ରାମବିଳାସ ପାଶୱାନ ଦୀର୍ଘ ଦିନ ଧରି ଅସୁସ୍ଥ ହୋଇ ଦିଲ୍ଲୀର ଏକ ଡ଼ାକ୍ତରଖାନାରେ ଭର୍ତି ହୋଇଥିଲେ । ତାଙ୍କର ହୃଦ ଅପରେସନ କରାଯାଇଥିଲା ଏବଂ ଆଉ ଏକ ଅପରେସନ ହେବାକୁ ବାକି ରହିଥିଲା । ମାତ୍ର ଗତକାଲି ସନ୍ଧ୍ୟାରେ ତାଙ୍କର ପରଲୋକ ଘଟିଥିଲା । ମୃତ୍ୟୁ ବେଳକୁ ତାଙ୍କୁ ୭୪ ବର୍ଷ ବୟସ ହୋଇଥିଲା। ୧୯୪୬ ମସିହା ଜୁଲାଇ ୫ ତାରିଖରେ ବିହାରର ଖଗରିଆ ଜିଲ୍ଲା ଶାହାରବନ୍ନିରେ ଏକ ଦଳିତ ପରିବାରରେ ଜନ୍ମ ଗ୍ରହଣ କରିଥିଲେ। ବିହାରର ଏହି ରାଜନେତା ୮ଥର ଲୋକସଭାକୁ ନିର୍ବାଚିତ ହୋଇଥିବା ବେଳେ ବର୍ତ୍ତମାନ ରାଜ୍ୟସଭା ସଦସ୍ୟ ଥିଲେ।
