ପ୍ରକୃତି ନୈବ ମୁଚ୍ୟତେ.., ଏୟାର ଷ୍ଟ୍ରାଇକ୍‌କୁ ନେଇ ପୁଣି ପ୍ରଶ୍ନ ଉଠାଇଲେ ସିଦ୍ଧୁ

ନୂଆଦିଲ୍ଲୀ: ସବୁବେଳେ ବିବାଦରେ ରହିବାକୁ ଭଲ ପାଉଥିବା ନେତା ହେଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ । କମେଡି କରି ଲୋକଙ୍କୁ ହସାଉଥିବା ସିଦ୍ଧୁ ଏବେ ଭାରତୀୟଙ୍କ ମନରେ ଆଘାତ ଦେବାକୁ ପଛାଉ ନାହାନ୍ତି । ସବୁବେଳେ ଦେଶ ତଥା ସେନାକୁ ନେଇ ପ୍ରଶ୍ନ କରୁଥିବା ସିଦ୍ଧୁ ଏଥର କିନ୍ତୁ ସବୁ ସୀମା ପାର କରିଛନ୍ତି ।

ପୂର୍ବରୁ ପାକିସ୍ତାନକୁ ପ୍ରଶଂସା କରୁଥିଲେ ଏବେ କିନ୍ତୁ ତା’ର ମିଥ୍ୟାକୁ ସମର୍ଥନ କରିବା ପାଇଁ ସିଦ୍ଧୁ ଶପଥ କରିଥିବା ତାଙ୍କ ବୟାନ ସ୍ପଷ୍ଟ କରୁଛି । ଇଣ୍ଡିଆନ୍‌ ଏୟାରଫୋର୍ସ ଦ୍ୱାରା କରାଯାଇଥିବା ଏୟାର ଷ୍ଟ୍ରାଇକ୍‌ ଏବଂ ଏଥିରେ ପାଖାପାଖି ୩୦୦ ଆତଙ୍କବାଦୀଙ୍କ ମୃତ୍ୟୁ ଖବରକୁ ସିଦ୍ଧୁ ମାନିବାକୁ ନାରାଜ ।

ଗୋଟିଏ ପଟେ ଏହାକୁ ମିଥ୍ୟା କହୁଥିବା ପାକିସ୍ତାନର ପୋଲ୍‌ ଖୋଲୁଥିବା ବେଳେ ସିଦ୍ଧୁ କିନ୍ତୁ ସପକ୍ଷରେ ବାହାରିଛନ୍ତି । ସିଦ୍ଧୁ ଟ୍ୱିଟ୍‌ କରି ଭାରତୀୟ ବାୟୁସେନାର ବୀରତ୍ୱ ଉପରେ ପ୍ରଶ୍ନ ଉଠାଉଛନ୍ତି ବୋଲି କହିବା ଅତ୍ୟୁକ୍ତି ହେବନାହିଁ ।

ସେ ଲେଖିଛନ୍ତି, ‘୩୦୦ ଆତଙ୍କବାଦୀ ନିହତ, ହଁ ନା ନା ? ତେବେ ଏହାର ଉଦ୍ଦେଶ୍ୟ କ’ଣ ଥିଲା ? ଆପଣ ମାନେ ଆତଙ୍କବାଦୀଙ୍କୁ ମାରିବାକୁ ଯାଇଥିଲେ ନାଁ ଗଛ ? ବିଦେଶୀ ଶତ୍ରୁଙ୍କ ସହ ଲଢିବା ନାରେ ଆମମାନଙ୍କ ସହ ଛଳନା ହୋଇଛି ।’

300 terrorist dead, Yes or No? What was the purpose then? Were you uprooting terrorist or trees? Was it an election gimmick? Deceit possesses our land in guise of fighting a foreign enemy. Stop politicising the army, it is as sacred as the state. ऊंची दुकान फीका पकवान| pic.twitter.com/HiPILADIuW

— Navjot Singh Sidhu (@sherryontopp) March 4, 2019

ତେବେ ଦେଶରେ ରହି ଦେଶର ସୁବିଧାକୁ ଉପଭୋଗ କରି ଦେଶ ବିରୋଧୀ ଭାଷଣବାଜି କରୁଥିବା ନେତାଙ୍କୁ କିଭଳି ବ୍ୟବହାର ହେବା ଦରକାର ସେନେଇ ସାଧାରଣରେ ଚର୍ଚ୍ଚା ହେଉଛି ।