India still has the practice of polygamy, do you know where?

ପଲିଆଣ୍ଡ୍ରୀ ବା ଯୋଡିଦାର ପ୍ରଥା. ଯାହାକୁ ଭାରତରେ ଦ୍ରୌପଦି ପ୍ରଥା ମଧ୍ୟ କୁହାଯାଏ. ପୁରାଣ ଯୁଗରେ ପଞ୍ଚୁପାଣ୍ଡବଙ୍କ ସମୟରୁ ହିଁ ରହି ଆସିଛି ଏପରି ପ୍ରଥା. ପଞ୍ଚୁ ପାଣ୍ଡବ କେବଳ ଦ୍ରୌପଦିଙ୍କୁ ହିଁ ବିବାହ କରିଥିଲେ. ଏହି ପ୍ରଥା ଏବେ ମଧ୍ୟ ଭାରତ ତଥା ଭାରତ ବାହାର କେତେକ ଦେଶରେ ରହି ଆସିଛି. କିଛି ସମ୍ପ୍ରଦାୟର ଜନଜାତି ଏହି ପରମ୍ପରାକୁ ମାନୁଛନ୍ତି. 
ତେବେ ପ୍ରଶ୍ନ ଉଠେ, ସତରେ କଣ ସେମାନେ ଏଭଳି ପରମ୍ପରାରେ ଖୁସି ଅଛନ୍ତି ?
ଏଭଳି ପରମ୍ପରା ପଛର କଣ ରହିଛି କାରଣ ?
ଏବେକାର ପିଢି ଏପରି ପରମ୍ପରାକୁ ପ୍ରଶୟ ଦେଉଛନ୍ତି କି?
ତେବେ ଆସନ୍ତୁ ଜାଣିବା ଏହି ଯୋଡିଦାର ପ୍ରଥା ଉପରେ ଆମର ସ୍ପେଶାଲ ରିପୋର୍ଟ
ହିମାଚଳ ପ୍ରଦେଶର ସିରମୋର ଜିଲ୍ଲାର ଶିଲାଇ ତହସିଲରେ ରହିଛି ଏକ ଗାଁ. ଯେଉଁ ଗାଁରେ ରହିଛନ୍ତି ହାଟ୍ଟି ଆଦିବାସୀ ଜନଜାତି. ଏହି ଗାଁରେ ରହିଛି ଯୋଡିଦାର ପ୍ରଥା ବା ଦ୍ରୌପଦି ପ୍ରଥା. ଗାଁରେ ଗୋଟିଏ ମହିଳା ୨ ରୁ ଅଧିକ ପୁରୁଷଙ୍କୁ ବିବାହ କରିଛନ୍ତି . ଗୋଟିଏ ପରିବାରରେ ଥିବା ଦୁଇ ରୁ ତିନି ଭାଇ ଗୋଟେ ମହିଳାକୁ ହିଁ ବିବାହ କରିଛନ୍ତି
ଏହି ପରମ୍ପରାକୁ ନେଇ ତାଙ୍କ ମଧ୍ୟରେ କୌଣସି ଅସନ୍ତୋଷ ଦେଖିବାକୁ ମିଳେନି. କିଛି ମହିଳାଙ୍କ ମତରେ ସେମାନେ ଏପରି ବିବାହରେ ଖୁବ ସୁଖୀ ଏବଂ ଖୁସି ଅଛନ୍ତି. ଜଣେ ପରିବାର କଥା ବୁଝିଲେ ଆଉ ଜଣେ ବାହାର କ୍ଷେତକଥା ବୁଝନ୍ତି. 
ଏଭଳି ପରମ୍ପରା ପଛର କଣ ରହିଛି କାରଣ ?
ସେମାନଙ୍କ ମତ ଅନୁଯାୟୀ ଯୋଡିଦାରୀ ବିବାହ ଦ୍ବାରା ପରିବାରର ବଂଶବୃଦ୍ଧି କମିଥାଏ. ତା ସହ ଜମିଜମା ପାଇଁ ଭାଇମାନଙ୍କ ଭିତରେ ଝଗଡା ହୋଇ ନଥାଏ. ଗୋଟିଏ ପରିବାରରେ ସେମାନେ ଖୁସିରେ ଚଳିଥାନ୍ତି. ଏବଂ ଏହି ପାହାଡିଆ ଅଞ୍ଚଳରେ ପୁରୁଷମାନଙ୍କର ଜଲ୍ଦି ମୃତ୍ୟୁ ହୋଇଯାଇଥାଏ. ସେଥିପାଇଁ ମହିଳାମାନଙ୍କୁ ବିଧବା ନକରିବା ପାଇଁ ଏପରି ବିବାହ କରାଯାଇଥାଏ.
ଉତ୍ତରାଖଣ୍ଡର ଜୋନସାରୀ ଜନଜାତିରେ ମଧ୍ୟ ଏପରି ପ୍ରଥା ରହିଛି. ସେଠାରେ ପରିବାରରେ ଏକାଧିକ ଭାଇଙ୍କ ମଧ୍ୟରୁ ଜଣେ ଭାଇ ଯଦି ଉକ୍ତ ମହିଳାଙ୍କ ସହ ଏକ କୋଠରୀରେ ନିର୍ଦ୍ଦିଷ୍ଟ ସମୟ ବିତାଉଥାଏ, ତେବେ ଅନ୍ୟ ଭାଇମାନେ ଏହାକୁ ସମ୍ମାନ ଜଣାଇ ସେହି ରୁମକୁ ପ୍ରବେଶ କରିନଥାନ୍ତି. 
ସେହିପରି ତାମିଲନାଡୁର ଟୋଡା ସଂପ୍ରଦାୟ, ତ୍ରାଭାନକୋରର ନାୟାର, ନେପାଲର ଲାମା, ଡେରାଡୁନର ଖାସି, ତିବ୍ବତ ଆଦି ଜନଜାତିରେ ଏହି ବିବାହ ପ୍ରଥା ରହିଛି. 
ଏବେକାର ପିଢି ଏପରି ପରମ୍ପରାକୁ ପ୍ରଶୟ ଦେଉଛନ୍ତି କି?
ସେଠାକାର ବର୍ତ୍ତମାନର ଯୁବପିଢି ମଧ୍ୟ ଏପରି ପରମ୍ପରାକୁ ପ୍ରଶୟ ଦେଉଛନ୍ତି. ଯଦିଓ ଏବେ କିଛି ପରିମାଣରେ ଏହି ବିବାହ କମିଛି, କିନ୍ତୁ ସମ୍ପୁର୍ଣ୍ଣ ପରିମାଣରେ ଲୋପ ପାଇଛି କହିଲେ ଭୁଲ ହେବ. ଏହି ପରମ୍ପରା ତାଙ୍କ ପୁର୍ବପିଢିରୁ ରହି ଆସିଛି, ଏବଂ ସେମାନେ ମଧ୍ୟ ଏହାକୁ ମାନିବା ଉଚିତ ବୋଲି ସେମାନେ କହିଛନ୍ତି .