ନୂଆଦିଲ୍ଲୀ: ପୁଲୱାମା ଆତଙ୍କବାଦୀ ଆକ୍ରମଣର ମାଷ୍ଟର ମାଇଣ୍ଡ ଜୈଶ୍ ଏ ମହମ୍ମଦର ମୁଖ୍ୟ ମାସୁଦ ଅଜହରଙ୍କ ମୃତ୍ୟୁକୁ ବିଭିନ୍ନ ପରିକଳ୍ପନା କରାଯାଉଛି । ମିଡିଆ ରିପୋର୍ଟ ଅନୁଯାୟୀ ମସୁଦର କିଡନୀ ଫେଲ୍ ଯୋଗୁ ମୃତ୍ୟୁ ହୋଇଥିବା କୁହାଯାଉଛି । ତେବେ ଏନେଇ କୌଣସି ସ୍ପଷ୍ଟ ସୂଚନା ମିଳିନି । ସୁରକ୍ଷା ବିଶେଷଜ୍ଞଙ୍କ ଅନୁଯାୟୀ ଏହା ପାକିସ୍ତାନର କୌଣସି ଚାଲ ବି ହୋଇପାରେ । ବିଶ୍ୱରେ ନିଜକୁ ସୁରକ୍ଷା ଦେବା ପାଇଁ ପାକ୍ ପକ୍ଷରୁ ଏଭଳି ଯୋଜନା କରାଯାଇଥାଇପାରେ ।
ମସୁଦ ଅଜହରର ମୃତ୍ୟୁ ହୋଇଥିବା କିଛି ଗଣମାଧ୍ୟମରେ ଭାଇରାଲ ହେବାରେ ଲାଗିଥିଲା । ଗୁଇନ୍ଦା ବିଭାଗର ସୂଚନା ଅନୁଯାୟୀ ଭାରତ ପକ୍ଷରୁ ଯେଉଁ ଏୟାରଷ୍ଟ୍ରାଇକ୍ କରାଯାଇଥିଲା ସେଥିରେ ମସୁଦର କ୍ୟାମ୍ପ ମଧ୍ୟ ଥିଲା, ଯେଉଁଥିରେ କି ମସୁଦ ଥଇଲା । କିନ୍ତୁ ମୃତ୍ୟୁ ନେଇ କୌଣସି ସ୍ପଷ୍ଟ ସୂଚନା ମିଳିନି ।
ଏହାପୂର୍ବରୁ ମିଡିଆରେ ଖବର ଆସିଥିଲା ଯେ, ମସୁଦ କିଡନୀ ଫେଲ ହୋଇଯାଇଛି ଏବଂ ସେ ଡାଇଲିସିସରେ ଅଛି । ଶନିବାର ଦିନ ଭାରତୀୟ ସୁରକ୍ଷା ଏଜେନ୍ସିର ଜଣେ ଅଧିକାରୀ ଖବର ଦେଇଥିଲେ ଯେ, ମସୁଦ ପାକିସ୍ତାନର ରାୱଲପିଣ୍ଡର ଏକ ଆର୍ମି ହସ୍ପିଟାଲରେ ଚିକିତ୍ସିତ ହେଉଛି । ରାୱଲପିଣ୍ଡରେ ପାକିସ୍ତାର ସେନା ମୁଖ୍ୟାଳୟ ରହିଛି । ଏବଂ ସରକାର ମାସୁଦ ଚିକିତ୍ସାର ତଦାରଖ କରୁଛନ୍ତି ।
ତେବେ ଏହା ଭିତରେ ଏହି ଖବର ସାମ୍ନାକୁ ଆସିଛି ଯେ, ପିଓକେରେ ଭାରତର ହମଲ ସମୟରେ ମାସୁଦ ନିଜ କ୍ୟାମ୍ପରେ ଥିଲା । ଏବଂ ଆକ୍ରମଣେ ସେ ଗୁରୁତର ଆହତ ହୋଇଥିଲା । ଏହାପରେ ତାକୁ ଆର୍ମି ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଥିରେ କି ତାର ମୃତ୍ୟୁ ହୋଇଛି ।
2000 ମସିହାରେ ମାସୁଦ ଜୈଶ୍ ଏ ମହମ୍ମଦର ସ୍ଥାପନା କରିଥିଲା । 2002 ମସିହାରେ ପାକିସ୍ତାନ ସରକାର ଏହାକୁ ବ୍ୟାନ ଘୋଷଣା କରିଥିଲେ ।
