ଦେଶ ବିରୋଧୀ ମନ୍ତବ୍ୟ ପାଇଁ ମେହେବୁବା ମୁଫ୍ତିଙ୍କର ଗିରଫ ଦାବି କରାଯାଇଛି । ତ୍ରିରଙ୍ଗାକୁ ଅପମାନିତ କରିବା ଅର୍ଥ ଦେଶକୁ ଅପମାନ । ଯେଉଁ ଜାମ୍ମୁକାଶ୍ମୀରରେ ୩୭୦ ଧାରା ପୁନଃ ଲାଗୁ ପାଇଁ ସେ ଏପରି ମନ୍ତବ୍ୟ ଦେଇଛନ୍ତି ସେଠାରେ ତାଙ୍କୁ ବିରୋଧ କରି ବିଶାଳ ବିକ୍ଷୋଭ ରାଲରି ଆୟୋଜନ କରିଛନ୍ତି ଡୋଗ୍ରା ଫ୍ରଂଟ୍ ଅନ୍ୟ କେତେକ ସଂଗଠନ । ଏବେ ଆହୁରି ବଢ଼ିବାକୁ ଯାଉଛି ମୁଫ୍ତିଙ୍କ ଅଡ଼ୁଆ । ସୁପ୍ରିମକୋର୍ଟର ଜଣେ ଆଇନଜିବୀ ଭିନିତ୍ ଜିନ୍ଦଲ ଦିଲ୍ଲୀ ପୁଲିସ୍ କମିଶନରଙ୍କୁ ଚିଠି ଲେଖି ମୁଫ୍ତିଙ୍କ ବିରୋଧରେ କେଶ୍ ରୁଜୁ ପାଇଁ ପ୍ରାର୍ଥନା କରିଛନ୍ତି । ଆଇପିସିର ଧାରା ୧୨୧, ୧୫୧, ୧୫୩-ଏ, ୨୯୫, ୨୯୮, ୫୦୪, ୫୦୫ ଏବଂ ନ୍ୟାସନାଲ ଅନର୍ ଆକ୍ଟ୍ ବିଭିନ୍ନ ଧାରାରେ ମେହେବୁବାଙ୍କୁ ଗରିଫ୍ ପାଇଁ ପ୍ରାର୍ଥନା କରିଛନ୍ତି ଆଇନଜିବୀ । ଦେଶ ବିରୋଧି ମନ୍ତବ୍ୟ ତାଙ୍କ ପାଇଁ ଆଗକୁ ମହଙ୍ଗା ପଡ଼ିବ ଏବଂ ସେ ଏଥିପାଇଁ ଗିରଫ ହୋଇପାରନ୍ତି ବୋଲି କୁହାଯାଉଛି ।
ଜାମ୍ମୁକାଶ୍ମୀରେ ୩୭୦ ଧାରା ପୁଣି ଲାଗୁ କରିବା ପାଇଁ ଏନ୍ସି, ପିଡ଼ିପି, କଂଗ୍ରେସ, କମ୍ୟୁନିଷ୍ଟ୍ ଦଳମାନଙ୍କ ଦ୍ୱାରା ଗଠିତ ହୋଇଥିବା ଗୁପକାର୍ ଗୋଷ୍ଠି ନିଜର ଉଦ୍ଦେଶ୍ୟ ସାଧନ ପାଇଁ ଗୋଟିଏ ପରେ ଗୋଟିଏ ବିବାଦୀୟ ମନ୍ତବ୍ୟ ଦେଇ ଚାଲିଛନ୍ତି ଯାହା ସେମାନଙ୍କର ଦେଶ ବିରୋଧି ଏଜେଣ୍ଡାକୁ ପଦାରେ ପକେଇଛି ।
