ଆଜି ଅର୍ନ୍ତରାଷ୍ଟ୍ରୀୟ ‘ଯୋଗ ଦିବସ’, ୩୫୦୦୦ ହଜାରରୁ ଉର୍ଦ୍ଧ୍ୱ ଲୋକଙ୍କ ସହ ପ୍ରଧାନମନ୍ତ୍ରୀ ମୋଦି କଲେ ଯୋଗ

ରାଞ୍ଚି: ଆଜି ଅର୍ନ୍ତରାଷ୍ଟ୍ରୀୟ ‘ଯୋଗ ଦିବସ’ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଝାଡ଼ଖଣ୍ଡର ରାଜଧାନୀ ରାଞ୍ଚିରେ ୩୫୦୦୦ ହଜାରରୁ ଉର୍ଦ୍ଧ୍ୱ ଲୋକଙ୍କ ସହିତ ଯୋଗ କରୁଛନ୍ତି । ୨୦୧୫ ରୁ ପ୍ରତିବର୍ଷ ଜୁନ୍ ୨୧ରେ ଅନ୍ତରାଷ୍ଟ୍ରୀୟ ଯୋଗ ଦିବସ ପାଳନ କରାଯାଏ । ମୋଦୀଙ୍କ ଏହି ଯୋଗ କାର‌୍ୟ୍ୟକ୍ରମ ପାଇଁ ରାଞ୍ଚିର ପ୍ରଭାତ ତାରା ପଡ଼ିଆରେ ବ୍ୟାପକ ଆୟୋଜନ କରାଯାଇଛି ।

ମୋଦୀ ଗସ୍ତ ପୂର୍ବରୁ ରାଞ୍ଚିରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଦିଆଯାଇଛି । ସହରର ଅନ୍ୟ ସ୍ଥାନ ଗୁଡ଼ିକ ଉପରେ ପୋଲିସର ନଜର ରହିଛି । ପ୍ରଧାନମନ୍ତ୍ରୀଙ୍କ ସ୍ୱାଗତ ପାଇଁ ସହରର ପ୍ରଭାତ ତାରା ପଡ଼ିଆରେ ଆୟୋଜନ କରାଯାଇଛି । ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ସାଧାରଣ ଜନତାଙ୍କୁ ପ୍ରଥମେ ନିଜର ସ୍ଥାନ ସୁରକ୍ଷିତ ରଖିବାକୁ ପଡ଼ିବ ।

ସକାଳ ୬.୩୦ ସମୟରେ ପ୍ରଧାନମନ୍ତ୍ରୀ ମୋଦି ଯୋଗ କରିବା ପାଇଁ ପ୍ରଭାତ ତାରା ପଡିଆରେ ପହଞ୍ଚିବେ । ଯୋଗ ଦିବସ ଅବସରରେ ପ୍ରଧାନମନ୍ତ୍ରୀ ମୋଦୀଙ୍କ ରାଞ୍ଚି ଗସ୍ତକୁ ନେଇ ମୁଖ୍ୟମନ୍ତ୍ରୀ ରଘୁବର ଦାସ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଠାକୁ ଆସୁଛନ୍ତି । ସମାରୋହ ସ୍ଥଳରେ ୩୫୦୦୦ରୁ ଅଧିକ ଲୋକ ଉପସ୍ଥିତ ରହିବେ। ପ୍ରଧାନମନ୍ତ୍ରୀ ମୋଦି ଚାହୁଁଥିଲେ ଯେ, ଝାଡ଼ଖଣ୍ଡ ଏବଂ ବିଶ୍ୱରେ ଏହା ଏକ ‘ଜନ ଆନ୍ଦୋଳନ’ ହୋଇଯାଉ।