କଳା ରାତିର ଏକମାତ୍ର ସାକ୍ଷୀ ଅଭିନ୍ଦ୍ର: କିଏ ଏହି ଅଭିନ୍ଦ୍ର, ଏବେ କ'ଣ କରୁଛନ୍ତି....

ନୂଆଦିଲ୍ଲୀ : 16 ଡିସେମ୍ବର 2012 ସେହି କଳା ରାତିର ଘଟଣା  ସାରା ଦେଶର ଆବାଳ, ବୃଦ୍ଧ, ବନିତା ସମସ୍ତଙ୍କ ଲୋମ ଟାଙ୍କୁରୀ ଦେଇଥିଲା । ଜଣେ ଡାକ୍ତରୀ ଛାତ୍ରୀ ନିର୍ଭୟା ସହ  ଚଳନ୍ତା ବସ୍‌ରେ ହୋଇଥିଲା ଗଣ ଦୁଷ୍ମର୍ମ । ସେହି କଳା ରାତିର ଏକମାତ୍ର ସାକ୍ଷୀ ଥିଲେ  ଅଭିନ୍ଦ୍ର । ଯିଏକି ନିର୍ଭୟାଙ୍କ ସାଙ୍ଗ । ସେଦିନର ପୁରା ଘଟଣା ଅଭିନ୍ଦ୍ରଙ୍କ ସାମ୍ନାରେ ଘଟିଯାଇଥିଲା । ଅଭିନ୍ଦ୍ରଙ୍କ ସାମ୍ନାରେ 6 ଅଭିଯୁକ୍ତ ନିର୍ଭୟାଙ୍କୁ ବସ୍‌ର ପଛ ସିଟ୍‌କୁ ଟେକି ନେଇ ଅମାନୁଷିକ ଭାବେ ତାଙ୍କ ଉପରେ ଲୋଟି ପଡିଥିଲେ 6 ଜଣ ଯୁବକ । ଅମାନୁଷିକ ଭାବେ ଗଣ ଦୁଷ୍କର୍ମ ଯାହାକି ଏଠାରେ ଉଲ୍ଲେଖ କରିବାକୁ ଅନୁମତି ନାହିଁ ।

6ଜଣ ଅଭିଯୁକ୍ତଙ୍କ କବଳରୁ ନିଜ ସାଥିକୁ ଉଧାର କରିବା ପାଇଁ ପାରୁ ପର୍ଯ୍ୟନ୍ତ ଚେଷ୍ଟା କରିଥିଲେ ଅଭିନ୍ଦ୍ର । କିନ୍ତୁ ଏହି  ନର ରୂପି 6 ରାକ୍ଷାସ ଅଭିନ୍ଦ୍ରଙ୍କୁ ମଧ୍ୟ ପ୍ରଚଢ ଆଘାତ ଦେଇଥିଲେ । ଶେଷରେ ଦୁଇ ଜଣଙ୍କୁ ଚଳନ୍ତା ବସ୍‌ରୁ ତଳକୁ ଫିଙ୍ଗି ଦେଇଥିଲେ ଅଭିଯୁକ୍ତ ।  କିଛି ଦିନ ହସ୍ପିଟାଲରେ ମୃତ୍ୟ ସହ ସଙ୍ଗ୍ରାମ ପରେ ଆଖି ବଝୁଥିଲେ ନିର୍ଭୟା । ହେଲେ ଏକ ମାତ୍ର ସାକ୍ଷୀ ଥିବା ଅଭିନ୍ଦ୍ର କୁଆଡେ ଗଲେ..? ସମସ୍ତଙ୍କ ମନରେ ଏହି ଭାବନା ଯେ ଅଭିନ୍ଦ୍ର କିପରି ଅଛନ୍ତି, କେଉଁଠି ଅଛନ୍ତି ଆଉ କଣ କରୁଛନ୍ତି ..?

ନିର୍ଭୟା କେସକୁ 7 ବର୍ଷ ପୁରିଛି । ଅଭିଯୁକ୍ତମାନଙ୍କୁ ଫାଶୀର ଦଣ୍ଡ ମଧ୍ୟ ଶୁଣାଣି ସରିଛି । କିନ୍ତୁ ସେହି କଳା ରାତିର ଏକମାତ୍ର ସାକ୍ଷୀ ଏବେ ଏକାକି ଜୀବନ ଅତିବାହିତ କରୁଛନ୍ତି । ତାଙ୍କ ମନରେ ଏବେବି ସାଙ୍ଗକୁ ବଞ୍ଚାଇ ନ ପାରିବାର ଦୁଃଖ ଭରି ରହିଛି । ଆଉ ତାଙ୍କ ସାମ୍ନା‌ରେ ତାଙ୍କ ପ୍ରିୟ ସାଙ୍ଗ ଯିଏ କି ସବୁ ଦିନ ସାଥି ହୋଇ ଚାଲିବ ବୋଲି କଥା ଦେଇଥିଲା ତାର ଚିତ୍କାର ପ୍ରତି ମୁହୂର୍ତ୍ତରେ ଶୁଣିବାକୁ ପାଉଛନ୍ତି ଅଭିନ୍ଦ୍ର। କାଶ୍‌ ମୁଁ ତାକୁ ବଞ୍ଚାଇପାରିଥାନ୍ତି, ବନ୍ଧୁତା ଅଧା ରହିଗଲା ।

ଏଠି କହିରଖୁଛୁ ଯେ ଏହି ନରରୂପି ରାକ୍ଷସଙ୍କ ସାମ୍ନା କରିବା ପରେ ଏବେ ଅଭିନ୍ଦ୍ର ଏକ ନିରୋଳା ସ୍ଥାନରେ ରହୁଛନ୍ତି । ଅଭିନ୍ଦ୍ରଙ୍କ ପରିବାର ଗୋରଖପୁରରରେ ରହୁଛନ୍ତି । ଅଭିନ୍ଦ୍ରଙ୍କ ଘର ଲୋକ ଚାହାଁନ୍ତି ଯେ ପୁଅ ସମ୍ପର୍କରେ କାହାକୁ କିଛି ଜଣାଇବା ପାଇଁ । ଏହି ଘଟଣା ପରେ ବହୁ ବିଷାଦରେ ଦିନ କାଟୁଥିଲେ ଅଭିନ୍ଦ୍ର । ପରିବାର ଲୋକ ତାଙ୍କୁ ମହାରାଷ୍ଟ୍ରର ପୁଣେ  ରଖି କମ୍ପିଟେଟିଭ୍ ପରୀକ୍ଷା ପାଇଁ ପ୍ରସ୍ତୁତ କରାଉଛନ୍ତି । ନିର୍ଭାୟଙ୍କ ଅଭିଯୁକ୍ତଙ୍କୁ ଫାଶୀ ମିଳୁ ବୋଲି କେବେଠୁ ଇଚ୍ଛା ଥିଲା ବୋଲି ଅଭିନ୍ଦ୍ର କହିଛନ୍ତି ।