଦେଇଥିଲେ  ।

ନାକ କଟିଗଲା

ତେବେ କାର୍ଯ୍ୟକ୍ରମର ଆୟୋଜକ ଏଭଳି ହୁଟିଂକୁ ନାପସନ୍ଦ କରିଛନ୍ତି  । ଏମିତି କରିବା ଠିକ୍ ନଥିଲା,ଏହା ସୌରାଷ୍ଟ୍ରର ସଂସ୍କୃତି ନୁହେଁ ଏବଂ ଯେଉଁମାନେ ଏଭଳି କରିଛନ୍ତି ସେମାନେ ସୌରାଷ୍ଟ୍ରର ନାକ କାଟିଛନ୍ତି ବୋଲି ଆୟୋଜକଙ୍କ ପକ୍ଷରୁ କୁହାଯାଇଛି