ପଶ୍ଚିମବଙ୍ଗ ରାଜନୈତିକ ହିଂସାକାଣ୍ଡ: ସମର୍ଥକଙ୍କୁ ଧନ୍ୟବାଦ ଜଣାଇଲେ ଦିଦି

ଲକ୍ଷ୍ନୌ: ପଶ୍ଚିମବଙ୍ଗ ରାଜନୈତିକ ହିଂସାକାଣ୍ଡ ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସମର୍ଥନରେ ବାହାରିଛନ୍ତି ବିଭିନ୍ନ ରାଜନୈତିକ ଦଳ । ଦିଦିଙ୍କୁ ସମର୍ଥନ ଜଣାଇଛନ୍ତି ବହୁଜନ ସମାଜବାଦୀ ପାର୍ଟି ମୁଖ୍ୟ ମାୟାବତୀ, ଏସ ପି ମୁଖ୍ୟ ଅଖିଳେଶ ଯାଦବ, କଂଗ୍ରେସ ଏବଂ ଟିଡିପି ସୁପ୍ରିମୋ ଏନ.ଚନ୍ଦ୍ରବାବୁ ନାଇଡୁଙ୍କୁ ବାହାରିଲେ । ତେବେ ଦିଦି ନିଜ ସମର୍ଥକଙ୍କୁ ଏନେଇ ଧନ୍ୟବାଦ ମଧ୍ୟ ଜଣାଇଛନ୍ତି ।

ଦିଦିଙ୍କ ସମର୍ଥନରେ ମାୟାବତୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ବିଜେପି ଅଧ୍ୟକ୍ଷ ଅମିତ ଶାହା ଓ ବିଜେପି ନେତାମାନେ ମମତାଙ୍କୁ ଟାର୍ଗେଟ କରୁଛନ୍ତି । ଯୋଜନାବଦ୍ଧ ଭାବେ ମମତାଙ୍କୁ ବିରୋଧ କରାଯାଉଛି ବୋଲି ମାୟା ଅଭିଯୋଗ ଆଣିଛନ୍ତି । ଏହା ଦେଶ ପାଇଁ ବିପଦଜନକ ବୋଲି ମାୟା କହିଛନ୍ତି । ସେହିପରି ନିର୍ବାଚନ କମିଶନଙ୍କୁ ମଧ୍ୟ ଟାର୍ଗେଟ କରିଛନ୍ତି । ମାୟା ଆଜି ରାତ୍ରି ୧୦ଟାରୁ ନିର୍ବାଚନ ପ୍ରଚାର କରାଯାଇପାରିବ ନାହିଁ ବୋଲି କମିଶନଙ୍କ ନିର୍ଦ୍ଦେଶକୁ ନାପସନ୍ଦ କରିଛନ୍ତି ।

ମାୟା କହିଛନ୍ତି ଆଜି ମୋଦିଙ୍କର ଦୁଇଟି ରାଲି ରହିଛି ଯଦି ନିଷିଦ୍ଧ କରିବାର ଥିଲା ତେବେ ଆଜି ସକାଳୁ କାହିଁକି କରାଗଲା ନାହିଁ ? ନିର୍ବାଚନ କମିଶନ ଚାପରେ ପଡି ଏଭଳି ନିଷ୍ପତି ନେଉଥିବାର ଆରୋପ ଲଗାଇଛନ୍ତି ମାୟା । ତେବେ ସମର୍ଥନ କରିଥିବାରୁ ମମତା ବିଏସପି ମୁଖ୍ୟ ମାୟାବତୀ, ଅଖିଳେଶ ଯାଦବ, କଂଗ୍ରେସ, ଏନ.ଚନ୍ଦ୍ରବାବୁ ନାଇଡୁ ଆଦିଙ୍କୁ ଟ୍ୱିଟର ମାଧ୍ୟମରେ ଧନ୍ୟବାଦ ଜଣାଇଛନ୍ତି ।

Thanks and gratitude to @Mayawati, @yadavakhilesh, @INCIndia, @ncbn and others for expressing solidarity and support to us and the people of #Bengal. EC's biased actions under the directions of the #BJP are a direct attack on democracy. People will give a befitting reply

— Mamata Banerjee (@MamataOfficial) May 16, 2019

ଏଠାରେ ସୂଚନାଥାଉ କି ପଶ୍ଚିମବଙ୍ଗରେ ଅମିତ ଶାହଙ୍କ ରୋଡ଼ ସୋ ବେଳେ ହିଂସାକାଣ୍ଡକୁ ନେଇ ନିର୍ବାଚନ କମିଶନ କଠୋର ପଦକ୍ଷେପ ନେଇଛନ୍ତି । ୩୨୪ ଧାରା ଲାଗୁ କରି ଆଜି ରାତି ୧୦ଟାରୁ ନିର୍ବାଚନ ପ୍ରଚାର କରିହେବ ନାହିଁ ବୋଲି ନିର୍ଦ୍ଦେଶନାମା ଜାରି କରିଥିଲେ । ଏହାକୁ ନେଇ ମମତା ମଧ୍ୟ ନିର୍ବାଚନ କମିଶନଙ୍କୁ ଟାର୍ଗେଟ କରିଥିଲେ । ଏହା ସମ୍ପୂର୍ଣ୍ଣ ଅଗଣତାନ୍ତ୍ରିକ ଓ ଅପ୍ରତ୍ୟାଶିତ ବୋଲି ମମତା କହିଥିଲେ ।