ଅର୍ଗସ ବ୍ୟୁରୋ: ଡ୍ରାଗନ୍ ସେନାର ହରକତ ପରେ ଆଡ୍ମିନ୍କୁ ଆସିଛି ଭାରତୀୟ ବାୟୁସେନା। ଆରମ୍ଭ କରିଦେଇଛି ଜୋରଦାର ‘କମ୍ବାଟ୍ ପାଟ୍ରୋଲିଂ’ । ଅଢ଼େଇ ବର୍ଷ ପରେ ପ୍ରକୃତ ନିୟନ୍ତ୍ରଣରେଖା ନିକଟରେ ପୁଣି ଗର୍ଜନ କରିଛି ଯୁଦ୍ଧ ବିମାନ। ଭାରତୀୟ ବାୟୁସେନା ତୁରନ୍ତ ନିଜ ଯୁଦ୍ଧ ବିମାନ ସୀମା ଅଞ୍ଚଳରେ ମୁତୟନ କରିଥିଲା। ଆହୁରି କୁହାଯାଉଛି ଯେ ଏଲ୍ଏସିଠାରୁ ସ୍ବାଭାବିକ ଦୂରତାରେ ଚୀନ୍ ଡ୍ରୋନ୍ ଉଡିଲେ ଭାରତର ଚିନ୍ତା ନାହ୍ଁ। କିନ୍ତୁ ସୀମା ନିକଟବର୍ତ୍ତୀ ହୋଇ ଏହା ଉଡାଣ ଭରିଲେ ଭାରତୀୟ ରାଡାରରେ ଏହାର ଗତିବିଧି ଦେଖାଯିବ ଏଵଂ ବାୟୁସେନା ତୁରନ୍ତ କାର୍ଯ୍ୟାନୁଷ୍ଠାନ ନେବ।
ଉତ୍ତର-ପୂର୍ବ ଅଞ୍ଚଳରେ ବାୟୁସେନାର ଉପସ୍ଥିତି ବେଶ୍ ମଜଭୁତ। ଆସାମର ତେଜପୁର ଓ ଚାବୁଆର ଅନେକ ସ୍ଥାନରେ ସୁଖୋଇ-୩୦ମୁତୟନ କରାଯାଇଛି। ଏହାକୁ ନେଇ ୨-୩ ସପ୍ତାହ ହେଲା ଡ୍ରାଗନ୍ ସେନା ଡ୍ରୋନ୍ ପଠାଉଥିଲା। କିନ୍ତୁ ଭାରତୀୟ ଯୁଦ୍ଧ ବିମାନ ତାହାକୁ ରୋକିଥିଲା। ଫଳରେ ବାରମ୍ବାର ବିଫଳ ହୋଇଥିଲା ଚୀନ୍ । ତେଣୁ ଏହାର ୬୦୦ ସୈନ୍ୟ ଡ଼ିସେମ୍ବର ୯ରେ ସଂଘବଦ୍ଧ ଭାବେ ଅରୁଣାଚଳ ପ୍ରଦେଶ ସୀମାରେ ଅନୁପ୍ରବେଶ ଉଦ୍ୟମ କରିଥିଲା।
ଭାରତ ଖବର ଆହୁରି ପଢ଼ନ୍ତୁ ।
ଅର୍ଗସ ବ୍ୟୁରୋ: ଏସଏଚଜି ଗୃପ ମହିଳାଙ୍କ ନିକଟରୁ ଟଙ୍କା ନେଇ ସିଆରପି ଫେରାର। ଏଣେ ମହିଳାମାନେ ଆସି ସିଆରପିଙ୍କ ସ୍ୱାମୀଙ୍କୁ ଘେରିଛନ୍ତି। ମହିଳାଙ୍କ ଟଙ୍କା ଠକି ନେବା ସହିତ ୨୧ ବର୍ଷ ଧରି ବୈବାହିକ ଜୀବନ ବିତାଇଥିବା ସ୍ୱାମୀକୁ ବି ଛାଡି ଅନ୍ୟ ଯୁବକ ସହିତ ଫେରାର ହୋଇଯାଇଛନ୍ତି ସିଆରପି। ଯାହାକୁ ନେଇ ସ୍ୱାମୀ ଥାନାର ଦ୍ୱାରସ୍ଥ ହୋଇଛନ୍ତି। ଏହି ୪୨୦ ସିଆରପି ହେଲେ ଖୁଣ୍ଟା ବ୍ଲକ ବିସିପୁର ଅଞ୍ଚଳର ସିଆରପି ଆଠପଡା ଗ୍ରାମର ବାସନ୍ତୀ ମୁର୍ମୁ। ଗତ ମାସ ସ୍ଥାନୀୟ ବିଭିନ୍ନ ଏସଏଚଜି ଗୃପର ମହିଳାଙ୍କ ଲୋନ ପାସ କରାଇ ଦେବା ପରେ ସେମାନଙ୍କ ନିକଟରୁ ଅଢେଇ ଲକ୍ଷ ରୁ ଉର୍ଦ୍ଧ ଟଙ୍କା ଠକି ନେଇ ସ୍ୱାମୀ କୁ ଛାଡି ଅନ୍ୟ ଜଣେ ଯୁବକ ସହିତ ଫେରାର ହୋଇଯାଇଛନ୍ତି।
ଏହି ଖବର ଜଣାପଡିବା ପରେ ଗୃପର ମହିଳାମାନେ ଆସି ବାସନ୍ତୀଙ୍କ ସ୍ୱାମୀଙ୍କୁ ଟଙ୍କା ଫେରାଇବାକୁ ଦାବି କରିଛନ୍ତି। ଯାହାକୁ ନେଇ ବାସନ୍ତୀଙ୍କ ସ୍ୱାମୀ ଡ଼ମାନ ଉଦଳା ଥାନାରେ ଲିଖିତ ଅଭିଯୋଗ କରିଛନ୍ତି। ହେଲେ ଏହି ୪୨୦ ସିଆରପି ନିଜର ୨ ଭେଣ୍ଡିଆ ପୁଅ, ରୋଗାକ୍ରାନ୍ତ ସ୍ୱାମୀକୁ ଛାଡି ଯାଇଥିବା ବେଳେ ତୁରନ୍ତ ତାଙ୍କୁ ପୋଲିସ ଖୋଜି ଠକି ନେଇଥିବା ଟଙ୍କା ଉଦ୍ଧାର କରିବାକୁ ଦାବି କରିଛନ୍ତି ଠକାମୀର ଶିକାର ହୋଇଥିବା ମହିଳା।
ଅଧିକ ପଢ଼ନ୍ତୁ ଓଡିଶା ଖବର:
କନ୍ଦୁଝର: ଯାତ୍ରା ଦେଖି ଯାଇଥିବାବେଳେ ଘରୁ ଚୋରି। ଆନନ୍ଦପୁର ଥାନା ଚମର୍ଦା ଗାଁର ରମେଶ ଚନ୍ଦ୍ର ସାହୁଙ୍କ ପରିବାର ଗାଁ ରେ ଚାଲିଥିବା ଯାତ୍ରା ଦେଖିବାକୁ ଯାଇଥିବା ସମୟରେ ତାଙ୍କ ଘରୁ ନଗଦ ଟଙ୍କା ସହିତ ସୁନା ଓ ରୁପା ଅଳଙ୍କାର ଚୋରି ହୋଇଥିବା ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ ରମେଶ ପଦ୍ମପୁର ଗାଁରେ ଏକ ଅଳଙ୍କାର ଦୋକାନ କରି ଜୀବନ ଜୀବିକା ଚଳାଇଥାନ୍ତି। ତେବେ ଗତକାଲି ରାତିରେ ଚୋର ମାନେ ତାଙ୍କ ଘରୁ ୯ହଜାର ଟଙ୍କା ସମେତ ୮୦ ଗ୍ରାମ ରୁପା ଓ ୧୦ ଗ୍ରାମ ର ସୁନା ଗହଣା ଚୋରି ହୋଇଯାଇଛି। ଯାତ୍ରା ଅଧାରୁ ରମେଶ ଙ୍କ ବାପା ଘରକୁ ଆସିବାରୁ ଘର ର ଚାବି ଭଙ୍ଗା ହୋଇ ଚୋରି ହୋଇଯାଇଥିବା ଦେଖିବାକୁ ପାଇଥିଲେ। ଘଟଣା ର ଲିଖିତ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି।
ଅଧିକ ପଢନ୍ତୁ ଓଡ଼ିଶା ଖବର
