ସିନା ବୋରା ହତ୍ୟାକାଣ୍ଡ ମାମଲା: ବେଲ୍‌ ମିଳିବା ପରେ ମଧ୍ୟ ଜେଲ୍‌ରେ ରହିବେ ପିଟର ମୁଖାର୍ଜି

ନୂଆଦିଲ୍ଲୀ:  ବହୁ ଚର୍ଚ୍ଚିତ ଶୀନା ବୋରା ହତ୍ୟାକାଣ୍ଡ ମାମଲାରେ ପିଟର ମୁଖାର୍ଜିଙ୍କୁ ଆଜି ବେଲ୍‌ ମିଳିଛି । ହେଲେ ବେଲ୍‌ ମିଳିବା ପରେ ମଧ୍ୟ  ଇନ୍ଦ୍ରାଣୀ ମୁଖାର୍ଜିଙ୍କ ପୂର୍ବ ସ୍ୱାମୀ ପିଟରଙ୍କୁ ଜେଲ୍‌ରେ ରହିବାକୁ ପଡିବ । ତେବେ ବମ୍ବେ ହାଇକୋର୍ଟ ଏହି ମାମଲର ଶୁଣାଣି କରି  ବେଲ୍‌ ଆବେଦନରେ ମୋହର ଲଗାଇଛନ୍ତି ।

ବେଲ୍‌ ଦେବା ପରେ ହାଇକୋର୍ଟ ସିବିଆଇର ଅନୁରୋଧ କ୍ରମେ 6 ସପ୍ତାହ ପାଇଁ ଏହି ଆଦେଶରେ ରୋକ୍‌ ଲଗାଇଦେଇଛନ୍ତି । ଯାହାଦ୍ୱାରା ସେ ସୁପ୍ରିମ୍‌କୋର୍ଟରେ ଆବେଦନ କରିପାରିବେ । ଏଠି କହି ରଖୁଛୁ ଯେ, ପିଟର ମୁଖାର୍ଜୀ ପତ୍ନୀ ଇନ୍ଦ୍ରାଣୀଙ୍କ ପ୍ରଥମ ସ୍ୱାମୀଙ୍କ  ଝିଅ ଶୀନା ବୋରାଙ୍କୁ ହତ୍ୟା କରିବାରେ ଷଡଯନ୍ତ୍ର ରଚିଥିଲେ ।

ତେବେ ଡିସେମ୍ବରରେ ବମ୍ବେର ସ୍ୱତନ୍ତ୍ର ଅଦାଲତ  ଇନ୍ଦ୍ରାଣୀଙ୍କ ବେଲ୍‌ ଯାଚିକା ଖାରିଜ୍‌ କରିଦେଇଥିଲେ । ମୁଖାର୍ଜୀ 6 ମାସ ପୂର୍ବରୁ ଅସୁସ୍ଥତା କାରଣ ଦର୍ଶାଇ ସ୍ୱତନ୍ତ୍ର ସିବିଆଇ  ନ୍ୟାୟାଧିଶ ଜେଶି ଜଗଦାଲେଙ୍କ ଅଦାଲତରେ  ଆବେଦନ କରିଥିଲେ ।