ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ହୋଇଥିବା ବୈଠକରେ ଅରବିନ୍ଦ କେଜ୍ରିୱାଲ ଯେଉଁ ସମ୍ୱୋଧନ କରିଥିଲେ, ତାହା ଲାଇଭ କରାଯାଇଥିଲା । ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କ କଥାବର୍ତ୍ତାକୁ ଲାଇଭ କରିବା ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତରଫରୁ ଆପତ୍ତି ପ୍ରକାଶ କରାଯାଇଥିଲା।
ଯାହା ଉପରେ ଏବେ ଦିଲ୍ଲୀ ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି । ମୁଖ୍ୟମନ୍ତ୍ରୀଙ୍କ ସମ୍ୱୋଧନକୁ ସିଧାପ୍ରସାରଣ ନ କରିବା ପାଇଁ କୌଣସି ନିର୍ଦ୍ଦେଶ ଆସି ନଥିଲା । ତେବେ ଏଥିପାଇଁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଦୁଃଖ ପ୍ରକାଶ କରାଯାଇଛି । ସେପଟେ କେଜ୍ରିୱାଲଙ୍କ ଯେଉଁ ଯେଉଁ ପ୍ରସଙ୍ଗ ଉଠାଇଛନ୍ତି ତାକୁ ନେଇ ପାଲଟା ଆକ୍ରମଣ କରିଛି ବିଜେପି । ଦିଲ୍ଲୀ ମୁଖ୍ୟମନ୍ତ୍ରୀ ଏହି ମଞ୍ଚକୁ ରାଜନୀତି ପାଇଁ ବ୍ୟବହାର କରିଛନ୍ତି ।
କେଜ୍ରିୱାଲ ଭ୍ୟାକ୍ସିନର ମୂଲ୍ୟକୁ ନେଇ ଜାଣିଶୁଣି ମିଛ କହିଲେ । ଏହାସହ କେଜ୍ରିୱାଲ ଏୟାରଲିଫ୍ଟ ଜରିଆରେ ଅକ୍ସିଜେନ ସ୍ଥାନାନ୍ତର କଥା କହିଲେ । କିନ୍ତୁ ସେ ଜାଣି ନାହାନ୍ତି ଯେ ଏହି କାମ ପୂର୍ବରୁ ଆରମ୍ଭ ହୋଇସାରିଛି ।
ଏହାସହ କେଜ୍ରିୱାଲ ଅକ୍ସିଜେନ ଏକ୍ସପ୍ରେସ କଥା କହିଥିଲେ, କିନ୍ତୁ ରେଲୱର ସୂତ୍ର ଅନୁସାରେ କେଜ୍ରିୱାଲ ଏନେଇ ରେଲୱେ ସହ କୌଣସି ଆଲୋଚନା କରିନାହାନ୍ତି । ସେପଟେ ବିଜେପି ଆଇଟି ସେଲ ପ୍ରଭାରୀ ଅମିତ ମାଲବୀୟ ଟୁଇଟ କରି କହିଛନ୍ତି, ଅରବିନ୍ଦ କେଜ୍ରିୱାଲ ବିନା କୌଣସି ପ୍ରସ୍ତୁତିରେ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବାକୁ ଆସିଗଲେ ।
