ଅର୍ଗସ ପାଳିଲା ଅନ୍ତର୍ଜାତୀୟ ମହିଳା ଦିବସ ..
ଅର୍ଗସ ବ୍ୟୁରୋ : ବିଶ୍ୱ ମହାମାରୀ କୋଭିଡ -19 ବିରୋଧରେ ଭାରତର ଭୂମିକାକୁ ମଙ୍ଗଳବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶଂସା କରିଛନ୍ତି। ସେ କହିଛନ୍ତି, ବିଶ୍ୱ ଟିକାକରଣରେ ଭାରତ ଏକ ପ୍ରମୁଖ ଭୂମିକା ଗ୍ରହଣ କରୁଛି। ସମାଜର କଲ୍ୟାଣ ପାଇଁ ଆମର ଲକ୍ଷ୍ୟ ଯେତିକି ଘରୋଇ, ସେତିକି ବିଶ୍ୱବ୍ୟାପୀ। ବିଶେଷ କରି କୋଭିଡ ପରେ ବିଶ୍ୱ ସ୍ୱାସ୍ଥ୍ୟ ଏବଂ ସୁସ୍ଥତାକୁ ଗମ୍ଭୀରତାର ସହ ନେଉଛି।
ମହାମାରୀ ସମୟରେ ପ୍ରତିଷେଧକ ସ୍ୱାସ୍ଥ୍ୟ ସେବା ଉପରେ ବ୍ୟାପକ କାର୍ଯ୍ୟ କରାଯାଇଛି ବୋଲି ମୋଦି କହିଛନ୍ତି। ଆୟୁଷ୍ମାନ ଭାରତ ଯୋଜନା ଅଧୀନରେ ସୁବିଧା ପାଇଥିବା ଲୋକଙ୍କ ସଂଖ୍ୟା ଆମେରିକା ଏବଂ ଅନେକ ୟୁରୋପୀୟ ଦେଶର ଜନସଂଖ୍ୟା ତୁଳନାରେ ବହୁତ ଅଧିକ। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଏହା ହେଉଛି ବିଶ୍ୱର ସବୁଠାରୁ ବଡ ସ୍ୱାସ୍ଥ୍ୟସେବା ଯୋଜନା।
ଶ୍ରୀ ରାମଚନ୍ଦ୍ର ମିଶନର 75ବର୍ଷ ପୂର୍ତ୍ତି ପାଇଁ ଆୟୋଜିତ ଏକ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି। ସେ କହିଛନ୍ତି ଯେ, କରୋନା ସମୟରେ ଛୋଟ ଛୋଟ ସଙ୍କଟକୁ କିପରି ଦୂର କରାଯାଇପାରିବ ସମଗ୍ର ବିଶ୍ୱ ଏହାର ଏକ ଉଦାହରଣ ଦେଖିଛି। 130 କୋଟି ଭାରତୀୟଙ୍କ ସଜାଗତା କରୋନା ଯୁଦ୍ଧରେ କିପରି ଏକ ଉଦାହରଣ ପାଲଟିଛି ତାହାର ମଧ୍ୟ ଆମେ ସାକ୍ଷୀ ଅଟୁ। ଏଥିରେ ଆମ ଘରେ ଶିକ୍ଷା, ଅଭ୍ୟାସ ଏବଂ ଯୋଗ-ଆୟୁର୍ବେଦ ମଧ୍ୟ ବହୁତ ବଡ଼ ଭୂମିକା ଗ୍ରହଣ କରିଛି।
ସେ କହିଛନ୍ତି, ଏହି ମହାମାରୀ ଆରମ୍ଭରେ ଭାରତର ସ୍ଥିତିକୁ ନେଇ ସାରା ବିଶ୍ୱ ଚିନ୍ତିତ ଥିଲା। କିନ୍ତୁ ଆଜି କରୋନା ସହ ଭାରତର ସଂଗ୍ରାମ ବିଶ୍ଵକୁ ପ୍ରେରଣା ଯୋଗାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ କୋଭିଡ -19 ମହାମାରୀ ପରେ ଆଜି ବିଶ୍ୱ ସ୍ୱାସ୍ଥ୍ୟ ପ୍ରତି ଅତ୍ୟନ୍ତ ଗମ୍ଭୀର ଏବଂ ଏହି ପ୍ରସଙ୍ଗରେ ଭାରତର ଅନେକ କିଛି ପ୍ରସ୍ତାବ ରହିଛି।
