ଅର୍ଗସ ବ୍ୟୁରୋ : ବନ୍ଦେ ଭାରତ ଏକ୍ସପ୍ରେସ ଓଡ଼ିଶାରେ ଦୌଡିବା ଆରମ୍ଭ କରିଛ। ଆଜି ଶ୍ରୀକ୍ଷେତ୍ର ପୁରୀରୁ ହାଓ୍ବଡା ଅଭିମୁଖେ ଦଉଡିଛି ଏହି ଟ୍ରେନ୍। ଆସନ୍ତୁ ଜାଣିବା ଏହି ଟ୍ରେନ ସମ୍ପର୍କରେ ଚୁମ୍ବକରେ କିଛି ତଥ୍ୟ।
- ଏହା ଭାରତର ପ୍ରଥମ ସେମି ହାଇସ୍ପ୍ରିଡ୍ ଟ୍ରେନ
- ସମ୍ପୁର୍ଣ୍ଣ ସ୍ବଦେଶୀ ଜ୍ଞାନ କୌଶଳରେ ଏହା ନିର୍ମିତ ହୋଇଛି
- ଘଣ୍ଟାପ୍ରତି ଏହାର ବେଗ ୧୮୦ କିଲୋମିଟର
- ୧୭ ରାଜ୍ୟର ୧୦୮ ଜିଲ୍ଲାର ଯାତ୍ରୀ ଏହାର ସେବା ପାଇବେ
- ପ୍ରଥମ ବନ୍ଦେ ଭାରତ ଟ୍ରେନ ୨୦୧୯ ଫ୍ରେବୃୟାରୀ ୧୫ରେ ଦୌଡିଥିଲା
- ବାରଣାସୀରୁ ଦିଲ୍ଲୀ ରୁଟରେ ଚାଲିଥିବା ପ୍ରଥମ ଟ୍ରେନ
- ଏବେ ସାରା ଦେଶରେ ୧୦ଟି ବନ୍ଦେ ଭାରତ ଟ୍ରେନ ଚାଲୁଛି
- ଚେନ୍ନାଇର ଇଣ୍ଟିଗ୍ରେଟେଡ କୋଚ ଫ୍ୟାକ୍ଟ୍ରିରେ ଏହା ନିର୍ମିତ ହୋଇଛି
- Train 18 ନାମରେ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା
- ୨୦୧୬ ଶେଷ ସୁଦ୍ଧା ଗୋଟିଏ ଟ୍ରେନ ନିର୍ମାଣ ପାଇଁ ଅନୁମତି ଥିଲା
- ପରବର୍ତ୍ତି ସମୟରେ ୨୦୧୭ରେ ଏହାକୁ ବଢାଇ ୨ଟି ଟ୍ରେନ ନିର୍ମାଣ ଅନୁମତି ମିଳିଲା
- ୨୦୨୩ ଶେଷ ସୁଦ୍ଧା ଟ୍ରେନ ନିର୍ମାଣ ସଂଖ୍ୟା ୭୫ ଓ ପରେ ଏହାକୁ ବଢାଇ ୩୦୦ ଟାର୍ଗେଟ ରଖାଯାଇଛି
- ୨୪ ବଗି ବିଶିଷ୍ଟ ସାଧାରଣ ଟ୍ରେନ ପାଇଁ ୬୬ କୋଟି ଖର୍ଚ୍ଚ ହେଉଥିବା ବେଳେ, ଗୋଟିଏ ବନ୍ଦେ ଭାରତ ଟ୍ରେନ ନିର୍ମାଣ ପାଇଁ ୧୧୦ରୁ ୧୨୦ କୋଟି ଖର୍ଚ୍ଚ ହୁଏ
- ଏହା ୧୬ଟି କୋଚ୍ ବିଶିଷ୍ଟ ଟ୍ରେନ
- ୧୩ ରୁଟରେ ଚାଲୁଥିବେ ଏହି ଟ୍ରେନ ପାଇଁ ରୁଟ୍ ରେଟ୍ ବା ଦର ଅଲଗା ଅଲଗା
- ଦିଲ୍ଲୀ-ବାରଣାସୀ ରୁଟରେ ଚାଲୁଥିବା ଟ୍ରେନ ଅଦ୍ୟାବଧି ୭ କୋଟି ମାସକୁ ମାସକୁ ଆମଦାନୀ କରୁଛି
- ଏହା ସମ୍ପୁର୍ଣ୍ଣ ଭାବେ ବିଦ୍ୟୁତ୍ ଚାଳିତ ଟ୍ରେନ
- ଏହି ଟ୍ରେନର ସମସ୍ତ ଡୋର ଓ ଫୁଟରେଷ୍ଟ ଅଟୋମେଟେଡ
- ଅଥାତ୍ ଟ୍ରେନ ଛିଡାହେଲେ ଏହା ଆପେ ଖୋଲେ, ଆପେ ବନ୍ଦ ହୋଇଯାଏ।
- ଏହି ଟ୍ରେନର ପ୍ରତି କୋଚରେ ୩୨ ଇଞ୍ଚିଆ ଟିଭି ଲାଗିଛି
- ଭିତରେ ଫାୟାର ସେନସର, ଜିପିଏସ୍ ଓ କ୍ୟାମେରା ଲାଗିଛି
- ରେଲଓ୍ବେ ସୁରକ୍ଷା କବଚ ନାମରେ ଗୋଟିଏ ସେଫ୍ଟି ଫିଚର ରହିଛି। ଯାହା ଟ୍ରେନ ଧକ୍କା ବେଳେ ସାଧାରଣ ଯାତ୍ରୀଙ୍କୁ ସୁରକ୍ଷିତ ରଖିବ
- ବର୍ତ୍ତମାନ ଏହାର ଗତି ୧୬୦ କିମି(ଘଣ୍ଟାପ୍ରତି) ରହିବ
- ଏଥିରେ ଇଣ୍ଟେଲିଜେନ୍ସ ବ୍ରେକିଂ ସିଷ୍ଟମ ରହିଛି
- ଯାହା ଆପତକାଳୀନ ସ୍ଥିତିରେ ଟ୍ରେନକୁ ଅଟକାଇ ପାରିବ
- ଦିବ୍ୟାଙ୍ଗମାନଙ୍କ ପାଇଁ ବାୟୋ ଫ୍ରେଣ୍ଡଲି ଟଏଲେଟ୍ ରହିଛି
- ଦୃଷ୍ଟିହୀନ ଦିବ୍ୟାଙ୍ଗଙ୍କ ପାଇଁ ବ୍ରେଲି ଲିପିରେ ସିଟ ନମ୍ବର ଲିଖିତ ହୋଇଛି
ଚାଲୁଥିବା କିଛି ବନ୍ଦେ ଭାରତ ଟ୍ରେନ...
- ପୁରୀ-ହାଓ୍ବଡା ବନ୍ଦେ ଭାରତ ଟ୍ରେନ
- ନୂଆଦିଲ୍ଲୀ-ବାରଣାସୀ ବନ୍ଦେ ଭାରତ ଟ୍ରେନ
- ନୂଆଦିଲ୍ଲୀ-ବୈଷ୍ଣୋଦେବୀ ବନ୍ଦେ ଭାରତ ଟ୍ରେନ
- ଗାନ୍ଧିନଗର-ମୁମ୍ବଇ ବନ୍ଦେ ଭାରତ ଟ୍ରେନ
- ଦିଲ୍ଲୀ-ଅବ ଅନ୍ଦୌରା ବନ୍ଦେ ଭାରତ ଟ୍ରେନ
- ଚେନ୍ନଇ-ମହୀଶୁର ବନ୍ଦେ ଭାରତ ଟ୍ରେନ
- ନାଗପୁର-ବିଲାସପୁର ବନ୍ଦେ ଭାରତ ଟ୍ରେନ
- ହାଓ୍ବଡା-ନ୍ୟୁ ଜଲପାଇଗୁଡି ବନ୍ଦେ ଭାରତ ଟ୍ରେନ
ଅର୍ଗସ ବ୍ୟୁରୋ: ଅନୁଗୋଳ ଜିଲ୍ଲା ଛେଣ୍ଡିପଦାରେ କେନ୍ଦ୍ରମନ୍ତ୍ରୀଙ୍କୁ ସମ୍ବର୍ଦ୍ଧନା ଜଣାଇଲେ ଛେଣ୍ଡିପଦାବାସୀ । ସୂଚନା ଯେ, ଓଡିଶାକୁ ଦୁଇ ଦିନିଆ ଗସ୍ତରେ ଆସିଥିବା କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଅନୁଗୋଳରୁ ଦେବଗଡ଼ ରାସ୍ତାରେ ଯାଉଥିବା ବେଳେ ଛେଣ୍ଡିପଦା ଉଚ୍ଚ ବିଦ୍ୟାଳୟ ପୁରାତନ ଛାତ୍ର ଓ ଗ୍ରାମବାସୀ ପକ୍ଷରୁ ସମ୍ବର୍ଦ୍ଧନା ଜଣାଇଥିଲେ। ପରେ ନିଜେ କେନ୍ଦ୍ରମନ୍ତ୍ରୀ ମଧ୍ୟ ବିଦ୍ୟାଳୟକୁ ପରିଦର୍ଶନ କରିଛନ୍ତି।
ଆଗମୀ ଦିନରେ ଥିବା ବିଦ୍ୟାଳୟର ୭୫ ବର୍ଷ ପୁର୍ତ୍ତି ଅବସରେ ହେବାକୁ ଥିବା ପ୍ଲାଟିନମ ଜୁବଲି ବିଷୟରେ ମଧ୍ୟ ଅବଗତ କରାଇଥିଲେ। ପରେ କେନ୍ଦ୍ରମନ୍ତ୍ରୀ ଦେବଗଡ଼ ଜିଲ୍ଲା ଅନେକ କାର୍ଯ୍ୟକ୍ରମରେ ବାହାରି ଯାଇଛନ୍ତି।
ଅଧିକ ପଢ଼ନ୍ତୁ ରାଜନୀତି ଖବର
ଅର୍ଗସ ବ୍ୟୁରୋ: ଖଲ୍ଲିକୋଟ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥରେ ଥିବା ଗୁରାପଲୀ ଟୋଲ ଗେଟ ନିକଟରେ ଗୋଟିଏ ପାର୍ଶ୍ଵରୁ ଅନ୍ୟ ପାର୍ଶକୁ ରାସ୍ତା ପାର ହେଉଥିବା ଏକ ବାଇକ ଚାଳକଙ୍କୁ କୌଣସି ଅଜଣା ଗାଡି ଧକ୍କା ଦେଇ ଚାଲିଯିବା ଫଳରେ ବାଇକ ଚାଳକ ଗୁରୁତର ଆହତ ହୋଇଥିବା ଜଣାପଡିଛି।
ଯୁବକ ଜଣକ ହେଲେ ମାଣିକ୍ୟପୁର ଗ୍ରାମର ଜଗବନ୍ଧୁ ଗୌଡଙ୍କ ପୁଅ ମୁନା ଗୌଡ। ସେ ନିଜ ଗ୍ରାମକୁ ଫେରୁଥିବା ବେଳେ ଘଟିଥିଲା ଅଘଟଣ। ସେ ଦୁର୍ଘଟଣାଗ୍ରସ୍ତ ହୋଇ ପଡିଥିବା ବେଳେ ସ୍ଥାନୀୟ ଲୋକମାନେ ୧୧୨କୁ ଫୋନ କରିଥିଲେ। ତୁରନ୍ତ ଅଗ୍ନିଶମ ବାହିନୀ ପହଞ୍ଚି ଆହତ ଯୁବକଙ୍କୁ ଚିକିତ୍ସା ପାଇଁ ନିକଟସ୍ଥ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ। ଅବସ୍ଥା ଗୁରୁତର ହେବାରୁ ତାଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ପଠାଯାଇଛି।
ଅଧିକ ପଢ଼ନ୍ତୁ ଓଡ଼ିଶା ଖବର
ନୂଆଦିଲ୍ଲୀ: କାନାଡା ପ୍ରଧାନମନ୍ତ୍ରୀଙ୍କୁ କାନାଡା ଗଣମଧ୍ୟମର ସମାଲୋଚନା। ଖଲିସ୍ତାନୀ ଆତଙ୍କବାଦୀ ହାର୍ଦ୍ଦିକ ସିଂ ନିଜାରର ହତ୍ୟାରେ ଭାରତର ସମ୍ପୃକ୍ତି ଥିବା ନେଇ କାନାଡାର ଅଭିଯୋଗ ପରେ କାନାଡା ଓ ଭାରତ ମୁହାଁମୁହିଁ ହୋଇଛନ୍ତି। ଉଭୟ ଦେଶ ମଧ୍ୟରେ କୂଟନୈତିକ ଯୁଦ୍ଧ ଆରମ୍ଭ ହୋଇଛି। କିନ୍ତୁ କାନାଡାର ଗଣମାଧ୍ୟମ ଏହି ପ୍ରସଙ୍ଗରେ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କୁ ସମାଲୋଚନା କରିଛି। ଭାରତ ଦ୍ୱାରା ଆତଙ୍କବାଦୀ ଘୋଷିତ ହୋଇଥିବା ନିଜାରଙ୍କ ହତ୍ୟାରେ ଭାରତକୁ ଦାୟୀ କରିବା ଦାୟିତ୍ୱହୀନ ବୋଲି କାନାଡା ଗଣମାଧ୍ୟମ ଟ୍ରୁଡୋଙ୍କୁ ପ୍ରଶ୍ନ କରିଛି।
କାନାଡାର ଗଣମାଧ୍ୟମ ଏନେଇ କହିଛି, ଦେଶରେ ଦ୍ରୁତ ଗତିରେ ନିଜର ଲୋକପ୍ରିୟତା ହରାଇବା ଭିତରେ ଟ୍ରୁଡୋ ଏହି ପ୍ରସଙ୍ଗ ଉଠାଇଛନ୍ତି ଏବଂ ଯଦି ସେ ଏହାକୁ ଠିକ ପ୍ରମାଣ କରିପାରୁ ନାହାଁନ୍ତି, ତେବେ ଦେଶରେ ଓ ବିଶ୍ୱ ସ୍ତରରେ ଦେଶର ସମ୍ମାନ ହାନି ହେବ। କାନାଡାର ଅଗ୍ରଣୀ ଖବରକାଗଜ ନ୍ୟାଶନାଲ ପୋଷ୍ଟ ଏହାର ସମ୍ପାଦକୀୟରେ ଲେଖିଛି ଯେ, ଟ୍ରୁଡୋ ଏପର୍ଯ୍ୟନ୍ତ ପ୍ରମାଣ ଦେଇ ପାରି ନାହାନ୍ତି। ସେ କାନାଡାବାସୀଙ୍କୁ ଅଭିଯୋଗର କୌଣସି ପ୍ରମାଣ ଦେଖାଇବାରେ ବିଫଳ ହୋଇଛନ୍ତି।
ଅଧିକ ପଢନ୍ତୁ ବିଦେଶ ଖବର
