Jagdeep Dhankhar elected India's new Vice President, defeats Alva by 346 votes

ମାର୍ଗାରେଟ୍ ଆଲଭାଙ୍କୁ ଏକ ତରଫା ଭାବେ ପରାସ୍ତ କରି ଉପରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି

by Jitendra Dash

Jagdeep Dhankhar elected India's new Vice President, defeats Alva by 346 votes

ଅର୍ଗସ ବ୍ୟୁରୋ : ଜଗଦୀପ ଧନଖଡ୍ ଦେଶର ପରବର୍ତ୍ତୀ ଉପରାଷ୍ଟ୍ରପତି । ଆଜି ହୋଇଥିବା ନିର୍ବାଚନରେ ପ୍ରତିଦ୍ବନ୍ଦ୍ବୀ ମାର୍ଗାରେଟ୍ ଆଲଭାଙ୍କୁ ଏକ ତରଫା ଭାବେ ପରାସ୍ତ କରି ଉପରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ । ଉପରାଷ୍ଟ୍ରପତି ନିର୍ବାଚନରେ ୭୨୫ ଜଣ ଭୋଟ୍ ଦେଇଥିବା ବେଳେ ଧନଖଡଙ୍କୁ ମିଳିଛି ୫୨୮ ଖଣ୍ଡ ଭୋଟ୍ । ସେହିପରି ଆଲଭା ପାଇଛନ୍ତି ୧୮୨ ସାଂସଦଙ୍କ ସମର୍ଥନ । ତେଣୁ ମାର୍ଗାରେଟ ଆଲଭାଙ୍କୁ ୩୪୬ ଭୋଟ୍ରେ ପରାସ୍ତ କରିଛନ୍ତି ଧନଖଡ୍ । ସେପଟେ ବିଜୟୀ ହେବା ପରେ ଧନଖଡଙ୍କ ନିକଟକୁ ପ୍ରଶଂସାର ସୁଅ ଛୁଟିଛି । ଖୋଦ୍ ପ୍ରଧାନମନ୍ତ୍ରୀ ମୋଦି ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା ଧନଖଡଙ୍କୁ ଭେଟି ଶୁଭେଚ୍ଛା ଜଣାଇଛନ୍ତି ।

୧୯୮୯ରେ ଧନଖଡ୍ ପ୍ରଥମ ଥର ଲୋକସଭାକୁ ନିର୍ବାଚିତ ହୋଇଥିଲେ। ଜନତା ଦଳ ଟିକେଟ୍ରେ ସେ ରାଜସ୍ଥାନର ଝୁନ୍ଝୁନୁ ଲୋକସଭା ଆସନରୁ ବିଜୟୀ ହୋଇଥିଲେ । ୧୯୯୦ରୁ ୧୯୯୧ ପର୍ଯ୍ୟନ୍ତ ସେ ତତ୍କାଳୀନ ପ୍ରଧାନମନ୍ତ୍ରୀ ଚନ୍ଦ୍ର ଶେଖରଙ୍କ ମନ୍ତ୍ରିମଣ୍ଡଳରେ ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ କରିଥିଲେ । ପରେ ୧୯୯୩ରେ ସେ କିଶନଗଡ଼ରୁ ରାଜସ୍ଥାନ ବିଧାନସଭାକୁ ନିର୍ବାଚିତ ହୋଇଥିଲେ। ୧୯୯୩ରୁ ୧୯୯୮ ପର୍ଯ୍ୟନ୍ତ ସେ ବିଧାୟକ ରହିଥିଲେ । ୨୦୧୯ରେ ତାଙ୍କୁ ପଶ୍ଚିମବଙ୍ଗର ରାଜ୍ୟପାଳ ଭାବେ ନିଯୁକ୍ତି ଦିଆଯାଇଥିଲା।

ଭାରତ ଖବର ଆହୁରି ପଢ଼ନ୍ତୁ ।