Sameer Wankhede faces CBI probe in ₹25 cr bribery case for not framing Aryan Khan in drug case

ସମୀର ୱାଙ୍ଖେଡେଙ୍କ ନାଁରେ ଦୁର୍ନୀତି ମାମଲା ରୁଜୁ କଲା ସିବିଆଇ

by Manini Pattanayak

Sameer Wankhede faces CBI probe in ₹25 cr bribery case for not framing Aryan Khan in drug case

ନୂଆଦିଲ୍ଲୀ: ସମୀର ୱାଙ୍ଖେଡେଙ୍କ ନାଁରେ ଦୁର୍ନୀତି ମାମଲା ରୁଜୁ କରିଛି ସିବିଆଇ। ଦୁଇ ବର୍ଷ ତଳେ ଡ୍ରଗ୍ସ ମାମଲାରେ ସମୀର ଓ ତାଙ୍କ ଟିମ ଶାହରୁଖ ଖାନଙ୍କ ପୁଅ ଆର୍ଯ୍ୟନଙ୍କୁ ଗିରଫ କରିଥିଲେ। ଏବେ ସେ ନିଜେ ଦୁର୍ନୀତି ମାମଲାରେ ଫସିଛନ୍ତି। ସିବିଆଇ ସୀମର ୱାଙ୍ଖେଡେଙ୍କ ସମେତ ୩ ଜଣ ସରକାରୀ ଅଫିସରଙ୍କ ନାଁରେ ଦୁର୍ନୀତି ମାମଲା ରୁଜୁ କରିଛି। ସେହିପରି ୨୯ଟି ସ୍ଥାନରେ ରେଡ ମଧ୍ୟ ଜାରି ରହିଛି। ସୀମରଙ୍କ ନାଁରେ ଦୁର୍ନୀତି ଅଭିଯୋଗ ଆସିବା ପରେ ଭିଜିଲାନ୍ସ ଏହାର ତଦନ୍ତ କରିଥିଲା।

ଭିଜିଲାନ୍ସ ଦେଇଥିବା ରିପୋର୍ଟ ଓ ପ୍ରାଥମିକ ତଦନ୍ତ କରି ସିବିଆଇ ପାଇଥିବା ତଥ୍ୟକୁ ଆଧାର କରି ଇଣ୍ଡିଆନ ରେଭିନ୍ୟୁ ସର୍ଭିସ ଅଫିସର ସମୀରଙ୍କ ନାଁରେ ମାମଲା କରିଛି। ଭିଜିଲାନ୍ସ ତଦନ୍ତ ବେଳେ ଜଣାପଡ଼ିଥିଲା ଯେ ସମୀର ଦୁର୍ନୀତି କରି ବିପୁଳ ପରିମାଣର ସମ୍ପତ୍ତି ହାତେଇଛନ୍ତି। ତେଣୁ ସିବିଆଇ ଏହାର ତଦନ୍ତ ଆରମ୍ଭ କରିଛି ଓ ସମୀରଙ୍କ ଘରେ ରେଡ୍‌ କରିଛି। ୨୦୨୧ ମସିହା ଅକ୍ଟୋବର ମାସରେ ସମୀରଙ୍କ ନେତୃତ୍ୱାଧୀନ ଗୋଟିଏ ଟିମ ମୁମ୍ବାଇ ଇଣ୍ଟରନ୍ୟାଶନାଲ କ୍ରୁଜ ଟର୍ମିନାଲରେ ଥିବା କୋରଡେଲିଆ କ୍ରୁଜରେ ରେଡ କରିଥିଲେ। ଏହି ସମୟରେ ଆର୍ଯ୍ୟନ ଓ ଅନ୍ୟମାନଙ୍କୁ ଡ୍ରଗ୍ସ ମାମଲାରେ ଗିରଫ କରିଥିଲେ। ପ୍ରାଥମିକ ଭାବେ ଡ୍ରଗ୍ସ ରଖିବା, ସେବନ କରିବା ଓ ଏହାର ଚାଲାଣ କରିବା ମାମଲା ରୁଜୁ ହୋଇଥିଲା।
ଅଧିକ ପଢନ୍ତୁ ଭାରତ ଖବର

ନରମାନ ବୋରଲଗ ଫିଲ୍ଡ ଆଓ୍ୱାଡ ପାଇବେ ଓଡିଆ ବୈଜ୍ଞାନିକ

by Banajyotshna Ray

Odia Scientist Dr Swati Nayak Wins The Prestigious Norman Borlaug Field Award

ଅର୍ଗସ ବ୍ୟୁରୋ: ବିଶ୍ୱ ପଟଳରେ ପୁଣି ଓଡ଼ିଶାର ଗୌରବ ରଖିଲେ ଓଡ଼ିଆ କୃଷି ବୈଜ୍ଞାନିକ ଡକ୍ଟର ସ୍ୱାତୀ ନାୟକ । ବିଶ୍ଵ ଖାଦ୍ୟ ପୁରସ୍କାର ସଂସ୍ଥା ତରଫରୁ field research ଏବଂ application ପାଇଁ ସମ୍ମାନ ଜନକ ନରମାନ ବୋରଲଗ ଫିଲଡ଼ ପୁରସ୍କାର ପାଇବା ପାଇଁ ସେ ମୋନୋନିତ ହୋଇଛନ୍ତି। ସେ ଭାରତର ଦ୍ଵିତୀୟ ଏବଂ ଓଡ଼ିଶା ର ପ୍ରଥମ ମହିଳା କୃଷି ବୈଜ୍ଞାନିକ ଭାବେ ଏହି ପୁରସ୍କାର ଗ୍ରହଣ କରିବେ। ଅକ୍ଟୋବର ମାସ ରେ ଏହି ପୁରସ୍କାର ପ୍ରଦାନ ଉତ୍ସବ ଯୁକ୍ତ ରାଷ୍ଟ୍ର ଆମେରିକା ର lowa state capital ରେ ଅନୁଷ୍ଠିତ ହେବାକୁ ଯାଉଛି।

ଯେଉଁଥିରେ ଭାଗ ନେଇ ପୁରସ୍କାର ଗ୍ରହଣ କରିବେ dr Swati Nayak।ଯୁବ ବୈଜ୍ଞାନିକ ଭାବେ ଏହି ପୁରସ୍କାର ପାଇଥିବାରୁ ସେ ଗୌରବ ଅନୁଭବ କରୁଥିବା କହିଛନ୍ତି। ସେ ବର୍ତ୍ତମାନ ଅନ୍ତର୍ଜାତୀୟ ଧାନ ଗବେଷଣା ସଂସ୍ଥା ରେ କୃଷି ବୈଜ୍ଞାନିକ ଭାବେ କାର୍ଯ୍ୟରତ ଅଛନ୍ତି। ସ୍ୱାତୀ ନାୟକଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି।

ଅଧିକ ପଢ଼ନ୍ତୁ ଦେଶ ଖବର:

କାନାଡା ନାଗରିକଙ୍କ ଭିସା ଉପରେ ପ୍ରତିବନ୍ଧକ ଲଗାଇଲା ଭାରତ

by Smruti Parija

ndian Visa services in Canada suspended till further notice

ଅର୍ଗସ ବ୍ୟୁରୋ: ଭାରତ ଓ କାନାଡାର ସମ୍ପର୍କ ଦିନକୁ ଦିନ ଆହୁରୀ ତିକ୍ତ ହେଉଛି । ଭାରତ ଆସୁଥିବା ପର୍ଯ୍ୟଟକଙ୍କୁ କାନାଡା ପକ୍ଷରୁ ସର୍ତକତା ଜାରି କରିଵା ପରେ ଭାରତ କାନାଡା ଭିସା ଉପରେ ପ୍ରତିଵନ୍ଧକ ଲଗାଇଛି । ପରଵର୍ତ୍ତୀ ନିର୍ଦେଶ ନଆସିବା ଯାଏଁ ଏହି ପ୍ରତିବନ୍ଧକ ଲାଗୁ ହେବ । କିଛିଦିନ ତଳେ କାନାଡା ନିଜ ନାଗରିକଙ୍କୁ ସୁରକ୍ଷା ଦୃଷ୍ଟିକୋଣରୁ ଜାମ୍ମୁ କାଶ୍ମୀରକୁ ନଯିବା ପାଇଁ ସତର୍କତା ଜାରି କରିଥିଲା ।

ଖାଲିସ୍ତାନୀ ସମର୍ଥକ ହରଦିପ ସିଂ ନିଜାରର ହତ୍ୟା ମାମଲାରେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଭାରତ ଉପରେ ଦୋଶାରୋପ କରିବା ସହ ଭାରତର କୂଟନିତୀଜ୍ଞକୁ ବରଖାସ୍ତ କରିବା ପରେ ସବୁ ବିବାଦ ଆରମ୍ଭ ହୋଇଥିଲା । ପରେ ଭାରତ କାନାଡାର ବରିଷ୍ଠ କୁଟନୀତିଜ୍ଞଙ୍କୁ ବହିଷ୍କାର କରି ୧୦ ଦିନ ମଧ୍ୟରେ ଭାରତ ଛାଡିବାକୁ ନିର୍ଦେଶ ଦେଇଥିଲା ।
ଖାଲିସ୍ତାନୀ ସମର୍ଥକ ହରଦୀପ ସିଂ ନିଜାର ଆତଙ୍କବାଦୀ ଗତିବିଧିକୁ ପ୍ରସହ ଦେଉଥିଲା । ତା ଉପରେ ୧୦ ଲକ୍ଷ ଟଙ୍କାର ଇନାମ ରହିଥିଲା । ଗ୍ୟାଙ୍ଗୱାରରେ ତାକୁ ୧୫ରୁ ଅଧିକ ଗୁଳି ମାରି ତାର ହତ୍ୟା କରାଯାଇଥିଲା ।

ଆହୁରି ପଢନ୍ତୁ ବିଦେଶ ଖବର...

୪୩ବର୍ଷରେ ପାଦ ଥାପିଲେ କରୀନା

by Ritu Das

ଅର୍ଗସ ବ୍ୟୁରୋ: ବଲିଉଡର ଜଣାଶୁଣା ଅଭିନେତ୍ରୀଙ୍କ ଭିତରୁ ଜଣେ ହେଉଛନ୍ତି କରୀନା କପୁର ଖାନ। 43 ବର୍ଷ ବୟସରେ ପାଦ ଥାପିଛନ୍ତି କରିନା। ଆଉ ତାଙ୍କ ଜନ୍ମଦିନକୁ ସ୍ପେଶିଆଲ କରବା ପାଇଁ ତାଙ୍କ ଭଉଣୀ କରିସ୍ମା କପୁର ପଟୌଦୀ ପ୍ୟାଲେସରେ କେକ୍ କାଟି ତାଙ୍କ ବର୍ଥ ଡେ' କୁ ସେଲିବ୍ରେଟ କରୁଥିବାର ଅନେକ ଚିତ୍ର ସୋସିଆଲ ମିଡିଆରେ ଶେୟାର କରିଛନ୍ତି ବେବୋ।

ଅନେକ ହିଟ୍ ମୁଭି ସେ ଦର୍ଶକଙ୍କୁ ଭେଟି ଦେଇଛନ୍ତି। ଆଉ ଆଜି ତାଙ୍କ ଜନ୍ମଦିନରେ ଓଟିଟିରେ ଏକ ଏପିସୋଡ `ଜାନେ ଜାନ' ରିଲିଜ ହୋଇଛି। ଯେଉଁଠାରେ କରିନା ମାୟା ଭୂମିକାରେ ନଜର ଆସିଛନ୍ତି। 2000 ମସିହାରେ ଅଭିଷେକ ବଚ୍ଚନଙ୍କ ସହ ରେଫ୍ୟୁଜିରୁ ଆରମ୍ଭ କରିଥିଲେ ନିଜ କ୍ୟାରିୟର। ଏଥିରେ ସେ ଫିଲ୍ମଫେୟାର ଆୱାର୍ଡ ମଧ୍ୟ ପାଇଥିଲେ। ଏହାପରେ ଗୋଟିଏ ପରେ ଗୋଟିଏ ଫିଲ୍ମକରି ଦର୍ଶକଙ୍କୁ ନିଜର ଆକ୍ଟିଂର ଯାଦୁରେ ବାନ୍ଧି ରଖିଥିଲେ।