ଅର୍ଗସ ବ୍ୟୁରୋ : ସାରା ଦେଶରେ ବଢୁଛି କୋଭିଡ ଆକ୍ରାନ୍ତଙ୍କ ସଂଖ୍ୟା । ଏଥିରୁ ଗତକାଲି 1890 ପଜିଟିଭ କେଶ ଆସିଥିବା ବେଳେ 9400 ଆକ୍ଟିଭ କେଶ ରହିଛି । ରାଜ୍ୟରେ ଗତକାଲି 11 ଜଣ ପଜିଟିଭ କେଶ ଆସିଥିବା ବେଳେ 87 ଆକ୍ଟିଭ କେଶ ରହିଛି । ମହାରାଷ୍ଟ୍ର ତାମିଲନାଡୁ କେରଳ ତେଲେଙ୍ଗାନାରେ ଅଧିକ କେଶ ବଢୁଛି। ସତର୍କତା ପାଇଁ ସବୁ ଜିଲ୍ଲାକୁ ଆଲର୍ଟ କରାଯାଇଛି ।ସବୁ ଲକ୍ଷଣଯୁକ୍ତଙ୍କର କରାଯିବ କୋଭିଡ ଟେଷ୍ଟ। ପଜିଟିଭ ବାହାରିଲେ କଣ୍ଟାକ୍ଟରେ ଆସିଥିବା ଲୋକଙ୍କ ମଧ୍ୟ ହେବ ଟେଷ୍ଟ।
ଅଧିକ ପଢନ୍ତୁ : ଉଚ୍ଚସ୍ତରୀୟ ବୈଠକ ଯୋଗେ କରୋନା ସ୍ଥିତି ସମୀକ୍ଷା କରିବେ କେନ୍ଦ୍ର ସ୍ୱାସ୍ଥ୍ୟ ସଚିବ
ହୋମ ଆଇସୋଲେସନରେ ରହିଲେ ଯୋଗାଇ ଦିଆଯିବ ମେଡ଼ିସିନ। ଟେଷ୍ଟ କିଟ, ଔଷଧ, ଅକ୍ସଜେନ ସୁନିଶ୍ଚିତ ମହଜୁତ ରଖିବାକୁ ସବୁ ସିଡିଏମଓ଼ ନିର୍ଦେଶ ଦିଆଯାଇଛି। ଗୋଟିଏ ସ୍ଥାନରୁ ଏକାଧିକ କେଶ ବାହାରିଲେ କଣ୍ଟେନମେଣ୍ଟ ପାଇଁ ନିଆଯିବ ପଦକ୍ଷେପ । କୋଭିଡ ସ୍ଥିତି ନେଇ ଆଜି କେନ୍ଦ୍ର ସରକାର ରିଭ୍ୟୁ କରିବେ । ମକ ଡ୍ରିଲ ନେଇ ହୋଇପାରେ ଆଲୋଚନା । ବୈଠକରେ ଆଲୋଚନା ପରେ ଜିଲ୍ଲା ମାନଙ୍କୁ ନିର୍ଦେଶ ଦିଆଯିବ ବୋଲି ଜନସ୍ବାସ୍ଥ୍ୟ ନିର୍ଦେଶକ ନିରଞ୍ଜନ ମିଶ୍ର ସୂଚନା ଦେଇଛନ୍ତି।
କେନ୍ଦୁଝର: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ଖିରେଇଟାଙ୍ଗିରୀ ଘାଗରା ବନ୍ଧ ପୋଖରୀରୁ ବିଳମ୍ବିତ ରାତିରେ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ମୃତ ମହିଳା ହେଲେ ଖିରେଇଟାଙ୍ଗିରୀ ପଞ୍ଚାୟତ ର ପୂର୍ବତନ ନାଏବ ସରପଞ୍ଚ ଲକ୍ଷ୍ମୀପ୍ରିୟା ମହାନ୍ତ ।
ଖବର ପାଇ ବିଳମ୍ବିତ ରାତିରେ ତୁରୁମୁଙ୍ଗା ପୋଲିସ ପହଞ୍ଚି ଅଗ୍ନିଶମ ବାହିନୀ ସହାୟତାରେ ପୋଖରୀ ଭିତରୁ ମୃତଦେହ ଉଦ୍ଧାର କରିଛି। ମୃତ ମହିଳା ଙ୍କ ସ୍ଵାମୀ ଗିରିଧାରୀ ମହାନ୍ତଙ୍କୁ ଥାନାରେ ଅଟକ ରଖି ଘଟଣାର ତଦନ୍ତ ଜାରି ରଖିଛି।
ଅଧିକ ପଢନ୍ତୁ ଓଡ଼ିଶା ଖବର
କଟକ: ବହୁ ଚର୍ଚ୍ଚିତ ଏସିଏଫ୍ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲା। ହାଇକୋର୍ଟଙ୍କ ଦ୍ବାରସ୍ଥ ହେଲେ ପତ୍ନୀ ଓ ଡିଏଫଓ। ନିମ୍ନ ଅଦାଲତଙ୍କ ନିର୍ଦ୍ଦେଶକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ମୃତ ସୌମ୍ୟରଞ୍ଜନଙ୍କ ପତ୍ନୀ ବିଦ୍ୟଭାରତୀ ପଣ୍ଡା ଓ ଡିଏଫଓ ସଂଗ୍ରାମ କେଶରୀ ବେହେରା।
ଉଭୟ ହାଇକୋର୍ଟରେ ପୃଥକ୍ ପୃଥକ୍ ମାମଲା ଦାୟର କରି ରାଜ୍ୟ ସରକାର ଓ ସୌମ୍ୟରଞ୍ଜନଙ୍କ ବାପାଙ୍କୁ ପକ୍ଷଭୁକ୍ତ କରିଛନ୍ତି। ତେବେ ସୌମ୍ୟରଞ୍ଜନ ମୃତ୍ୟୁ ମାମଲାର ପୁନର୍ବିଚାର ପାଇଁ ବାପା ଅଭିରାମ ମହାପାତ୍ର ପାରଳାଖେମୁଣ୍ଡି ଦୌରା ଜଜ କୋର୍ଟରେ ଆବେଦନ କରିଥିଲେ। ତାଙ୍କ ଆବେଦନକୁ ଗ୍ରହଣ କରି କୋର୍ଟ ମାମଲାର ପୁନର୍ବିଚାର କରିବା ପତ୍ନୀ, ଡିଏଫଓ ଓ ରୋଷେଇଆ ମନ୍ମଥ କୁମ୍ଭାରକୁ କୋର୍ଟରେ ହାଜର ପାଇଁ ନୋଟିସ ଜାରି କରିଥିଲେ।
ଅଧିକ ପଢନ୍ତୁ ଓଡ଼ିଶା ଖବର
ମାଲକାନାଗିରି : ମାଲକାନାଗିରି ଜିଲ୍ଲା ଖଇରପୁଟ ବ୍ଲକ ବଣ୍ଡା ଘାଟିର ହ୍ୟାଣ୍ଡରହଲ ପଞ୍ଚାୟତ ସିନ୍ଦିଗୁଡା ଗ୍ରାମରେ ଅଭାବନୀୟ ଘଟଣା ଦେଖିବାକୁ ମିଳିଛି | ନଦୀରେ ପାର ହେଉଥିବା ସମୟରେ ଡ଼ଙ୍ଗା ବୁଡି ଦୁଇଜଣ ନିଖୋଜ ହୋଇଛନ୍ତି | ପୋଲିସ ସୂଚନା ଅନୁସାରେ ରାସବେଡା ପଞ୍ଚାୟତର ତୁମାପଦର ଗ୍ରାମର ଦୁଇ ଜଣ ବ୍ୟକ୍ତି ଆନ୍ଧ୍ରପ୍ରଦେଶର ପଡ଼ାପଦର ଗ୍ରାମରୁ ଘରକୁ ଫେରୁଥିଲେ | ନଦୀ ପାର ହେଉଥିବା ସମୟରେ ଡ଼ଙ୍ଗା ବୁଡି ସେମାନେ ନିଖୋଜ ହୋଇଯାଇଛନ୍ତି |
ଅଧିକ ପଢନ୍ତୁ : ସତୀଗୁଡା ଡ୍ୟାମରେ ଦେଶୀ ଡଙ୍ଗା ବୁଡି ଘଟଣା, ମିଳିଲା ଜଣେ ମହିଳାଙ୍କ ମୃତଦେହ
ନିଖୋଜ ବ୍ୟକ୍ତି ହେଉଛନ୍ତି ବଳରାମ କିଡିଙ୍ଗି ଓ ସଞ୍ଜିତ କିଡିଙ୍ଗି । ଖବର ପାଇ ମୁଦୁଲିପଡ଼ା ପୋଲିସ ଏବଂ ଅଗ୍ନି ବିଭାଗ ଟିମ୍ ଘଟଣାସ୍ଥଳକୁ ଯାଇ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଦିନ ତମାମ ଉଦ୍ଧାର କାର୍ଯ୍ୟ ଜାରି ରଖିଥିଲେ । କିନ୍ତୁ କୌଣସି ସୁଫଳ ହେଲାନାହିଁ । ପୁଣି ଆଜି ଉଦ୍ଧାର କାର୍ଯ୍ୟ ଚାଲୁ ରଖିଛନ୍ତି ।
