ଅର୍ଗସ ବ୍ୟୁରୋ: ପ୍ରାୟ ବର୍ଷେ ପରେ ପ୍ରଥମ ଥର ପ୍ରତ୍ୟକ୍ଷ ଭାବରେ ବସିଛି କେନ୍ଦ୍ର କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଦିନ 11 ଟାରେ ବୈଠକ ଆରମ୍ଭ ହୋଇଛି । ଶେଷ ଥର ଗତବର୍ଷ ଏପ୍ରିଲ ମାସରେ ପ୍ରତ୍ୟକ୍ଷ ଭାବରେ କ୍ୟାବିନେଟ ବୈଠକ ହୋଇଥିଲା । କରୋନା ଯୋଗୁଁ ଭର୍ଚ୍ଚୁଆଲ ମୋଡ ରେ ହେଉଥିଲା ବୈଠକ ।
ଆସନ୍ତା ୧୯ ତାରିଖରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେଉଛି । ତାପୂର୍ବରୁ କ୍ୟାବିନେଟ୍ ବୈଠକରେ ଏସମ୍ପର୍କରେ ଆଲୋଚନା ହୋଇପାରେ । ମୌସୁମୀ ଅଧିବେଶନ ୧୩ ଦିନ ଚାଲିବ । ମନ୍ତ୍ରିମଣ୍ଡଳ ଅଦଳବଦଳ ପରେ କ୍ୟାବିନେଟ କମିଟିରେ ନୂଆ ଚେହେରାଙ୍କୁ ସାମିଲ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଏହାସହ କ୍ୟାବିନେଟ୍ ବୈଠକ ପରେ ଆଜି ମନ୍ତ୍ରୀ ପରିଷଦ ବୈଠକ ବି ବସିବ । ସନ୍ଧ୍ୟା ୪ଟାରେ ଭିଡିଓ କନଫରେନ୍ସିଂରେ ଏହି ବୈଠକ ଅନୁଷ୍ଠିତ ହେବ । ମନ୍ତ୍ରିମଣ୍ଡଳର ସମ୍ପ୍ରସାରଣ ପରେ ଏହା ମନ୍ତ୍ରୀ ପରିଷଦର ଦ୍ୱିତୀୟ ବୈଠକ । ଗତ ଜୁଲାଇ ୮ ତାରିଖରେ କ୍ୟାବିନେଟ ସମ୍ପ୍ରସାରଣ ପରେ ମନ୍ତ୍ରୀ ପରିଷଦର ପ୍ରଥମ ବୈଠକ ବସିଥିଲା ।
ଅର୍ଗସ ବ୍ୟୁରୋ : ଚେନ୍ନାଇରେ ତାଣ୍ଡବ ରଚୁଛି ବାତ୍ୟା ମିଗଜୋମ୍ର । ବିଭିନ୍ନ ସ୍ଥାନରେ ପ୍ରବଳ ବର୍ଷା ସହ ପବନ ମଧ୍ୟ ଲାଗିରହିଛି । ଫଳରେ ଉବୁଟୁବୁ ହେଉଛି ଚେନ୍ନାଇ । ପ୍ରବଳ ବର୍ଷା ଯୋଗୁ ଅନେକ ସ୍ଥାନରେ ଜଳାର୍ଣ୍ଣବ ପରିସ୍ଥିତି ସୃଷ୍ଟି ହୋଇଛି ।
ଅଧିକ ପଢନ୍ତୁ : ଆରମ୍ଭ ହୋଇଗଲାଣି ତୁହାକୁ ତୁହା ବର୍ଷା, ଭାଙ୍ଗିଲାଣି ବଡ ବଡ ଗଛ
ଚେନ୍ନାଇର ଇଷ୍ଟକୋଷ୍ଟ ରୋଡ୍ରେ ପ୍ରବଳ ବର୍ଷା ଯୋଗୁ ନିର୍ମାଣାଧୀନ ୫ ଜଣଙ୍କ ମୃତ୍ୟୁ ହୋଇଥିବା ଜଣା ଯାଇଛି । ସ୍କୁଲ, କଲେଜ ସମେତ ସମସ୍ତ ଶିକ୍ଷାନୁଷ୍ଠାନ, ବ୍ୟାଙ୍କଠାରୁ ଆରମ୍ଭ କରି ଅଫିସ୍ ସବୁ ବନ୍ଦ ଘୋଷଣା କରାଯାଇଛି
