ରୋହିତ ଶେଖରଙ୍କ ମୃତ୍ୟକୁ ନେଇ ସସପେନ୍ସ, ସନ୍ଦେହ ଘେରରେ ପୂରା ପରିବାର, କଣ କହୁଛି ପୋଷ୍ଟମର୍ଟମ ରିପୋର୍ଟ ପଢନ୍ତୁ..

ରୋହିତ ଶେଖରଙ୍କ ମୃତ୍ୟକୁ ନେଇ ସସପେନ୍ସ, ସନ୍ଦେହ ଘେରରେ ପୂରା ପରିବାର, କଣ କହୁଛି ପୋଷ୍ଟମର୍ଟମ ରି...

by Aryan Cross

ଉତ୍ତରପ୍ରଦେଶ: ଉତ୍ତରପ୍ରଦେଶ ତଥା ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗୀୟ ଏନଡି ତିୱାରିଙ୍କ ପୁଅର ମୃତ୍ୟକୁ ନେଇ ସସପେନ୍ସ ଲାଗିରହିଛି । ପ୍ରାଥମିକ ତଦନ୍ତ ଓ ପୋଷ୍ଟମଟମ ରିପୋର୍ଟ ଆସିବା ପରେ ପୋଲିସର ସନ୍ଦେହ ବଢିବାରେ ଲାଗିଛି । ଏବେ ସନ୍ଦେହଘେରରେ ପୂରା ପରିବାର । ଆଜି ସକାଳ ପଚାର ଉଚରା ପାଇଁ ପୋଲିସ ରୋହିତଙ୍କ ଘରେ ପହଞ୍ଚିଥିଲା ।

ଦିଲ୍ଲୀ ପୋଲିସ ଏହାର ତଦନ୍ତ ଭାର କ୍ରାଇମବ୍ରାଞ୍ଚକୁ ଦେବା ପରେ ତଦନ୍ତ ପ୍ରକ୍ରିୟା ଜୋରଦାର ଚାଲିଛି । ପୋଷ୍ଟମର୍ଟମ ରିପୋର୍ଟରୁ ତକିଆକୁ ମୁହଁରେ ଚାପି ଶ୍ୱାସରୁଦ୍ଧ କରି ତାଙ୍କୁ ହତ୍ୟା କରାଯାଇଥିବା ଜଣାପଡିଛି । ତଦନ୍ତ ପାଇଁ ପୋଲିସ ରୋହିତଙ୍କ ଘରେ ପହଞ୍ଚିଥିଲେ ମଧ୍ୟ ତାଙ୍କ ମାଆ ଓ ପତ୍ନୀ ହରିଦ୍ୱାରରେ ଥିବା କାରଣରୁ ପଚରାଉଚରା କରିପାରିନଥିଲା । ତେବେ ଆଜି ସକାଳେ ଡିଫେନ୍ସ କଲୋନୀ ସ୍ଥିତ ଘରେ ପହଞ୍ଚି ପୋଲିସ ରୋହିତଙ୍କ ପତ୍ନୀ ଓ ଚାକରକୁ ପଚରାଉଚରା କରିଥିଲା ।

ଯାଞ୍ଚ ସମୟରେ ଆଉ ଏକ ଦିଗ ପୋଲିସ ନଜରକୁ ଆସିଛି । ରୋହିତଙ୍କୁ ହତ୍ୟା କରାଯାଇଥିବା ଦିନ କୌଣସି ବାହାରର ବ୍ୟକ୍ତି ଘରକୁ ଆସିନଥିବା ସିସିଟିଭି ଯାଞ୍ଚ ସମୟରେ ପୋଲିସ ଜାଣିବାକୁ ପାଇଛି । ତେଣୁ ପୋଲିସର ସନ୍ଦେହଘେରରେ ଏବେ ପୁରା ପରିବାର । ପୋଲିସ ରୋହିତଙ୍କ ପରିବାରର ଚାକର ଓ ପତ୍ନୀ ଅପୂର୍ବାଙ୍କୁ ପଚରାଉଚରା କରିଛି ।