ବୟସ ମାତ୍ର 3 ବର୍ଷ ,ହେଲେ ସେ ଏବେ କୁନି ମଡ଼େଲ ଭାବେ ବେଶ ପରିଚିତ
ଅର୍ଗସ ବ୍ୟୁରୋ: LACରେ ପୈଙ୍ଗୋଙ୍ଗ ହ୍ରଦର ଉତ୍ତର ଏବଂ ଦକ୍ଷିଣ କୂଳରେ ଭାରତ ଏବଂ ଚୀନ ମଧ୍ୟରେ 'ଅସନ୍ତୋଷ' ଦେଖା ଦେଇଥିବା ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଅଭିଯୋଗ ଉପରେ ବିଜେପି ରାଷ୍ଟ୍ରୀୟ ସଭାପତି ଜେ.ପି ନଡ୍ଡା ଶୁକ୍ରବାର ଦିନ ତାଙ୍କୁ କଡା ଜବାବ ଦେଇଛନ୍ତି।
ବିଜେପି ସଭାପତି ଜେପି ନଡ୍ଡା ଭିଡିଓ ଡକ୍ୟୁମେଣ୍ଟାରୀର ଏକ ଅଂଶ ଟ୍ଵିଟ କରି କହିଛନ୍ତି ଯେ, କୌଣସି ଭାରତୀୟ ଜମି ସରକାର ଦେଇ ନାହାଁନ୍ତି। ଯଦି କେହି ହଜାର ହଜାର ବର୍ଗ କିଲୋମିଟର ପରିତ୍ୟାଗ କରିବାର ପାପ କରିଛନ୍ତି, ତେବେ ଏହା ହେଉଛି ଏକ ଦୁର୍ନୀତିଗ୍ରସ୍ତ, ଭୟଭୀତ ରାଜବଂଶ ଯାହା ସେମାନଙ୍କର ଶକ୍ତି ଅକ୍ଷୁର୍ଣ୍ଣ ରଖିବା ପାଇଁ ଦେଶକୁ ଭାଙ୍ଗି ଦେଇଛି।
ବିଜେପି ସଭାପତି ଜେପି ନଡ୍ଡା ଏବିପି ନ୍ୟୁଜର ଡକ୍ୟୁମେଣ୍ଟାରୀ ଭାରତ-ଚୀନ ଯୁଦ୍ଧ ଏପିସୋଡର ଏକ ଅଂଶ ଟ୍ୱିଟ୍ କରିଛନ୍ତି। ଏଥିରେ ଅବସରପ୍ରାପ୍ତ ବ୍ରିଗେଡିୟର୍ ମେଜର ଶ୍ରୀକାନ୍ତ କହିଛନ୍ତି ଯେ ଆମେ ତୱାଙ୍ଗରେ ଚାଇନିଜ୍ ଡମିକୁ ଏନକାଉଣ୍ଟର କରିବାକୁ ତାଲିମ ନେଉଥିଲୁ, ଯାହା ବନ୍ଦ ହୋଇଯାଇଥିଲା।
ଏହି ଟ୍ୱିଟ୍ମାଧ୍ୟମରେ ଜେ.ପି ନଡ୍ଡା ମଧ୍ୟ ଅବସରପ୍ରାପ୍ତ ବାୟୁସେନା କ୍ୟାପଟେନଙ୍କ ଏକ ଭିଡିଓ ଟ୍ୱିଟ୍ କରିଛନ୍ତି ଯେଉଁଥିରେ ସେ କହିଛନ୍ତି ଯେ 26/11 ପରେ ଆମେ ପିଓକେକୁ ଯାଇ ଆତଙ୍କବାଦୀଙ୍କ କ୍ୟାମ୍ପ ଉପରେ ଆକ୍ରମଣ କରିବାକୁ ଯାଉଛୁ କିନ୍ତୁ ସେମାନେ ସେ ଅର୍ଡର ପାଇଁ ମାସେ ଅପେକ୍ଷା କରୁଥିଲେ।
ଏହା ପୂର୍ବରୁ ରାହୁଲ ଗାନ୍ଧୀ LACରେ ସୈନ୍ୟ ପ୍ରତ୍ୟାହାର ନେଇ ପ୍ରଧାନମନ୍ତ୍ରୀ ମୋଦିଙ୍କୁ ଭୟଭୀତ ବୋଲି କହିଛନ୍ତି। ସେ କହିଛନ୍ତି ଯେ, ମୋଦି ସରକାର ସେନାକୁ ପ୍ରତାରଣା କରୁଛନ୍ତି। ଏଥି ସହ ସେ ପ୍ରଧାନମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି ଯେ ଚାଇନାକୁ କାହିଁକି ଭାରତୀୟ ଜମି ଦିଆଗଲା? ରାହୁଲ ଗାନ୍ଧୀ କହିଛନ୍ତି., ମୋଦି ଚାଇନାକୁ କାହିଁକି ଭାରତୀୟ ଅଞ୍ଚଳ ଦେଇଛନ୍ତି? ସେ ଏବଂ ପ୍ରତିରକ୍ଷା ମନ୍ତ୍ରୀ ଏହାର ଉତ୍ତର ଦେବା ଉଚିତ୍। ସେନା କାହିଁକି କୈଲାଶ ପରିସରରୁ ପଛକୁ ଯିବାକୁ କୁହାଗଲା? ଦେପସାଙ୍ଗ ସମତଳ ଅଞ୍ଚଳରୁ ଚୀନ୍ କାହିଁକି ଫେରିଲା ନାହିଁ? ଆମ ଜମି ଫିଙ୍ଗର-4 ପର୍ଯ୍ୟନ୍ତ । ମୋଦି ଚୀନକୁ ଫିଙ୍ଗର -3 ରୁ ଫିଙ୍ଗର -4 ର ଜମି ଧରେଇ ଦେଇଛନ୍ତି।
