‘ଦିଦି ଦିନସାରା କେବଳ ଭାଷଣ ଦିଅନ୍ତି, ପଶ୍ଚିମବଙ୍ଗରେ କିଛି ମଧ୍ୟ ବଦଳିନି’: ରାହୁଲ ଗାନ୍ଧି

କୋଲକାତା: ରାହୁଲଙ୍କ ଟାର୍ଗେଟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜି  ।  ମାଲଦାରେ ଏକ ଦଳୀୟ ସମାବେଶରେ ରାହୁଲ ଦିଦିଙ୍କ ଉପରେ ବର୍ଷିଛନ୍ତି  । ବାମ ମୋର୍ଚ୍ଚା ଶାସନ ଓ ମମତାଙ୍କ ଶାସନ ମଧ୍ୟରେ କିଛି ମଧ୍ୟ ଫରକ ନାହିଁ ବୋଲି ରାହୁଲ ଅଭିଯୋଗ କରିଛନ୍ତି  । ସେ କହିଛନ୍ତି ଯେ, ଆପଣ ମାନେ ଅନେକ ବର୍ଷ ପର୍ଯ୍ୟନ୍ତ ସିପିଏମର ଶାସନ ଦେଖିଲେ,ତା’ପରେ ଆପଣ ମାନେ ମମତାଙ୍କୁ ବାଛିଥିଲେ  । ଯେଉଁ ଅତ୍ୟାଚାର ସିପିଏମ୍ ସମୟରେ ହେଉଥିଲା,ସେହି ଅତ୍ୟାଚାର ମମତାଙ୍କ ଅମଳରେ ମଧ୍ୟ ହେଉଛି  । ସେ ସମୟରେ ଗୋଟିଏ ସଂଗଠନ ପାଇଁ ସରକାର ଚାଲୁଥିଲା,ଏବେ ଜଣେ ବ୍ୟକ୍ତି ପାଇଁ ସରକାର ଚାଲୁଛି  ।  ମମତା ନା କେବେ କାହା ସହ କଥା ହୁଅନ୍ତି ନା କେବେ କାହାର ପରାମର୍ଶ ନିଅନ୍ତି  । ସେ ସେଇଆ କରନ୍ତି ଯାହା ତାଙ୍କ ଇଛା ହୁଏ  ।

ମମତା ରାଜ୍ୟ ପାଇଁ କିଛି ମଧ୍ୟ କରିନାହାନ୍ତି

ମମତାଙ୍କ ଉପରେ ଆକ୍ରମଣ କରିବାକୁ ଯାଇ,ରାହୁଲ କହିଥିଲେ ଯେ, ମମତା ରାଜ୍ୟ ପାଇଁ କିଛି ମଧ୍ୟ କରିନାହାନ୍ତି  । ସେ କୃଷକ ଓ ଯୁବକଙ୍କ ପାଇଁ କିଛି ମଧ୍ୟ କରିନାହାନ୍ତି  । ଚାରିଆଡେ ବେକାରୀ ସମସ୍ୟା  । ମମତା ଦିନ ସାରା କେବଳ ଭାଷଣ ଦିଅନ୍ତି  ।