ଏହି ଘଟଣାରେ ପଶ୍ଚିମବଙ୍ଗ ସରକାରଙ୍କ ବେପରୁଆ ପଦକ୍ଷେପକୁ ବିରୋଧ କରି ଟିଏମ୍ସିର ରାଜ୍ୟସଭା ସାଂସଦ ଜୱାହର ସରକାର,ସାଂସଦ ପଦରୁ ଇସ୍ତଫା ଦେଇଛନ୍ତି। ଦିଦିଙ୍କ ବିରୋଧରେ କ୍ଷୋଭ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ତଥା ଟିଏମ୍ସି ସୁପ୍ରିମୋ ମମତା ବାନାର୍ଜୀଙ୍କୁ ଲେଖିଥିବା ଚିଠିରେ ସରକାର ନିଜ ଦଳର ଦିଗହରା ଆଭିମୁଖ୍ୟ ବିଷୟରେ ଲେଖିଛମନ୍ତି । ଆର୍ଜି କର କାଣ୍ଡ ପରେ ସରକାର ନେଇଥିବା ପଦକ୍ଷେପ ଓ ସରକାରଙ୍କ ଆଭିମୁଖ୍ୟ ଦଳକୁ ବଦନାମ କରିଛି ବୋଲି ଦର୍ଶାଇ ସରକାର ଏଥିପାଇଁ ମମତାଙ୍କୁ ସିଧାସଳଖ ଟାର୍ଗେଟ କରି ଅସନ୍ତୋଷ ମଧ୍ୟ ବ୍ୟକ୍ତ କରିଛନ୍ତି। ସେପଟେ ଏହି ଘଟଣାରେ ସିବିଆଇ ତଦନ୍ତ କରୁଛି । ମୁଖ୍ୟ ଅଭିଯୁକ୍ତ ସଞ୍ଜୟ ରୟ,ଦିନକୁ ଦିନ ଏହି ଘଟଣାରେ ତାର ମନ୍ତବ୍ୟ ବଦଳାଉଛି। ଏହି ଘଟଣାର ଅନ୍ୟତମ ମୁଖ୍ୟ କର୍ପୋଟଦାର ମେଡିକାଲ କଲେଜର ପୂର୍ବତନ ଅଧ୍ୟକ୍ଷ ସନ୍ଦୀପ ଘୋଷଙ୍କୁ ମଧ୍ୟ ଦୁର୍ନୀତି ମାମଲାରେ ଗିରଫ କରାଯାଇଛି । ଏହି ଦୁଇଜଣଙ୍କ ସହ କୁଆଡେ ରହିଛି ଟିଏମସି ଲିଙ୍କ୍ ବୋଲି ଚର୍ଚ୍ଚା ଜୋର ଧରିଛି। କେବେ ମିଳିବ ନ୍ୟାୟ ଅପେକ୍ଷା ସମୟକୁ
Kolkata Shame: Mamata's Durga Puja comment years victim's mother
- Follow us |
|
|
|
ଅର୍ଗସ ବ୍ୟୁରୋ:ସରୁନି ଲୁଚକାଳି ଖେଳ,ନ୍ୟାୟ ଲଢେଇ ଆଉ କେତେ ଦିନ?। ଅଗଷ୍ଟ ୯ରୁ ସେପ୍ଟେମ୍ବର ୧୦,କୋଲକାତାର ଆର୍ଜି କର ମେଡିକାଲ କଲେଜରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ବିତିଛି ଗୋଟିଏ ମାସ,ହେଲେ ଏଯାଏ ମିଳିପାରିନି ପୀଡ଼ିତାଙ୍କୁ ନ୍ୟାୟ । ନ୍ୟାୟ ଦେବାରେ ଫେଲ୍ ମାରିଛନ୍ତି ଟିଏମସି ସରକାର,ନ୍ୟାୟ ପାଇଁ ରାଜରାସ୍ତାକୁ ଓହ୍ଲାଇଛନ୍ତି ଡାକ୍ତରଙ୍କୁ ଠୁ ଆରମ୍ଭ କରି ଛାତ୍ରଛାତ୍ରୀ,ହଜାର ହଜାର ଜନସାଧାରଣ। ଆଉ ଏଭଳି ଘଡିସନ୍ଦି ମୁହୁର୍ତ୍ତରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏସବୁକୁ ଭୁଲି ଆସୁଥିବା ଦୂର୍ଗାପୂଜା ଉପରେ ଧ୍ୟାନ ଦେବାକୁ କହିଛନ୍ତି। ସେ ଆହୁରୀ ମଧ୍ୟ କହିଛନ୍ତି ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାକୁ ଗୋଟିଏ ମାସରୁ ଉର୍ଦ୍ଦ ବିତିଗଲାଣି,ଆପଣମାନେ ସେ ଗୁଡିକୁ ଭୁଲିଯାଆନ୍ତୁ। ତାଙ୍କର ଏଭଳି ମନ୍ତବ୍ୟ ଲୋକଙ୍କ ଭିତରେ ତୀବ୍ର ଅସନ୍ତୋଷ ସୃଷ୍ଟି କରିଛି। ଆଉ ଏବେ ନିଆଁରେ ଘିଅ ଢାଳିବା ପରି ହୋଇଛି। ଦିଦିଙ୍କ ଉପରେ ବର୍ଷିଛନ୍ତି ପୀଡ଼ିତାଙ୍କ ମାଆ,କହିଛନ୍ତି ଆମେ ଯେତେବେଳେ ଆମ ଝିଅକୁ ହରାଇଛୁ ଆମର ପର୍ବପର୍ବାଣୀ କ’ଣ ହେବ? ଆମେ ପର୍ବପର୍ବାଣୀ ଆମ ଝିଅ ସହ ପାଳନ କରୁ। ଆଗାମୀ କୌଣସି ବର୍ଷରେ ଆମ ପାଇଁ କିଛି ପର୍ବ ନାହିଁ ବୋଲି କହିଛନ୍ତି ପୀଡିତାଙ୍କ ବାପା ମା। ମାତ୍ର ଜଣେ ମୁଖ୍ୟମନ୍ତ୍ରୀ ସହ ଜଣେ ନାରୀ ହୋଇ ମଧ୍ୟ ଏମିତି କେମିତି କହିପାରୁଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ,ସୋସିଆଲ ମିଡିଆରେ ମମତାଙ୍କୁ ମଧ୍ୟ ପ୍ରବଳ ବିରୋଧ କରାଯାଉଛି,ଅନେକ ପ୍ରଶ୍ନ ମଧ୍ୟ କରିଛନ୍ତି ମମତାଙ୍କ ମମତା ଗଲା କୁଆଡେ।
ଅର୍ଗସ ବ୍ୟୁରୋ: କୋଲକାତାରେ ଶ୍ରୀ ମନ୍ଦିର । ସେହି ସିଂହ ଦ୍ଵାର, ସେହି ପତିତପାବନ, ସେହି ଅରୁଣ ସ୍ତମ୍ଭ । ସବୁକିଛି ଅବିକଳ ଶ୍ରୀମନ୍ଦିର ପରି । ଆପଣ ଏସବୁ ଦେଖି କିଛି ସମୟ ପାଇଁ ଭ୍ରମରେ ପଡ଼ିଯିବେ, ଆଉ ଭାବୁଥିବା ଏ ପୁରୀ ନୁହଁ ତ । ନା ଏ ଦୃଶ୍ୟ ହେଉଛି କୋଲକାତା ଏକଡାଲିଆ ଏଭରଗ୍ରୀନ ପୂଜା ପେଣ୍ଡାଲର । ମନ୍ଦିର ଭିତରକୁ ଯିବା ମାତ୍ରେ ମାଆଙ୍କ ପ୍ରତିମା ସହ ବିଦ୍ୟମାନ କାଳିଆ ସାଆନ୍ତ । ଯେଉଁ ଆଡେ ଆପଣଙ୍କ ଆଖି ଯିବ ସେପଟେ ଆପଣ ପାଇବେ ସେହି ଭାବ ବିନୋଦିଆକୁ । କୋଲକାତାରେ ଜଗତର ନାଥ ଜଗନ୍ନାଥଙ୍କୁ ଦର୍ଶନ କରି ଅଭିଭୂତ ଶ୍ରଦ୍ଧାଳୁ ।
କୋଲକାତାରେ ତ ଆପଣ ପୁରୀ ବୁଲି ଆସିଲେ, ଏବେ ଚାଲନ୍ତୁ ଯିବା ମେଟ୍ରୋ ଷ୍ଟେସନକୁ । ଏଠି ଲୋକ ଯିବା ଆସିବା କରିବା ସହ ଲାଗିଛି ଗହଳି ଚହଳି । ଫ୍ଲାଟଫର୍ମ ସହ ପାଣି ଭିତରେ ମେଟ୍ରୋ ଚାଲିବାର ଭ୍ରମ ବି ସୃଷ୍ଟି ହେଉଛି । କାରଣ ଏ ମେଟ୍ରୋ ଷ୍ଟେସନ ନୁହଁ । ଏହା ହେଉଛି ଉତ୍ତର କୋଲକାତା ଜଗତ ମୁଖାର୍ଜୀ ପାର୍କ ପୂଜା ପେଣ୍ଡାଲ । ଅଣ୍ଡର ୱାଟର ମେଟ୍ରୋ ଟ୍ରେନ ଚାଲିବା ଫଳରେ ପୂର୍ବରୁ କିପରି ଗଙ୍ଗା ନଦୀ ଦୂଷିତ ହେଉଛି ତାହା ଦର୍ଶାଯାଇଛି ଏହି ପେଣ୍ଡାଲରେ । ଯାହାର ଥିମ୍ ରହିଛି- ପ୍ଲାଟଫର୍ମ ହାୱଡା ମଇଦାନ ।
ଅଧିକ ପଢ଼ନ୍ତୁ ଦେଶ ଖବର:
ଅର୍ଗସ ବ୍ୟୁରୋ: ସାରାରାଜ୍ୟରେ ପୂଜା ଧୁମ୍ । ନୂଆପଡ଼ାରୁ ନବରଙ୍ଗପୁର । ମୟୂରଭଞ୍ଜରୁ ମାଲକାନଗିରି । ଶକ୍ତିପୀଠରେ ଭକ୍ତିମୟ ପରିବେଶରେ ଆଦିଶକ୍ତିଙ୍କୁ ଆବାହନ କରାଯାଉଛି । ଘଣ୍ଟଘଣ୍ଟା, ଶଙ୍ଖ ଓ ମନ୍ତ୍ର ଉଚ୍ଚାରଣରେ କମ୍ପୁଛି ପୂଜା ମଣ୍ଡପ । ଦୁର୍ଗତୀ ନାଶିନୀଙ୍କ ଦର୍ଶନ ପାଇଁ ସଂଧ୍ୟା ହେଲେ ମଣ୍ଡପରେ ଲାଗୁଛି ପ୍ରବଳ ଗହଳି । ନବରଙ୍ଗପୁର ଜିଲ୍ଲାରେ ଆକର୍ଷଣ ସାଜିଛି ପାପଡ଼ାହାଣ୍ଡି ଦୁର୍ଗାପୂଜା । ଏଠି ୨ଟି ସ୍ଥାନରେ ପୂଜା ହେଉଥିବା ବେଳେ, ପୂଜାକୁ ପୁରିଛି ୨୫ ବର୍ଷ । ଏହି ଅବସରରେ ଅଯୋଧ୍ୟାର ରାମ ମନ୍ଦିର ଆକୃତିର ମଣ୍ଡପ କରାଯାଇଛି । ଯାହାକୁ ଦେଖିବାକୁ ଶ୍ରଦ୍ଧାଳୁଙ୍କ ସୁଅ ଛୁଟୁଛି ।
ଭଦ୍ରକର ବହୁ ପୁରାତନ ଜାନୁଗଞ୍ଜ ପୂଜା ମଣ୍ଡପରେ ବେଶ ଧୂମଧାମରେ ମାଆଙ୍କ ପୂଜାର୍ଚନା କରାଯାଉଛି । ଆଜି ମାଙ୍କ ମହାନବମୀ ପୂଜା ଥିବା ବେଳେ ଶ୍ରଦ୍ଧାଳୁଙ୍କ ଭିଡ଼ ଲାଗିଥିଲା ମଣ୍ଡପରେ । ମାଙ୍କ ପାଖରେ ହୋମଯଜ୍ଞ ସହ ପୂଜା ପାଠ କରାଯାଉଛି । ଏହି ପୂଜା କମିଟିର ବିଶେଷ ଆକର୍ଷଣ ହେଉଛି ରାବଣ ପୋଡି ଉତ୍ସବ । ସାଳନ୍ଦୀ ନଦୀ କୂଳରେ ଏହି ରାବଣ ପୋଡି ଦେଖିବା ପାଇଁ ଶହ ଶହ ଶ୍ରଦ୍ଧାଳୁ ମାନଙ୍କ ସମାଗମ ହୋଇଥାଏ । ମୟୂରଭଞ୍ଜ ଜିଲ୍ଲା ମୋରଡ଼ା ବ୍ଲକ ସାତଭାୟାରେ ମହା ଆଡ଼ମ୍ବରରେ ମହା ନବମୀ ପୂଜା ହେଉଛି । ୧୧ ବର୍ଷ ଧରି ଏଠି ମାଆ ପୂଜା ପାଇ ଆସୁଛନ୍ତି । ଦିନେ ଏଠି ଚୋରି ଡକାୟତି ଲୁଟପାଟ୍ ସହ ମାଓବାଦୀଙ୍କ ଉପଦ୍ରବ ଥିଲା । ହେଲେ ମାଆଙ୍କ ପୂଜାର୍ଚ୍ଚନା ପରେ ଲୋକେ ନିର୍ଭୟରେ ଏଠି ବସବାସ କରୁଛନ୍ତି ।
କଳାହାଣ୍ଡି ନର୍ଲା ରୋଡ଼ ଦୁର୍ଗା ପୀଠ ସମେତ ନର୍ଲାର ବିଭିନ୍ନ ସ୍ଥାନରେ ନବରାତ୍ର ଦୁର୍ଗା ପୂଜା ପାଇଁ ଉତ୍ସବ ମୁଖର ହୋଇଉଠିଛି । ଚଳିତ ବର୍ଷ ସାର୍ବଜନୀନ ନବରାତ୍ର ଦୁର୍ଗାପୂଜା ଏଠି 52 ବର୍ଷରେ ପଦାର୍ପଣ କରିଛି । ପ୍ରତ୍ୟେକ ଦିନ ସନ୍ଧ୍ୟା ଆଳତୀରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ଲାଗୁଛି । ପୂର୍ବରୁ ମାଆଙ୍କ ମୂର୍ତ୍ତି ପୂଜା ହେଉଥିଲା ଗତ ଦୁଇ ବର୍ଷ ହେଲାଣି ମନ୍ଦିର ନିର୍ମାଣ ହୋଇ ପୀଠରେ ପୂଜା ପାଉଛନ୍ତି l ସେପଟେ ଉପାନ୍ତ ନୂଆପଡ଼ା ବୋଡେନରେ ଜମୁଛି ଦୁର୍ଗାପୂଜା । କେଦାରନାଥ ମନ୍ଦିର ସଦୃଶ୍ୟ ପୂଜା ମଣ୍ଡପରେ ପୂଜା ପାଉଛନ୍ତି ମାଆ ଦୁର୍ଗା l ଯେଉଁଠି ପ୍ରତିଦିନ ଦୁର୍ଗମ ବାସୀଙ୍କ ଜମୁଛି ଭିଡ଼ । ଆକର୍ଷଣୀୟ ତୋରଣ ସାଙ୍ଗକୁ ଆଲୋକ ମାଳାରେ ଝଲସୁଛି ଉପାନ୍ତ ବୋଡେନ l ପ୍ରତିଦିନ ସାଂସ୍କୃତିକ ସନ୍ଧ୍ୟାରେ ଜମୁଛି ଉପାନ୍ତ ବାସୀଙ୍କ ଭିଡ଼ l
ଗଞ୍ଜାମ ଜିଲ୍ଲା ମାଣ୍ଡିଆପୁଲ୍ଲୀ ଠାରେ ଗୁପ୍ତା ସମାଜ ପକ୍ଷରୁ ଦୁର୍ଗା ପୂଜା ଅନୁଷ୍ଠିତ ହୋଇଯାଇଛି l ପ୍ରତ୍ୟେକ ଦିନ ଏଠାରେ ମାଁଙ୍କ ପୂଜା ନୀତିକାନ୍ତି ସହିତ ଅନୁଷ୍ଠିତ ହେଉଥିବା ବେଳେ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଓ ପ୍ରସାଦ ସେବନ ମଧ୍ୟ ଅନୁଷ୍ଠିତ ହେଉଛି l
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ : ଇରାନରେ ବଡ ସାଇବର୍ ଆଟାକ୍ । ଶନିବାର ଇରାନ୍ ର ନିଉକ୍ଲିଅର୍ ସାଇଟ ସହିତ ଆହୁରି ଅନେକ ପ୍ରତିଷ୍ଠାନ ଉପରେ ସାଇବର୍ ଆଟାକ୍ ହୋଇଛି ।ଏହି ଆଟାକ୍ ପରେ ଇରାନ ର ସମସ୍ତ ସରକାରୀ ଏଜେନ୍ସିର କାର୍ଯ୍ୟ ବାଧାପ୍ରାପ୍ତ ହୋଇଛି । ଇରାନ ଏବଂ ଇସ୍ରାଏଲ୍ ମଧ୍ୟରେ ବିବାଦ ଅଧିକ ରୁ ଅଧିକ ଘନିଭୁତ ହେଉଥିବା ବେଳେ ଇରାନ୍ ଉପରେ ଏପରି ସାଇବର୍ ଆଟାକ୍ ଇସ୍ରାଏଲ୍ ର ପ୍ଲାନ ବୋଲି କୁହାଜାଇଛି ।
ଅଧିକ ପଢନ୍ତୁ : ମଧ୍ୟପ୍ରାଚ୍ୟ ଯୁଦ୍ଧ : ଋଷିଆ ଶରଣ ପଶିଲା କି ଇରାନ ?
ସାଇବର୍ ଆଟାକ୍ ରେ ଇରାନ ର ପରମାଣୁ କେନ୍ଦ୍ରର କାଯ୍ୟାଳୟ ଉପରେ ଇସ୍ରାଏଲ୍ ଆଟାକ୍ କରିବା ପରେ ଇରାନ୍ ପାଇଁ ଚିନ୍ତା ବଢିଛି । ଅକ୍ଟୋବର ୧ ରେ ଇସ୍ରାଏଲ ଉପରେ ଇରାନର ନିସାଇଲ୍ ଆଟାକ୍ ପରେ ଇସ୍ରାଏଲ୍ ଏହାର ପ୍ରତିଶୋଧ ନେବା ପାଇଁ ପ୍ରସ୍ତୁତି କରୁଥିଲା । ତେବେ ଏହି ସାଇବର ଆଟାକ୍ ଏହାତ ଫାଷ୍ଟ ସ୍ଟେପ୍ ବୋଲି କୁହାଯାଉଛି ।
