ଆପଣଙ୍କ ସମସ୍ତ କାର୍ଯ୍ୟକଳାପ, ସମସ୍ତ ଗତିବିଧିରେ ଦେଶ ପ୍ରଥମ, ସବୁବେଳେ ପ୍ରଥମର ଭାବନା ଝଟକୁଥିବା ଦରକାର । ଦେଶରେ ବିଭିନ୍ନ ପ୍ରାନ୍ତରେ ଆପଣ ଲୋକଙ୍କୁ ସେବା ଯୋଗାଇବେ । ଭିଭିନ୍ନ ଜିଲ୍ଲା, ସହରରେ ହେବ । ସେଥିପାଇଁ ଆପଣଙ୍କୁ ଏକ ମନ୍ତ୍ର ମନେ ରଖିବାକୁ ପଡିବ । ଫିଲ୍ଡରେ ଥିବା ସମୟରେ ଆପଣ ଯେଉଁ ନିଷ୍ପତ୍ତି ନେଉଛନ୍ତି ତାହା ଦେଶ ହିତରେ ହେବା ଦରକାର ।
ପୋଲିସରେ ମହିଳାଙ୍କ ଭାଗିଦାରୀ ବଢୁଥିବା କହିଛନ୍ତି ପ୍ରଧାନମନ୍ତ୍ରୀ । ୟୁପିରୁ ଅରୁଣାଚଳ ଓ ବିହାରରୁ କେରଳ ପର୍ଯ୍ୟନ୍ତ ଆଇପିଏସଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ତାଲିମପ୍ରାପ୍ତ ଆଇପିଏସ୍ ଅଧିକାରୀଙ୍କୁ ଅନେକ ପ୍ରଶ୍ନ ପଚାରିଥିଲେ ଏବଂ ସେମାନଙ୍କଠାରୁ ପରାମର୍ଶ ଲୋଡିଥିଲେ ।
ଏହି ଅବସରରେ ପ୍ରଧାନମନ୍ତ୍ରୀ ତାଲିମପ୍ରାପ୍ତ ଆଇପିଏସ୍ ଅଧିକାରୀମାନଙ୍କୁ କହିଛନ୍ତି ଯେ, ଆପଣଙ୍କର ଯୁବ ନେତୃତ୍ୱ ଦେଶକୁ ଆଗକୁ ନେବ । ଯଦି ପୋଲିସ ଅଧିକାରୀମାନେ ସେମାନଙ୍କ ଫିଟନେସ୍ କୁ ମଜବୁତ କରିନ୍ତି ତେବେ ସମାଜ ମଧ୍ୟ ଭଲ ହେବ । ଦେଶ ସେବାରେ ଅଧିକାରୀଙ୍କ ଶିକ୍ଷା ବେଶ ଉପଯୋଗୀ । ଏହି କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏବଂ ଗୃହ ରାଜ୍ୟ ମନ୍ତ୍ରୀ ନିତ୍ୟାନନ୍ଦ ରାୟ ମଧ୍ୟ ଉପସ୍ଥିତ ଅଛନ୍ତି ।
