‘ଚିଟ୍‌ଫଣ୍ଡ ଘୋଟାଲା କରିଥିବା ଲୋକ ଓଡିଶାର ବିକାଶ କରିପାରିବେ କି ?’

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବିଭିନ୍ନ ପ୍ରସଙ୍ଗ ନେଇ ରାଜ୍ୟ ସରକାରଙ୍କୁ ଘେରିଥିଲେ । ଜୟପୁରଠାରେ ବିଜୟ ସଂକଳ୍ପ ସମାବେଶର ଶୁଭାରମ୍ଭ କରିବା ସହ ସାଧାରଣ ଲୋକଙ୍କୁ କେନ୍ଦ୍ର ସରକାରଙ୍କ ସଫଳତା ଓ ରାଜ୍ୟ ସରକାରଙ୍କ ବିଫଳତା ସମ୍ପର୍କରେ ଅବଗତ କରାଇଥିଲେ । ଓଡିଶାରେ ସରକାର ପରିବର୍ତ୍ତନ ଓ କେନ୍ଦ୍ରରେ ଆଉଥରେ ବିଜେପିକୁ କ୍ଷମତାସୀନ କରିବା ପାଇଁ ସାଧାରଣ ଲୋକଙ୍କୁ ଆହ୍ୱାନ ଦେଇଥିଲେ ମୋଦି ।

ରାଜ୍ୟ ସରକାରଙ୍କୁ କଡା ସମାଲୋଚନା କରି ଚିଟଫଣ୍ଡ ଘୋଟାଲା କରିଥିବା, ଗରିବଙ୍କୁ ଲୁଟିଥିବା ଓଡିଶାକୁ ମଜବୁତ କରିପାରିବେ ନାହିଁ, ରାଜ୍ୟର ଭଲ କରିପାରିବେ ନାହିଁ, ।  ଖଣି ମାଫିଆଙ୍କୁ ମୁହଁ ଦେଉଥିବା ଲୋକ ରାଜ୍ୟକୁ କେବେବି ମଜବୁତ କରିପାରିବେ ନାହିଁ । ଯେଉଁ ରାଜ୍ୟରେ ମହିଳା ଅସୁରକ୍ଷିତ ନ୍ୟାୟ ଦେବାରେ ବିଫଳ ହୋଇଥିବା ଲୋକ ଓଡିଶାକୁ ସୁରକ୍ଷିତ କରିପାରିବେ ନାହିଁ । ଏହାର ଜବାବ ମିଳିବା ଦରକାର ।

ଚିଟଫଣ୍ଡ ଘୋଟାଲା କରିଥିବା ଲୋକ ଓଡ଼ିଶାର ବିକାଶ କରିପାରିବେ କି ବୋଲି ଲୋକଙ୍କୁ ପ୍ରଶ୍ନ କରିଥିଲେ ମୋଦି । ସେହିପରି ଆଦିବାସୀଙ୍କ ସମ୍ପତ୍ତି ଲୁଟ କରୁଛନ୍ତି ରାଜ୍ୟ ସରକାର । ସେମାନେ ରାଜ୍ୟକୁ ମଜବୁତ କରିପାରିବେ କି ବୋଲି ପ୍ରଶ୍ନ କରିଥିଲେ ମୋଦି । ନାରୀ ହିଂସାରେ ନ୍ୟାୟ ଦେଇପାରୁନଥିବା ସରକାର ସୁରକ୍ଷା ଦେଇପାରିବ କି ? ଏଭଳି ସରକାର ମା, ଭଉଣୀଙ୍କୁ ସୁରକ୍ଷା ଦେଇପାରିବ କି ?କେବଳ ଏ ଚୌକିଦାର ହିଁ ସୁରକ୍ଷା ଦେଇପାରିବ। ଥରେ ଏ ଚୌକିଦାରକୁ ମୌକା ଦିଅନ୍ତୁ, ତା ପରେ ଦେଖିବେ। ଆପଣଙ୍କ ସୁଖ, ସୁରକ୍ଷା ପାଇଁ ଏ ଚୌକିଦାର ସର୍ବଦା ରହିଛି।