30 ଦିନରେ 4 ଥର ଦିଲ୍ଲୀରେ ଭୂକମ୍ପନ...

ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ପୁଣିଥରେ ଭୂକମ୍ପର ର ଝଟକା ଅନୁଭୂତ ହୋଇଛି। ତେବେ ରିକ୍ଟର ସ୍କେଲରେ ଏହାର ତୀବ୍ରତା ମାତ୍ର 2.2 ରହିଥିଲା। ଏହି କାରଣରୁ ବହୁତ କମ୍ ଲୋକ ଏହାକୁ ଅନୁଭବ କରିଛନ୍ତି |

ଗତ କିଛି ଦିନ ହେବ ଦେଶର ରାଜଧାନୀରେ ଅନେକ ଥର ଭୂକମ୍ପ ଅନୁଭୂତ ହୋଇଛି। ତେବେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି  ଏପର୍ଯ୍ୟନ୍ତ କୌଣସି ଧନ ଜୀବନ ନଷ୍ଟ ହୋଇନାହିଁ। ଗତ 30 ଦିନ ମଧ୍ୟରେ ଚତୁର୍ଥ ଥର ପାଇଁ ଦିଲ୍ଲୀ ରେ ଭୂକମ୍ପ ହୋଇଥିବାରୁ ଲୋକେ ଆତଙ୍କିତ ହୋଇ ପଡିଛନ୍ତି।

ଆଜିର  ଭୂକମ୍ପର କେନ୍ଦ୍ରସ୍ଥଳ ପ୍ରୀତମପୁରା  ଅଞ୍ଚଳରେ ଥିଲା। ଏହା ପୂର୍ବରୁ ମେ 10 ଅପରାହ୍ନ 1.45 ସମୟରେ ଭୂକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହାର ତୀବ୍ରତା ଥିଲା 3.5। ଏହା ପୂର୍ବରୁ ଏପ୍ରିଲ 12 ଏବଂ 13 ରେ ମଧ୍ୟ ଦିଲ୍ଲୀରେ ଭୁକମ୍ପନ ଅନୁଭୂତ ହୋଇଥିଲା। ଏପ୍ରିଲ୍ 12 ରେ ହୋଇଥିବା ଭୂକମ୍ପର ତୀବ୍ରତା 3.5 ଥିଲାବେଳେ ଏପ୍ରିଲ୍ 13 ରେ ହୋଇଥିବା ଭୂକମ୍ପର ମାତ୍ରା 2.7 ଥିଲା।

ଭୂକମ୍ପନ ଦୃଷ୍ଟିରୁ ଦିଲ୍ଲୀ ସବୁବେଳେ ଏକ ସମ୍ବେଦନଶୀଳ ଅଞ୍ଚଳ ଭାବରେ ବିବେଚନା କରାଯାଏ। ମାକ୍ରୋ ସେସମିକ୍ ଜୋନ ମ୍ୟାପିଂରେ ଭାରତକୁ 4 ଟି ଜୋନ୍ ରେ ବିଭକ୍ତ କରାଯାଇଛି | ଏହା ଜୋନ୍ 2 ରୁ 5 ପର୍ଯ୍ୟନ୍ତ ଅଟେ | ଜୋନ୍-୨ ସର୍ବନିମ୍ନ ସମ୍ବେଦନଶୀଳ ଅଞ୍ଚଳ ହୋଇଥିବାବେଳେ ଜୋନ୍ -5 ସବୁଠୁ ଅଧିକ  ଭୂକମ୍ପ ହେବାର ସମ୍ଭାବନା। ଦିଲ୍ଲୀ ଜୋନ୍ -4 ରେ ରହିଛି।